1 Bakalenga 3:15 - MUKANDA WA MYIDI MUKULU

¹⁵ Shelomu ubika ku tulu, kumanyaye ne: Mvidi Mukulu mmuyukile nanyi mu tshilota. Kupinganaye ku Yerushalayime, kuimanaye kumpala kua Maweja-Nangila, kumpala kua mushete wa ndondu. Shelomu kulambula Mvidi Mukulu milambu ya kuosha, ne ya bobumue. Pashishe kulambishilaye balombodi ba mu bukalenga buende bonsu biakudia bia disanka.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Solomo wakatabala, mona, buakadi tshilota. Wakahingana ku Yelushalema, wakimana ku mpala kua mushete wa tshihungidi tshia mei a Yehowa, wakafilaku milambu ya kuosha ha kahia, ne milambu ya kuvuisha nʼai ditalala; wakalambishila bantu bandi bonso bidia bia disanka.

1 Bakalenga 3:15 ပူးပေါင်းရင်းမြစ်များ

Genese 28:16

Yakobe utabuluka ku tulu, kukemaye wamba ne: — Bulelela, tshiena mumanye to! Kadi Maweja-Nangila udi muaba ewu!

Genese 31:54

Yakobe kulambula Mvidi Mukulu mulambu ku mukuna aku, kubikila bana babu bua kudiabu kaba kamue. Pashishe kulalabu ku mukuna aku.

Genese 40:20

Matuku asatu akumbana, mukalenga kuenza tshibilu tshia diledibua diende. Kulambishilaye balombodi ba mu bukalenga buende bonsu biakudia. Mukalenga kubandisha bena lukanu babidi abu milongu, bantu bonsu aba batangile: ke mutangidi wa balongolodi ba maluvu a mukalenga, ne mutangidi wa balambi ba biakudia bia mukalenga.

Genese 41:7

Miepu ya mponda muanda mutekete ivua mifubisha kudi lupepela ayi, kuminayi miepu ya mponda muanda mutekete ivua ne mubidi muimpe. Ke mukalenga kutabuluka ku tulu, kujadika ne: ndi mulote bilota.

1 Bakalenga 3:16

Dituku dikuabu, bakaji bena tshiendenda babidi kuya kuimana kumpala kua mukalenga Shelomu.

1 Bakalenga 8:63

Bua kubanjija nzubu wa Mvidi Mukulu, Shelomu kulambula milambu ya bobumue: ngombe binunu makumi abidi ne bibidi, mikoku ne mbuji binunu lukama ne makumi abidi.

1 Bakalenga 8:65

Anu tshikondu atshi, Shelomu ne bena Izrayele bonsu, bavua muaba awu bapite bungi, kuenzabu tshibilu tshia tuzubu tua Bisasa. Bena Izrayele abu, bavua bafumine mu ditunga dijima dia bena Izrayele, biangatshile ku Lebo-Amate ku mutu mu ditunga, too ne ku musulu wa Ejipitu udi kuinshi mu ditunga. Nanku, munkatshi mua matuku muanda mutekete, bena Izrayele kuenza tshibilu atshi muaba uvua Maweja-Nangila Mvidi Mukulu.

1 Kulondolola 16:3

Pashishe kuabanyinaye bena Izrayele biakudia. Mulume yonsu ne mukaji bavua bapeta diampa, mukata muenza ne bimuma bia date, ne mukata muenza ne tumuma tua mvinyo tuume.

2 Kulondolola 7:5

Kulambulabu ngombe binunu makumi abidi ne bibidi, mikoku ne mbuji binunu lukama ne makumi abidi, bua kubanjija nzubu wa Mvidi Mukulu.

Yirmeya 31:26

(Ke mudibu bamba ne: “Ke meme kujuka ku tulu kudiunwua ne bukole bua mubidi.”)

Danyele 5:1

Dituku dikuabu, mukalenga Baltazare kulongoluela bantu banene tshinunu ba mu bukalenga buende didia dinene. Kunuaye nabumaluvu.

Dibadika 12:6

Maweja-Nangila kubambila ne: — Nuteleje bimpe tshindi nnuambila. Pikala muntu wa kunudi muambi, meme Maweja-Nangila nendimanyishe kudiye, mmuleje malu mu lungenyi, nansha mu tshilota.

Marke 6:21

Kadi ku ndekelu, Erodiyade kututa dikasa dimpe, musangu uvua Erode wenza tshibilu tshia diledibua diende. Erode uvua muenzele bena mu bukalenga buende didia dinene, kabidi ne bamfumu ba basalayi ne bantu baneme ba mu Ngalileya.