1 Bakalenga 22:31 - MUKANDA WA MYIDI MUKULU

³¹ Kadi, mukalenga wa bena Siriya, uvua mumane kutuma diyi kudi bamfumu makumi asatu ne babidi, bavua ne matempu ende a mvita, bua kuluisha anu Akabe, mukalenga wa bena Izrayele, kabayi baluisha bena mvita bakuabu, nansha balombodi ba bena mvita.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Mukelenge wa Sulia wakadianjila kuambila tupitene tua makalu andi makumi asatu ne tubidi ne, Kanuluanganyi ne bantu bakese anyi banene anu ne mukelenge wa Isalele mene.

1 Bakalenga 22:31 ပူးပေါင်းရင်းမြစ်များ

Genese 19:11

Pashishe kufofomijabu mesu a bonsu bavua ku tshiibi, bansongalume ne bantu bakole, bua bapange kumona tshiibi.

2 Samuele 17:2

Nemmukuate, pikalaye yeye mumane kupungila, mmuteketa mu maboku. Nemmukuatshishe bowa. Nanku bantu bonsu badiye nabu nebanyeme. Diba adi nenshipe anu Davide nkayende.

1 Bakalenga 20:1

Benadade, mukalenga wa bena Siriya, kusangishaye bena mvita bende bonsu, ne ba bakalenga makumi asatu ne babidi bavua bumvuangana nende. Kusangishaye kabidi ne nyama ya tubalu ne matempu a mvita bua kuya kuluisha tshimenga tshia Samariya, ukeba kutshikuata.

1 Bakalenga 20:16

Kutuadijabu mvita munda munya. Kadi, Benadade ne bakalenga makumi asatu ne babidi, balunda bende, bavua anu bakuatshike maluvu mu ntenta.

1 Bakalenga 20:24

Mpindiewu enza nunku: Umushe bakalenga bonsu, ne balunda bebe, ku bumfumu. Upingaje balombodi ba maloba mu muaba wabu.

1 Bakalenga 22:32

Nanku, bamfumu bavua ne matempu a mvita bamona Yosafate, kuambilanganabu ne: bulelela ke Akabe, mukalenga wa bena Izrayele ewu. Kutuadijabu kumuluisha. Kadi, Yosafate kuela mbila ya mvita.

2 Kulondolola 18:30

Kadi, mukalenga wa bena Arame uvua mukandike bamfumu balombodi ba bena mvita bende, bavua ne matempu ende a mvita, bua kabaluishi bena mvita bakuabu, nansha balombodi ba bena mvita to. Uvua ubambila ne: muluishi wenu ke Akabe, mukalenga wa Izrayele.

Yirmeya 16:6

Nanku, mu ditunga edi bantu bonsu, bena biuma ne bapele, nebafue. Bantu kabakubajika, kabakubadila. Kakuakuikala muntu udi mua kunyingalala, kuditapa mputa pambidi, nansha kudibeya nsuki.

1 Samuele 30:2

Bavua bakuate bakaji ne bantu bonsu bavua mu tshimenga, bakulumpe ne bana, bababueje mu nzubu wa lukanu. Kabavua bashipe muntu nansha umue to. Kadi bavua babakuata, baye nabu.