1 Bakalenga 21:8 - MUKANDA WA MYIDI MUKULU

⁸ Yezabele kufunda mikanda mu dina dia mukalenga Akabe. Kutumaye mikanda ayi, mitue tshitampi tshia bukalenga, kudi bakulu ne balombodi ba tshimenga tshia Yizreyele, muaba uvua Nabote musombe.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nunku yeye wakafunda mikanda mu dina dia Ahaba, wakatekahu tshimanyinu tshiandi; wakatumina bakulu ne bantu banene ba mu musoko muakadi Nabota mushikame mikanda ei.

1 Bakalenga 21:8 ပူးပေါင်းရင်းမြစ်များ

1 Bakalenga 20:7

Ke Akabe, mukalenga wa bena Izrayele, kubikila bakulu bonsu ba mu ditunga, ubambila ne: — Nudi badimuene patoke too ne: Benadade mmusue kutuenzela bibi. Bualu uvua untumina bantu bua kundomba bakaji banyi ne bana banyi ne biamu bianyi bitoke bia mushinga mukole, ne mpawungi. Kadi tshivua mubenge mua kumutumina to.

1 Bakalenga 21:1

Malu awu mamane kujika, bualu bukuabu kuenzeka mu tshimenga tshia Yizreyele, muvua muntu mukuabu dina diende Nabote. Uvua ne budimi bua mvinyo mu tshimenga atshi, pabuipi ne nzubu kampande wa bukalenga wa Akabe, mukalenga wa Samariya.

1 Bakalenga 21:9

Mu mikanda ayi, Yezabele uvua mufunde ne: ‘Mubikidishe bantu bonsu, nubafundile dituku dia kujilabu biakudia. Nuambile Nabote bua alombole tshisangilu atshi.

2 Bakalenga 10:11

Ke Yehu kushipa bantu bakuabu bonsu ba mu nzubu wa Akabe bavua bashale ne muoyi mu Yizreyele. Kushipaye kabidi bantu bonsu bavua bamanyike bikole ba ku luseke lua mukalenga Akabe, bena nzubu wende ne batuangaji bende. Yehu kena mushiye muntu nansha umue ne muoyi to.

2 Kulondolola 32:17

Mukalenga wa bena Ashure uvua mufunde kabidi mukanda bua kusendeka Maweja-Nangila Mvidi Mukulu wa Izrayele. Uvua mufunde mu mukanda amu ne: “Mvidie ya bantu ba bisamba bikuabu bia pa buloba, kayivua mipandishe bantu bayi ku bianza bianyi to. Nanku, Mvidi Mukulu wa Izkiya kena mua kunnyenga bantu bende, nansha kakese.”

Ezela 4:11

Mu mukanda awu bavua bafunde ne: “Artashasta, mukalenga munene, tuetu bena mudimu bebe, badi basomba luseke ludi diba dibuelela lua musulu wa Perate, a.n.

Nehemya 6:5

Musangu muitanu Sanebalate kuntumina mukanda kudi muntu uvuaye wenza nende mudimu. Kadi mukanda awu kauvua mubuikila to.

Dibadika 11:16

Maweja-Nangila kuambila Moshe ne: — Unsunguile bakulu ba bena Izrayele makumi muanda mutekete, bantu baudi mujadike ne: mbakulu ba bushuwa, balombodi ba bena Izrayele. Ufike nabu ku ntenta wa kusambakena. Wimane nabu kumpala kuanyi.

Matayi 27:66

Nanku kuyabu kulongolola mudimu wa kulama lukita. Kutuabu dibue divua dibuikila lukita tshitampi, kushiyabu basolayi bua balulame.

Rute 4:11

Bantu bonsu bavuaye mubikile muaba awu, ne bakulu, kuambabu ne: — Eyowa, tuajadiki. Maweja-Nangila ele mukaji awu lupemba, bu muvuaye muluele Rakele ne Leya. Bubidi buabu bawa batantshisha tshisamba tshia bena Izrayele. Wewe pebe, usanguke mu Efrata, dina diebe ditumbe mu Betleyeme.

Rute 4:2

Ke Bowaze kubikila bantu dikumi ba ku bakulu ba musoku, kubalomba bua kusombabu. Bobu kusomba muaba awu.