1 Bakalenga 22:28 - MUKANDA WA MYIDI MUKULU

²⁸ Mika kuandamuna ne: — Wewe mupingane katakata, nanku Maweja-Nangila kena muambe bualu mukana muanyi to.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ Mikaya wakamuambila ne, Biwahingana talalâ, bulelela, Yehowa kena mungambile bualu. Yeye wakamba ne, Nuenu bantu bonso, unvuai.

1 Bakalenga 22:28 ပူးပေါင်းရင်းမြစ်များ

2 Bakalenga 1:10

Eliya kuandamuna ne: — Bu mundi muambi wa Mvidi Mukulu, ndi ndomba bua kapia kafume mu diulu kanubutule: wewe ne bantu makumi atanu banudi nabu! Diakamue, kapia kufuma mu diulu, kubutula mulombodi wa bena mvita, ne bantu makumi atanu bavuaye nabu.

2 Bakalenga 1:12

Eliya kuandamuna ne: — Bu mundi muambi wa Mvidi Mukulu, ndi ndomba bua kapia kafume mu diulu kanubutule: wewe ne bantu makumi atanu banudi nabu! Diakamue, Mvidi Mukulu kupuekesha kapia. Kubutulaku mulombodi wa bena mvita ne bantu makumi atanu bavuaye nabu.

2 Kulondolola 18:27

Mika kumuandamuna ne: — Wewe mupingane katakata, nanku meme tshiena muakule mu dina dia Maweja-Nangila to. Udi ne matshi a kumvua asangane kumvua anyi?

Yeshaya 44:26

Kadi ndi nkumbaja, bivua bantu banyi bamba. Ndi nkumbaja malu avua bantu, bamvua mutume, bamane kumanyisha. Ndi njadika ne: ‘Bantu nebasombe tshiakabidi mu Yerushalayime. Nengasulule bimana bia tshimenga.’ Ndi ngamba kabidi ne: ‘Nebasulule bimenga bia bena Yuda.’

Yirmeya 28:7

Kadi teleja bimpe tshindi nnuambila, wewe ne bantu bonsu badi muaba ewu ne:

Amosa 3:1

Bena Izrayele, telejayi. Nudi bantu bayua Maweja-Nangila mupatule mu Ejipitu. Udi unujadikila ne:

Mika 1:2

Nuenu bisamba bionsu, telejayi. Buloba ne bionsu bidipu, teyayi matshi. Maweja-Nangila Mvidi Mukulu udi ulua kunufunda, utumina mu nzubu wende wa tshijila.

Dibadika 16:29

Pikala bantu aba bafue lufu lua patupu mudi bantu bonsu bafue, nanku nenujadike ne: Maweja-Nangila kena muntume to.

Marke 12:37

Davide mene udi umubikila “Maweja-Nangila.” Mudi Meshiya mua kuikala kabidi wa ku ndelanganyi ya Davide mbishi? Bantu ba bungi bavua bateleja Yezu ne disanka.