1 Bakalenga 22:49 - MUKANDA WA MYIDI MUKULU

⁴⁹ Mukalenga Yosafate uvua muenzeje matu manene ku Eshiyone-Ngebere bua kuya kukeba biamu bia mpawungi mu ditunga dia Ofire. Kadi, kena mupete tshipeta tshimpe to. Bualu matu avua majame ku Eshiyone-Ngebere.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁹ Hashishe Ahazaya, muana wa Ahaba, wakambila Yehoshafata ne, Mbimpe bua bantu banyi baye ne bantu bebe mu matu. Yehoshafata wakabenga.

1 Bakalenga 22:49 ပူးပေါင်းရင်းမြစ်များ

1 Bakalenga 10:22

Mukalenga Shelomu uvua ne matu avuaye utuma mitantshi mile, musangu umue ne matu a mukalenga Irame. Pavua bidimu bisatu bipite, matu awu avua apingana mambule tshiamu tshia mpawungi, tshiamu tshitoke tshia mushinga mukole, mibanga, nyama ya nkima, ne nyunyi ya mu matunga makuabu.

1 Bakalenga 22:48

Kadi, tshikondu atshi, mu ditunga dia Edome kamuvua mukalenga to. Muvua anu mulombodi uvua mukalenga wa bena Yuda mutekemu.

1 Bakalenga 22:50

Ke Akaziya, muana wa Akabe, kuanyisha kabidi bua bitshi ba matu ba mu ditunga diende baye kushindikija bitshi ba matu ba Yosafate. Kadi, mukalenga Yosafate kubenga.

1 Bakalenga 9:26

Mukalenga Shelomu kusongesha matu manene ku Eshiyone-Ngebere, pabuipi ne Elate, muaba uvua bantu basabukila Mayi manene makunze mu ditunga dia Edome.

1 Bakalenga 9:27

Mukalenga Irame uvua mutumine Shelomu bantu ba bena Fenisiya bavua bamanye mua kuita matu bikole, bua kuambuluishabu biitshi ba matu ba Shelomu.

1 Bakalenga 9:28

Biitshi ba matu abu bonsu, kuya bonsu pamue mu ditunga dia Ofire. Bavua batuadile mukalenga Shelomu tshiamu tshia mpawungi kilo binunu dikumi ne bibidi ne pa mutu.

2 Kulondolola 20:35

Kadi Yosafate, mukalenga wa bena Yuda, uvua mudisangishe kabidi ne Akaziya, mukalenga wa bena Izrayele, muntu wa nsombelu mubi.

Misambu 48:8

bu mudi lupepele lua kudi diba dibanda, lutshibula majuwa manene adi aya ku Tarshishe.