1 Bakalenga 22:16 - MUKANDA WA MYIDI MUKULU

¹⁶ Kadi, mukalenga Akabe kumukonka kabidi ne: — Ndi mua kukusengelela misangu bungi munyi bua wewe kungambila anu bualu bulelela, paudi wakula mu dina dia Maweja-Nangila?

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Mukelenge wakamuambila ne, Bundi nʼabu mbua kukutshihisha misangu dungi munyi bua wewe kungambila anu dî dilelela mu dina dia Yehowa?

1 Bakalenga 22:16 ပူးပေါင်းရင်းမြစ်များ

1 Bakalenga 22:15

Mika ufika kudi mukalenga Akabe, awu kumukonka ne: — Mika, tudi mua kuya kuluangana, bua tuetu kukuata tshimenga tshia Ramote tshidi mu ditunga dia Ngilaade, anyi katuena mua kuya? Muambi kuandamuna ne: — Udi mua kuya. Neutshimune, Maweja-Nangila neafile tshimenga atshi mu bianza biebe.

1 Bakalenga 22:17

Ke muambi Mika kumuambila ne: — Ndi mumone bena Izrayele. Bonsu mbamuangalake mu mikuna. Bu mudi tshisumbu tshia mikoku katshiyi ne mulami. Kabidi Maweja-Nangila udi wamba ne: “Bena Izrayele kabatshiena ne mfumu to. Muntu yonsu apingane ku nzubu kuende talala.”

2 Kulondolola 18:15

Kadi, mukalenga Akabe, kumukonka kabidi ne: — Paudi wakula mu dina dia Maweja-Nangila, ndi nkusengelela ne: ungambile anu malu malelela! Tshidi Maweja-Nangila mukuambile ntshinyi?

Yirmeya 23:28

Padi muambi ulota ndota, mbimpe awule anu ndota yende! Kadi padiye ne bualu bundi mumuambile bua kumanyisha bantu, abuambe anu bu mudibu. Ki mbimpe kufuanyikija mpengelane nyimu to. Meme Maweja-Nangila ndi ngamba nanku!

Yirmeya 37:17

Pashishe mukalenga Sedekiya kutuma muntu bua kukeba Yirmeya. Mukalenga uvua musue kumukonka malu mu musokoku mu nzubu wende wa bukalenga. Mukalenga kumukonka ne: — Udi ne malu a kungambila a kudi Maweja-Nangila anyi? Yirmeya kumuandamuna ne: — Eyowa, ngwowu aa: Nebakukuate, bakufile kudi mukalenga wa mu Babilone.

Yirmeya 38:14

Mukalenga Sedekiya uvua mutume bantu bua bafike ne muambi Yirmeya. Kumubikilaye ku mushiku muisatu wa nzubu wa Mvidi Mukulu. Kumuambilaye ne: — Ndi musue kukukonka. Kunsokoki bualu nansha bumue.

Dibadika 22:38

Balaame kuandamuna ne: — Mbafiki! Kadi tshiena ne tshia kuamba to! Nenkuambile amu bualu budi Mvidi Mukulu ummanyisha.

Matayi 26:63

Kadi Yezu uvua amu mupuwe. Ke mutuangaji munene kukonka Yezu ne: — Mu dina dia Mvidi Mukulu udi ne muoyi, ndi nkulomba bua utuandamune, uditshipe. Udi Kristu, Muana wa Mvidi Mukulu anyi?

Marke 5:7

kuela diyi dikole ne: — Yezu Muana wa Mvidi Mukulu wa kulu, butudi nebe mbunganyi? Ndi nkusengelela mu dina dia Mvidi Mukulu, kunnyoki nansha!

Bienzedi 19:13

Bamue bena Yuda, bavua baya miaba yonsu bua kuipata mikishi mibi munda mua babeedi, bavua bidikija mua kutela dina dia Mfumu Yezu bua kuyipata. Bavua bambila mikishi mibi ne: — Mu dina dia Yezu, udi Polu ulongesha, ndi nnutumina diyi: patukayi!

Yoshua 6:26

Tshikondu atshi, Yoshuwa kuyukila ne bena Izrayele, ubadimuja bua tshimenga tshia Yeriko, wamba ne: “Muntu wibaka kabidi tshimenga tshia Yeriko, bamutshipe kudi Maweja-Nangila. Padiye umbula mikidi ya tshimenga etshi, muanende muanabute asangane kufua anyee? Afue! Padiye wela biibi ku tshimenga etshi, muanende muana mukala asangane kufua anyee? Afue!”

1 Samuele 14:24

Dituku adi, bena Izrayele kukenga bikole bua mutshipu uvua Shawule mubatshipishe ne: “Pikala muntu mudie biakudia, katuyi banji kufika ku dilolu, tshiyi muanji kusombuela baluishi banyi, muntu awu mmuena tshibawu.” Nanku, muntu nansha umue kavua mudie tshintu to.