1 Bakalenga 22:48 - MUKANDA WA MYIDI MUKULU

⁴⁸ Kadi, tshikondu atshi, mu ditunga dia Edome kamuvua mukalenga to. Muvua anu mulombodi uvua mukalenga wa bena Yuda mutekemu.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁸ Yehoshafata wakenza matu a Tâshishi a kuya nʼau ku Ofî bua kuangata or; kadi kakafikaku, akafuila anu ku Esione-gebê.

1 Bakalenga 22:48 ပူးပေါင်းရင်းမြစ်များ

Genese 27:37

Izake kuandamuna Esawu ne: — Yakobe mmumane kushala mfumuebe. Bana benu bonsu nebikale bapika bende. Kabidi nkadi mumane kumupesha ntete ya kuenza bukula ne ya maluvu. Tshiena ne tshindi mua kukuenzela kabidi mpindiewu, muananyi.

2 Samuele 8:14

Davide kuteka balombodi ba bukalenga buende mu Edome. Bena Edome kushala ku bumfumu bua Davide. Ke mushindu uvua Maweja-Nangila mupeshe Davide bukole bua kutshimuna mvita yonsu nanku.

1 Bakalenga 10:22

Mukalenga Shelomu uvua ne matu avuaye utuma mitantshi mile, musangu umue ne matu a mukalenga Irame. Pavua bidimu bisatu bipite, matu awu avua apingana mambule tshiamu tshia mpawungi, tshiamu tshitoke tshia mushinga mukole, mibanga, nyama ya nkima, ne nyunyi ya mu matunga makuabu.

1 Bakalenga 22:49

Mukalenga Yosafate uvua muenzeje matu manene ku Eshiyone-Ngebere bua kuya kukeba biamu bia mpawungi mu ditunga dia Ofire. Kadi, kena mupete tshipeta tshimpe to. Bualu matu avua majame ku Eshiyone-Ngebere.

1 Bakalenga 9:26

Mukalenga Shelomu kusongesha matu manene ku Eshiyone-Ngebere, pabuipi ne Elate, muaba uvua bantu basabukila Mayi manene makunze mu ditunga dia Edome.

1 Bakalenga 9:28

Biitshi ba matu abu bonsu, kuya bonsu pamue mu ditunga dia Ofire. Bavua batuadile mukalenga Shelomu tshiamu tshia mpawungi kilo binunu dikumi ne bibidi ne pa mutu.

2 Bakalenga 3:9

Bakalenga aba, wa bena Izrayele, wa bena Yuda, ne wa bena Edome kutuadija luendu. Bobu bamane kuenda matuku muanda mutekete, kabena bapeta kabidi mayi bua bena mvita kunuabu, nansha bua kunuisha nyama ivuabu nayi to.

2 Bakalenga 8:20

Pavua Yorame mu bukalenga, bena Edome kutombokela bena Yuda. Kudisunguilabu wabu mukalenga.

2 Kulondolola 20:21

Yosafate kumyuangana ne bantu, kuteka bena misambu kumpala kua bena mvita. Bena misambu bavua bavuale bilamba bia tshijila, batumbisha Maweja-Nangila, bamba ne: “Tumbishayi Maweja-Nangila, bualu dinanga diende ndia kashidi!”

2 Kulondolola 25:7

Kadi muambi kampande kufika, umuambila ne: — Mukalenga, bena mvita ba bena Izrayele kabena mua kuya nebe to, bualu Maweja-Nangila kena ne bena bukalenga bua ku mutu to.

2 Kulondolola 9:21

Mukalenga Shelomu uvua ne matu avuaye utuma mitantshi mile, avuabu bita kudi bena mudimu ba Irame. Pavua bidimu bisatu bipite, matu awu avua apingana mambule tshiamu tshia mpawungi, tshiamu tshitoke tshia mushinga mukole, mibanga, nyama ya nkima, ne nyunyi ya mu matunga makuabu.

Misambu 45:9

Bilamba biebe bidi binunka dipembu dia manananshi mashilangane. Mu nzubu muebe mulengeja ne mibanga mudi miadi ya bisanji idi ikusankisha.

Misambu 48:7

Luzakalu kubenza, bu mudi dikenga dikuata mukaji pa kulela,

Yeshaya 2:16

Neine matu manene onsu mu mayi, kabidi ne majuwa, nansha wowu malenga bishi.

Yeshaya 60:9

Ke matu adi afuma ku mielelu ya mayi a ku matunga a kule. Matu manene adi enda kumpala. Bana bebe badi pa matu aa, bafumine ku matunga a kule, bambule mpawungi yabu ne biamu bitoke bia mushinga mukole. Badi balua bua kutumbisha Maweja-Nangila, Mvidi Mukulu webe, wa tshijila wa bena Izrayele. Bualu Yeye ke udi ukusankisha nenku.

Yona 1:3

Kadi Yona kujuka bua kuya ku Tarshishe, unyema Maweja-Nangila. Ufika ku Yafa, kusanganaye buatu buvua pamue ne kuya ku Tarshishe. Nanku, kufutaye, kubuela mu buatu bua kuya ku ditunga adi, unyema Maweja-Nangila.