1 Bakalenga 22:39 - MUKANDA WA MYIDI MUKULU

³⁹ Malu makuabu a Akabe, mbaafunde mumukanda udibu babikila ne: Malu adi bakalenga ba bena Izrayele benza. Mbafundemu kabidi bionsu bivuaye muenze: nzubu muimpe wa bukalenga uvuaye muase mulengeje ne mibanga, ne bimenga bionsu bivuaye muibake.

Mukanda wa Nzambi Dihungila Dikulukulu ne Dihungila Dihia-dihia 2003

³⁹ Bienzedi bia Ahaba bikuabo biakenzeye ne nsubu wa mibanga wakaseye ne misoko yonso yakaseye kabiena bifunda mu mukanda wa kulondolola kua malu a hakelenge ba Isalele, anyi?

1 Bakalenga 22:39 ပူးပေါင်းရင်းမြစ်များ

1 Bakalenga 10:18

Mukalenga Shelomu kuenzeja nkuasa munene wa bukalenga mulengeja ne mibanga, mulamika tshiamu tshia mpawungi.

1 Bakalenga 10:22

Mukalenga Shelomu uvua ne matu avuaye utuma mitantshi mile, musangu umue ne matu a mukalenga Irame. Pavua bidimu bisatu bipite, matu awu avua apingana mambule tshiamu tshia mpawungi, tshiamu tshitoke tshia mushinga mukole, mibanga, nyama ya nkima, ne nyunyi ya mu matunga makuabu.

1 Bakalenga 14:19

Malu makuabu a Yerobowame adi mafunda mu mukanda udibu babikila ne: Malu adi bakalenga ba bena Izrayele benza. Mu mukanda awu, mbafundemu mvita idi Yerobowame muluangane, ne mushindu uvuaye muenze mudimu wa bukalenga.

1 Bakalenga 15:23

Bavua bafunda malu makuabu a Asa mu mukanda udibu babikila ne: Malu adi bakalenga ba bena Yuda benza. Mu mukanda awu, mbafundemu malu onsu avua Asa muenze, baleja ne dikima divuaye nadi, kabidi ne bimenga bivuaye muibake ne bimana bikole. Asa mumane kukulakaja, kuwulaye makasa.

1 Bakalenga 15:31

Malu makuabu a Nadabe, mbaafunde mu mukanda udibu babikila ne: Malu adi bakalenga ba bena Izrayele benza.

1 Bakalenga 16:20

Malu makuabu a Zimri, mbaafunde mu mukanda udibu babikila ne: Malu adi bakalenga ba bena Izrayele benza. Mu mukanda amu, badi balonda kabidi tshifufu tshibi tshivua Zimri muele.

1 Bakalenga 16:27

Malu makuabu a Omri, mbaafunde mu mukanda udibu babikila ne: Malu adi bakalenga ba bena Izrayele benza. Mu mukanda amu, mbafundemu malu onsu adi Omri muenze, baleja kabidi ne bukitu buvuaye nabu.

1 Bakalenga 16:5

Malu makuabu a Basha, mbaafunde mu mukanda udibu babikila ne: Malu adi bakalenga ba bena Yuda benza. Mu mukanda emu, mbafundemu malu onsu avua Basha muenze, baleja kabidi ne bukitu buvuaye nabu.

1 Bakalenga 22:40

Mukalenga Akabe mumane kufua, muanende Akaziya kumupingana mu bukalenga.

2 Bakalenga 1:18

Malu makuabu a Akaziya mbaafunde mu mukanda udibu babikila ne: Malu adi bakalenga ba bena Izrayele benza.

2 Bakalenga 15:15

Malu makuabu a Shalume mbaafunde mu mukanda udibu babikila ne: Malu adi bakalenga ba bena Izrayele benza. Mu mukanda emu, mbafundemu kabidi muvua Shalume muelele Zekarya tshifufu tshibi.

Misambu 45:8

Udi munange buakane, mubenge bubi. Ke padi Mvidi Mukulu, Mvidi Mukulu webe, mukujidile, mukuele manyi a tshijila pa mutu, mukusungule amu wewe, mubenge bena mulongu nebe.

Yezekiyele 27:15

Bena Dedane bavua kabidi basumbishangana nebe bintu. Uvua mufike mu bidila bia bungi bua kuenda mushinga. Batua bakufute ne mibanga ne mabaya mafike fitutuu.

Yezekiyele 27:6

Bavua benza mibambu ne mabaya a lusanga lua mu Bashane. Bavua bibake majuwa, benza ne bisasa, ne mitshi ya Sedre ya mu bidila bia bena Ngreke, balamikaku mibanga.

Amosa 3:15

Nengupule nzubu yonsu, nansha udibu base bua tshikondu tshia mashika, nansha bua tshikondu tshia luya. Nennyangakaje nzubu mialabale ayi, isuabu balengeja ne mibanga. Meme Maweja-Nangila ndi njadika nanku.

Amosa 6:4

Nudi nulala pa malalu malengeja ne mibanga. Nudi nunangila nkuasa minene milenga, nudia munyinyi wa mukoku, nusanka bua munyinyi wa kana ka ngombe ka mafuta.