1 Bakalenga 3:14 - MUKANDA WA MYIDI MUKULU

¹⁴ Wewe muenze malu andi musue, mutumikile meyi anyi ne mikenji yanyi, bu muvua tatuebe wenza, neushale ne muoyi matuku a bungi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Biwenda mu nshila yanyi, biwatumikila mei anyi ne mikenji yanyi bu muakenda tatu webe Davidi, nenkuleheshile matuku ebe a bungi.

1 Bakalenga 3:14 ပူးပေါင်းရင်းမြစ်များ

1 Bakalenga 11:34

Nanku, tshiena nnyenga Shelomu bukalenga bujima to. Nemmulame bu mukalenga wa bantu banyi bena Izrayele matuku onsu atshidiye ne muoyi, anu bua muntu wanyi Davide umvua musungule, uvua utumikila ku meyi anyi ne ku mikenji yanyi.

1 Bakalenga 15:5

uvua muenze malu mimpe avua asankisha Maweja-Nangila. Davide kavua mubenge kutumikila ku diyi dia Maweja-Nangila nansha dimue to. Bubi bua Davide buvua anu buvuaye muenzele Uriye, muena Iti.

1 Bakalenga 3:3

Shelomu kuleja nuwuaye munange Maweja-Nangila, kukumbajaye bionsu bivua tatuende Davide mumuambile. Nansha Shelomu mene, uvua ulambuila milambu ya nyama, ne ya manananshi, miaba ya tshijila mikuabu ayi.

1 Bakalenga 3:6

Shelomu kuandamuna ne: — Maweja-Nangila uvua muenzele tatu wanyi Davide, muntu webe malu mimpe a bungi, bualu Davide uvua mukuitabe muende muonsu, mukuenzele mudimu ne muoyi umue. Udi muenzele Davide bimpe, nansha kunyima kua lufu luende, bualu udi mumupe muana wa balume, udi mua kumupingana mu bukalenga. Ke mudibi bimueneka lelu.

1 Kulondolola 28:7

Nenshindike bukalenga buende kashidi, padiye ulama meyi anyi, bu mudiye wenza matuku aa.”

1 Kulondolola 28:9

“Wewe, muananyi, Shelomu, ukebe mua kumanya bimpe Mvidi Mukulu, undi muenzele mudimu. Umutendelele ne muoyi webe mujima, kuyi wabakana, kabidi ne lungenyi luebe luonsu. Bualu Maweja-Nangila udi umona mu mioyi ya bantu, udi kabidi usunguluja meji adibu bela. Paudi umukeba, udi udileja kuudi. Kadi paudi umubenga, udi ukulekela kashidi.

2 Kulondolola 29:2

Izkiya uvua wenza malu adi Maweja-Nangila musue, anu bu muvua nkambua wende Davide muenze.

2 Kulondolola 34:2

Yoshiya uvua wenza malu adi Maweja-Nangila musue, anu bu muvua nkambua wende Davide muenze. Uvua ulonda bibidilu bionsu bia nkambua wende awu, kayi usesuka to.

Misambu 132:12

Muanebe wa balume yeye mulame ndondu wanyi ne mikenji indi mumuelele, wende muana kabidi neasombe mu nkuasa wa bamfumu kashidi.”

Misambu 21:4

Udi mumuele lupemba, mumuase nsala wa lumu.

Misambu 21:5

Uvua mukulombe bua kushala panu, wewe kuitaba, kumupesha matuku mulongulongu.

Misambu 91:16

Nemmupeshe disanka, neashale ne muoyi bidimu bia bungi, nemmuleje ne: ndi musungidi wende.”

Nsumuinu 3:16

Meji adi ambuluisha muntu bua kulala panu matuku mulongulongu. Adi amupetesha bubanji ne lumu.

Nsumuinu 3:2

Wewe muyilame, neusombe bimpe panu; neulalepu matuku mavule; newikale ne diakalenga.

Zekâya 3:7

Maweja-Nangila wa bukole buonsu udi ukulaya ne: “Wewe muitabe mikenji yanyi, mukumbaje bimvua mukufundile, nenkomekele bujitu bua kulama nzubu wanyi wa tshijila ne mbanza yende. Nanku nenkuteleje amu mundi nteleja batumibue badi bankuatshila mudimu muaba ewu.”

Bienzedi 13:22

Mvidi Mukulu mumane kubenga Shawule, kutekaye Davide, bua ikale mukalenga wabu. Mvidi Mukulu kuamba ne: “Ndi musungule Davide, muana wa Ishayi, muntu wa pa muoyi wanyi. Neakumbaje bionsu bindi musue.”

Dielulula 25:15

Nuikale anu ne bipimu bia bujitu biakane, ne bia bule bikumbane, bua nushale ne muoyi matuku mavule mu ditunga diavua Maweja-Nangila Mvidi Mukulu wenu kunupa.

Dielulula 5:16

“Muntu yonsu wa kunudi anemeke tatuende ne mamuende, mundi munuambile. Nanku nenuikale bena diakalenga mu ditunga, dindi meme Maweja-Nangila Mvidi Mukulu wenu munupeshe bua nushalemu ne muoyi matuku a bungi.

Dielulula 5:33

Nuitabe bionsu bidi Maweja-Nangila wenu munuambile, bua nuikale bena diakalenga, nushale ne muoyi matuku a bungi mu ditunga didiye unupesha.

1 Timote 4:8

Manaya a kuibidija mubidi adi mimpe, alengelela bantu, kadi amu kakese. Kadi kutumikila Mvidi Mukulu kudi kubambuluisha mu bionsu, bualu kudi kutulaya muoyi bua mpindiewu, ne bua matuku atshidi kumpala.