1 Bakalenga 22:23 - MUKANDA WA MYIDI MUKULU

²³ Eyowa, mpindiewu bionsu ebi mbimane kuenzeka. Maweja-Nangila ke uvua mutume mutumibue bua kushimaye bambi bebe bonsu. Kadi Maweja-Nangila uvua mumane kujadika bua kukukengesha.

Mukanda wa Nzambi Dihungila Dikulukulu ne Dihungila Dihia-dihia 2003

²³ Nunku Yehowa wakateka nyuma wa kudinga mukana mua baprofete bebe bonso; Yehowa wakamba malu mabi bualu buebe.

1 Bakalenga 22:23 ပူးပေါင်းရင်းမြစ်များ

1 Bakalenga 20:42

Muambi kuambila mukalenga Akabe ne: — Maweja-Nangila udi wamba ne: “Bu muudi munyemeshe muntu umvua mumane kufundila lufu, wewe neufue pa muaba wende. Kabidi bantu bebe bena Izrayele nebafue pa muaba wa bantu bende.”

1 Bakalenga 21:19

Uye, umuambile ne: Maweja-Nangila udi wamba ne: “Udi mushipe muntu. Mpindiewu udi mufike bua kuangata bintu biende!” Maweja-Nangila udi wamba kabidi ne: “Muaba udi mbua milake mashi a Nabote, neyilakilepu ne mashi ebe kabidi.”

1 Bakalenga 22:24

Diakamue, Sedekiya, muana wa Kenaane, kusemena kudi muambi Mika, kumutapa dipi ku ditama, wamba ne: — Mmunyi muudi mua kujadika ne: mueyelu wa Maweja-Nangila mmupatuke munda muanyi bua kubuela munda muebe, kukuakuisha anu wewe?

2 Kulondolola 25:16

Kadi, mukalenga Amashiya kukabula muambi ku diyi, umukonka ne: — Ndi mukuteke mufidi wa ngenyi mu bukalenga anyi? Puwa, tshianana nebakuenzele bibi. Muambi kuanji kupuwa. Pashishe kuambaye ne: — Ndi mumanye ne: Mvidi Mukulu mmumane kujadika bua kukushipesha, bualu uvua muenze bibi, mubenge mua kuteleja diyi dianyi.

Ekesode 10:20

Kadi mukalenga wa bena Ejipitu kena mulekele bena Izrayele to, bualu Maweja-Nangila uvua mumupeshe muoyi wa tshitunu.

Ekesode 4:21

Maweja-Nangila kuambila kabidi Moshe ne: — Ndi nkupesha bukole bua kuenza bishima. Pawafika kudi mukalenga wa bena Ejipitu, wenze bishima bionsu bindi mukuleje. Kadi meme nemmupeshe muoyi wa tshitunu. Kakuanyisha bua bena Izrayele bumuke to.

Yeshaya 3:11

Bantu babi mbena diakabi. Nebabenzele muvuabu benzela bantu nabu.

Yeshaya 44:20

Bivua mua kuikala bimpe, batendelele nansha butu! Muoyi wabu mmubatshimbakaje, mubadinge. Mvidie wabu kena ubasungidila to. Kadi bobu mene kabena badiamba ne: “Bushuwa tshitudi natshi mu bianza, tshidi amu mvidie wa dishima.”

Yirmeya 18:11

— Yirmeya, mpindiewu ambila bena Yuda ne badi basombe mu Yerushalayime ne: “Maweja-Nangila udi wamba ne: ndi mupangadike bua kununyoka. Ndi nnulongoluela dikenga. Muntu yonsu alekele kuenza malu mabi. Nukudimune malu enu, enzayi amu malu mimpe.”

Yezekiyele 14:9

“Padi muambi utupakana, wandamuna nkayende, ke meme Maweja-Nangila udi muanyishe bua kuakulaye nanku. Kadi nemmuleje bukole buanyi, nemmumushe munkatshi mua bantu banyi bena Izrayele.

Dibadika 24:13

“Balake, nansha yeye mumpeshe tshiamu tshitoke tshia mushinga mukole, ne mpawungi, bionsu bidi mu nzubu muende mua bukalenga, tshiena mua kubenga diyi dia Maweja-Nangila wanyi to. Ndi ne bua kuamba amu tshidiye ummanyisha!”

Dielulula 2:30

Kadi mukalenga Sihone ewu kubenga bua tuetu kupitshila mu ditunga diende. Maweja-Nangila kumupesha muoyi wa tshitunu, bua numone mua kumunyenga ditunga dinudi mpindiewu.

Balombodi 9:23

Pashishe Mvidi Mukulu kutuma tshimvundu pankatshi pa mukalenga Abimeleke ne bena Shekeme, kabatshiyi bumvuangana kabidi to. Bena Shekeme kutombokela Abimeleke.