1 Bakalenga 3:12 - MUKANDA WA MYIDI MUKULU

¹² Nanku, bilondeshile tshiudi mulombe, ndi nkupa lungenyi ne meji. Newikale ne lungenyi lua bungi, lupite lua bantu bonsu bavua kumpala kuebe nansha bakulonda panyima.

Mukanda wa Nzambi Dihungila Dikulukulu ne Dihungila Dihia-dihia 2003

¹² ka nakenza bu mudi dî diebe: nakukuha mutshima muakane wa lungenyi, nunku kakuakadi muntu bu wewe diambedi ne mukuabo kena ulonda ku nyima kuebe bu wewe.

1 Bakalenga 3:12 ပူးပေါင်းရင်းမြစ်များ

1 Bakalenga 2:6

Nanku udimuke. Kuanyishi bua Yowabe akulakaje mu ditalala to. Umushipe.

1 Bakalenga 2:9

Kadi, mpindiewu wewe udi ne lungenyi, kuedi meji ne: Shimeyi kena ne bualu to. Udi mumanye tshiudi mua kumuenzela. Nansha mudiye mumane kukulakaja, uvuluke bua kumushipabu.”

1 Bakalenga 3:28

Bena Izrayele bonsu kumvua muvua mukalenga Shelomu mukose nsambu ayi. Kunemekabu mukalenga Shelomu bikole. Bualu bavua bamanye ne: Mvidi Mukulu nkayende ke udi mumupe meji a kulumbuluisha nawu bantu.

1 Bakalenga 5:12

Uvua muele nsumuinu binunu bisatu, musake misambu ya meji tshinunu ne pa mutu.

1 Bakalenga 5:9

Mvidi Mukulu uvua mupeshe Shelomu meji mapite ne lungenyi lupite bungi. Malu avua Shelomu mumanye avua a bungi bu lusenga lua ku muelelu wa mayi manene.

1 Kulondolola 29:25

Bena Izrayele kudimuena mudi bukalenga bua Shelomu budiunda. Maweja-Nangila wakamupesha butumbi buvua bupite bua bonsu bavua bamudianjidile mu nkuasa wa bukalenga mu bena Izrayele.

2 Kulondolola 2:12

Nanku, mpindiewu ndi nkutumina Urame-Abi udi mumanye midimu bikole.

Nehemya 13:26

Meme kubakonka ne: — Malu aa ki ngavua mafikishe Shelomu, mukalenga wa Izrayele, ku dienza bibi anyi? Munkatshi mua bisamba bia bende bionsu, kakuvua mukalenga mukuabu bu yeye to. Mvidi Mukulu uvua mumunange, mumuteke mukalenga wa bena Izrayele bonsu. Kadi bakaji ba bisamba bikuabu bavua bamufikishe ku dienza bibi

Misambu 10:17

Maweja-Nangila, wewe udi umvua majinga a bantu bapuekele, ubakolesha ku muoyi. Wewe udi uteleja ne ntema bua kubambuluisha,

Nsumuinu 2:6

Maweja-Nangila ke udi upangana meji. Dimanya ne dijingulula dia malu bidi bifuma kudiye.

Muambi 1:13

Meme kukenketa ne muoyi wanyi mujima, malu adi enza mu bantu, bua mmone mua kuajingulula. Kadi ebi bidi amu mudimu wa lutatu udi Mvidi Mukulu wenzeja bantu!

Muambi 1:16

Mvua muele meji ne: ndi mupete meji a bungi mupite bonsu bavua bandianjidila mu bukalenga mu Yerushalayime. Ndi mumanye malu a bungi, nansha amvua mulonge, nansha amvua mumvue ne anyi abidi.

Yeshaya 65:24

Kabayi banji kumbikila, meme nembitabe. Kabayi banji kujikija dindomba, meme nkadi mumane kumvua.

Danyele 1:17

Mvidi Mukulu kupesha bansongalume banayi aba disunguluja dia malu ne dimanya diwle mu miakulu ne mu meji a bantu. Daniyele uvua ne lungenyi lua kujingulula malu adi Mvidi Mukulu uleja, kabidi ne bilota.

Matayi 12:42

Dituku didi Mvidi Mukulu ukosa nsambu, mukalenga mukaji wa mu ditunga didi kuinshi, neabike bua kufunda bena lelu ku tshilumbu. Bualu yeye uvua mumuke ku ndekelu kua buloba, bua kuvua kuteleja miaku ya Shelomu ya meji. Kadi apa padi muntu udi mupite Shelomu!

Luke 21:15

Meme nennupeshe miaku ne meji bidi nansha umue wa ku bena lukuna benu kayi mua kutontolola, nansha kubenga.

Dielulula 34:9

Yoshuwa, muana wa Nune, uvua muntu wa meji a bungi. Bualu Moshe uvua mumane kumujidila, mumutenteke bianza. Biangatshile diba adi, bena Izrayele bonsu kutuadija kuitaba bionsu bivua Yoshuwa ubambila. Kukumbajabu mikenji yonsu ivua Maweja-Nangila mubatumine kudi Moshe.

Kolose 2:3

Yeye ke nsapi idi ikangula, yunzulula bibutshilu bisokome bionsu bia meji ne lungenyi bia kudi Mvidi Mukulu.