1 Bakalenga 3:1 - MUKANDA WA MYIDI MUKULU

¹ Mukalenga Shelomu kusela muana wa mukalenga wa bena Ejipitu. Nanku, Shelomu ne mukalenga wa bena Ejipitu kutua ndondu bua mukaji uvua Shelomu musele awu. Shelomu kuya ne mukajende awu mu Yerushalayime mu Tshimenga tshia Davide. Uvua muindile bua bajikije nzubu wende wa bukalenga, nzubu wa Maweja-Nangila, ne bimana bidi binyungulula Yerushalayime.

Mukanda wa Nzambi Dihungila Dikulukulu ne Dihungila Dihia-dihia 2003

¹ Solomo wakahunga tshihungidi ne Palô, mukelenge wa Ejipitu, wakangata muana mukashi wa Palô, wakalua nʼandi ku musoko wa Davidi tô ne hakashikisheye kuibaka nsubu wandi ne nsubu wa Yehowa ne lumbu luakadi lunyunguluka Yelushalema.

1 Bakalenga 3:1 ပူးပေါင်းရင်းမြစ်များ

2 Samuele 5:7

Kadi Davide kukuata mukuna wa Siyone uvuabu bakolesha ne bimana. Ke pavuabu binyika mukuna wa Siyone awu ne: Tshimenga tshia Davide.

1 Bakalenga 11:1

Mukalenga Shelomu mumane kusela muana wa mukalenga wa bena Ejipitu, kuselaye kabidi bakaji ba bungi ba bisamba bikuabu: ba bena Mowabe, bena Amone, bena Edome, bena Sidone ne bena Iti.

1 Bakalenga 2:10

Mukalenga Davide kufua. Kumujiikabu mu tshimenga tshiende, mu Yerushalayime.

1 Bakalenga 6:1

Bena Izrayele bamane kupatuka mu Ejipitu kupita bidimu nkama inayi ne makumi muanda mukulu, mukalenga Shelomu kutuadija kuasa nzubu wa Mvidi Mukulu. Mukalenga Shelomu mumane kushala mu bukalenga bua bena Izrayele bidimu binayi, midimu ya kuasa nzubu wa Mvidi Mukulu kutuadija mu ngondu wa Zive, mmumue ne: ngondu muibidi wa tshidimu.

1 Bakalenga 7:1

Kusakilabu kabidi mukalenga Shelomu nzubu wa bukalenga. Bavua bibake bidimu dikumi ne bisatu bua kujikijabu nzubu yonsu ivua yenza nzubu ya bukalenga.

1 Bakalenga 7:8

Shelomu uvua musombele mu nzubu uvua mu lupangu lukuabu. Nzubu awu, uvua mutantshi mukese ne nzubu uvuabu babikila ne: “Nzubu wa ditu dia Lebanone.” Kadi nzubu uvua Shelomu musombele awu, bavua bamuibaka mushindu umue ne nzubu wa ditu dia Lebanone. Nzubu wa ndekelu ke nzubu uvuabu bibakila muana wa mukalenga wa bena Ejipitu, uvua Shelomu musele. Bavua bamuibaka mushindu umue ne lutanda lua nzubu uvuabu babikila ne: “Ditu dia Lebanone.”

1 Bakalenga 9:1

Mukalenga Shelomu mumane kujikija nzubu wa Maweja-Nangila ne nzubu wende wa bukalenga, kabidi ne nzubu yonsu ivuaye musue kuibaka,

1 Bakalenga 9:10

Irame, mukalenga wa tshimenga tshia Tire, uvua mupeshe Shelomu mitshi ya sedre yonsu, mitshi ya pin, ne tshiamu tshia mpawungi tshivuaye ukengela bua nzubu uvuaye wibaka. Bidimu makumi abidi bimane kukumbana, Shelomu kujikija nzubu wa Maweja-Nangila ne nzubu wende wa bukalenga. Pashishe kupeshaye Irame bimenga makumi abidi bivua mu buloba bua Ngalileya.

1 Bakalenga 9:24

Muana wa bakaji wa mukalenga wa bena Ejipitu mumane kumuka mu Tshimenga tshia Davide, bua kuya kusomba mu nzubu wa bukalenga uvuabu bamuibakila, Shelomu kuelesha mushiki wa buloba muabu babikila ne Milo.

1 Kulondolola 11:7

Davide kuya kusomba mu tshimenga tshibaka ne bimana bikolesha. Ke padibu batshinyika ne: “Tshimenga tshia Davide.”

2 Kulondolola 18:1

Mukalenga Yosafate uvua ne bubanji ne lumu. Uvua museleshe muanende wa balume mukaji, muana wa Akabe, mukalenga wa Izrayele.

2 Kulondolola 8:11

Shelomu kutumina mukajende, muana wa mukalenga wa bena Ejipitu, diyi bua umuke mu Tshimenga tshia Davide, aye kusomba mu nzubu wa bukalenga uvuabu bamuibakile. Mukalenga Shelomu kuamba ne: “Nansha mukajanyi kena mua kusomba kabidi mu nzubu wa bukalenga wa Davide, mukalenga wa bena Izrayele to, bualu nzubu mene idibu bateke mushete wa tshijila wa Maweja-Nangila idi anu ya tshijila.”

Ezela 5:11

Bavua batuandamuna ne: ‘Tudi bena mudimu ba Mvidi Mukulu wa diulu ne buloba. Tudi tuibakulula nzubu wa Mvidi Mukulu, uvua mukalenga munene wa bena Izrayele muibake mujikije, kukadi mpindiewu bidimu bia bungi.

Ezela 9:14

Kadi mutudi mua kukutombokela kabidi, kusela bakaji ba bisamba bidi bitendelela mvidie ya tshianana mbishi? Ke muudi mua kubfikila munda, kutubutula bonsu, kuyi ushiya muntu!

Dielulula 23:8

Kanupepeji bena Edome, bualu mbana benu. Kanupepeji kabidi bena Ejipitu, bualu nuvua basombe mu ditunga diabu.