1 Bakalenga 22:17 - MUKANDA WA MYIDI MUKULU

¹⁷ Ke muambi Mika kumuambila ne: — Ndi mumone bena Izrayele. Bonsu mbamuangalake mu mikuna. Bu mudi tshisumbu tshia mikoku katshiyi ne mulami. Kabidi Maweja-Nangila udi wamba ne: “Bena Izrayele kabatshiena ne mfumu to. Muntu yonsu apingane ku nzubu kuende talala.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Yeye wakamuambila ne, Nakatangila Bena Isalele bonso bamuangalashibue ha mutu ha mikuna bu mikoko idi kayiyi ne mulami; Yehowa wakamba ne, Bobo kabena ne mulami, mbimpe bua buonso buabo bahingane ku nsubu yabo talalâ.

1 Bakalenga 22:17 ပူးပေါင်းရင်းမြစ်များ

1 Bakalenga 22:16

Kadi, mukalenga Akabe kumukonka kabidi ne: — Ndi mua kukusengelela misangu bungi munyi bua wewe kungambila anu bualu bulelela, paudi wakula mu dina dia Maweja-Nangila?

Yeshaya 13:14

Dituku adi, bantu nebamone, mudi muntu yonsu unyema ku tshisamba tshiabu, upingana kuabu lubilu, bu ngulungu mikuatshika bowa, bu mikoku idi kayiyi ne muyilami.

Yirmeya 28:8

Nansha wewe, nansha meme, katuyi banji kukuata mudimu wa buambi, kuvua bambi kale. Bambi abu bavua bambila bantu ba mu matunga manene, ne ba mu makalenga manene, malu a Mvidi Mukulu. Bavua bapita kumanyisha amu bua mvita, makenga ne disama dia tshiambu.

Yirmeya 50:17

Bena Izrayele bavua bu mikoku mipambuke, ivua nyama ya ntambue ipatshila. Mukalenga wa bena Ashure uvua wa kumpala, uvua muyidie. Pashishe, Nebukadnesare, mukalenga wa bena Babilone, uvua muyitshibule mifuba.

Yirmeya 50:6

Bantu banyi bavua bu tshisumbu tshia mikoku mipambuke. Balami bayi ke bavua bayipambuishe. Ke bavua bayilekelela, itambakana eku ne eku pa mikuna, kayiyi ivuluka kabidi lupangu luayi.

Yezekiyele 1:4

Bimvua mumone mbiebi: lupepele lukole lua mvunde, luvua lufumina ku mutu wa ditunga, lusaka dituba dinene dinyungulukila kudi bukenke. Mu divuba amu mutua mupatuka miele ya mvula. Munkatshi mua divuba edi, muvua kapia katema bu tshiamu tshiengelela.

Nahume 3:18

Mukalenga wa bena Ashure, balombodi ba ditunga diebe mbafue kashidi. Balombodi ba bena mvita bebe, kabena banyunga kabidi. Bantu bebe mbatangalake pa mikuna. Kakuena muntu udi mua kubasangisha.

Zekâya 10:2

Mvidie inudi nukonka malu, idi inuambila malu a dishima. Batempi ba mbuku badi banudinga, bilota bidibu bawilangana bidi bia patupu. Badi basamba bantu ne miaku ya patupu. Ke pavua bantu balalakana, bu mikoku idi ikenga, kayiyi ne mulami.

Zekâya 13:7

Maweja-Nangila wa bukole buonsu udi wamba ne: “Muele wa myita, utape mulami wa mikoku, utuvua tukuata nende mudimu; ushipe mulami wa mikoku, mikoku neitangalake, meme mene nenduishe bana bayi.”

Dibadika 24:3

Kuelaye kasala, wimba ne: “Meme, ndi Balaame muana wa Beyore, umvuayi tshindi ngamba. Ndi mmona malu masokome, telejayi diyi dianyi!

Dibadika 24:4

Meme ndi ngumvua tshidi Mvidi Mukulu wamba. Ndi mmona bidi Mvidi Mukulu wa bukole buonsu uleja. Yeye udi ummuenekela pandi mmukukuila.

Dibadika 27:17

udi mua kubalombola miaba yonsu, bua bantu bebe kabikadi bu mikoku idi kayiyi ne muyilami.

Matayi 9:36

Ke Yezu kumvua luse bua bungi bua bantu bavuaye mumone, bualu bavua bapungile, bakengakana, bu mikoku idi kayiyi ne mulami.

Marke 6:34

Padi Yezu upatuka mu buatu, kumonaye bantu bavule. Kubumvuilaye luse, bualu bavua bu mikoku idi kayiyi ne mulami. Kubangaye kubalongesha malu a bungi mutantshi mule.

1 Samuele 9:9

Shawule kuitaba ne: — Mbimpe, tuyaku. Nanku kuyabu mu tshimenga, muaba uvua muambi. Patshi wabu mu njila, kusambakenabu ne bansongakaji bafuma mu tshimenga, baya kusuna mayi. Kukonkabu bansongakaji abu ne: — Mumonyi wa malu udi muenu munemu anyi? (Ku kale, mu bena Izrayele, pavua muntu uya kuebeja Mvidi Mukulu malu, bavua bamba ne: “Tuyaye kudi mumonyi wa malu.” Nanku muntu udibu babikila mpindiewu ne: “Muambi,” bavua bamubikila kale ne: “Mmumonyi wa malu.”)