1 Bakalenga 21:3 - MUKANDA WA MYIDI MUKULU

³ Kadi, Nabote kuandamuna ne: — Maweja-Nangila kena mua kuanyisha bua meme kukupa budimi bua mvinyo bundi mupiane kudi bankambua banyi to.

Mukanda wa Nzambi Dihungila Dikulukulu ne Dihungila Dihia-dihia 2003

³ Nabota wakambila Ahaba ne, Yehowa ampidishe bua meme kukuha buhianyi bua batatu banyi.

1 Bakalenga 21:3 ပူးပေါင်းရင်းမြစ်များ

Genese 44:17

Yozefe kuandamuna ne: — Tshiena mua kuenza nanku to. Ndi nkuata amu muntu uvua ne dikopu awu, neashale mupika. Kadi nuenu bonsu pinganayi ne ditalala kudi tatuenu.

Genese 44:7

Bobu kuandamuna ne: — Mukalenga wetu, udi mua kutusonguela nunku munyi? Tuetu kashidi katuena mua kuenza bualu bua nanku to.

1 Kulondolola 11:19

wamba ne: — Mvidi Mukulu wanyi, meme tshiena mua kunua mayi aa to! Bualu meme munue mayi aa, ndi bu muntu munue mashi a bantu bavua baye kusuna mayi aa, bualu bavua bamba kufua pa kuasuna. Nanku Davide kubenga bua kunua mayi awu. Ke muvua bena mvita basatu abu baleja bukitu buabu nanku.

Yobe 27:5

Tshiena musue kuitaba nansha kakese ne binudi nuamba bidi bia bulelela. Kashidi too ne ku lufu luanyi, nengambe amu kuamba ne tshiena ne bualu.

Yezekiyele 46:18

Kadi mukalenga kena mua kunyenga buloba bua muena ditunga. Mukalenga udi mua kuangata amu bitupa bia buloba buende yeye, kubipesha bana bende ba balume bua babipiane. Kena mua kuipata muntu nansha umue, wa ku bantu banyi meme Maweja-Nangila, mu buloba buende.”

Lewitiki 25:23

“Kanuena mua kusumbisha buloba bua kashidi to, bualu buloba mbuanyi meme Maweja-Nangila. Nuenu nudi anu bena tshimuangi, benyi badi basombe mu ditunga dianyi meme.

Dibadika 36:7

Maloba a bena Izrayele, kabena mua kuangata lelu kudi bena tshisamba kampande, maloba kudi bena tshisamba tshikuabu nansha. Muena Izrayele yonsu neasombe amu mu tshitupa tshia buloba tshia tshisamba tshiabu.

Dibadika 36:9

Maloba a bena Izrayele kabena mua kuangata tshiangatangata to. Tshisamba tshionsu tshia bena Izrayele netshilame buloba buabu bimpe.

Rome 3:31

Nanku bualu bua ditaba tudi tunyanga mushinga wonsu wa mikenji anyi? Nansha kakese! Ke mutudi tuangata mikenji ne mushinga wayi menemene.

Rome 3:4

Nansha kakese! Nansha bantu bonsu bikale bena dishima, Mvidi Mukulu udi ne bua kuikala muena diyi dimue. Ke mudi Mukanda wa tshijila wamba ne: “Badi ne bua kumanya muudi ukumbaja biudi wamba, muudi ubinga padibu bakeba kukulumbuluisha.”

Rome 3:6

Kabiena nanku nansha! Bualu bu Mvidi Mukulu mua kupila, mmunyi mudiye mua kulumbuluisha bukua panu?

Rome 6:15

Kadi bualu ebu budi bishi? Tuye kuenza malu mabi, bualu katuena kabidi ku bumfumu bua mikenji, kadi amu bua dinanga divua Mvidi Mukulu mutuleje anyi? Nansha kakese!

Rome 6:2

Nansha kakese! Tudi bafue bua bubi. Nanku mmunyi mutudi mua kutungunuka kabidi ne dienza dia malu mabi?

Rome 7:13

Kadi tshintu tshimpe tshidi mua kumpetesha lufu anyi? Nansha kakese! Amu bubi ke budi bunkebela lufu. Buvua budimuenesha mudibu bubi menemene. Buvua bubuela mu tshidi tshimpe, bua kunkebela lufu. Ke muvua bubi budileja bu bualu bubi menemene, bualu bua meyi ne mikandu.

Rome 7:7

Kadi tshitudi mua kuamba kabidi ntshinyi? Mikenji idi mulongu umue ne bubi anyi? Nansha kakese! Kadi mikenji ivua mimmanyishe mudi bubi. Bualu tshivua mua kujingulula mudi lukuka, bu mikenji kayiyi miambe ne: “Kualakanyi to.”

1 Korente 6:15

Nudi bamanye ne: mibidi yenu idi bidimba bia mubidi wa Kristu. Ndi mua kuangata tshidimba tshia mubidi wa Kristu, kutshienza tshidimba tshia mubidi wa mukaji muena tshiendenda anyi? Nansha kakese!

Ngalate 6:14

Kadi meme tshiena musue kuditambishila ku tshintu tshikuabu, anu ku mutshi mutshiamakane wa Mfumu wetu Yezu Kristu. Bu mudibu bapopele Kristu pa mutshi mutshiamakane, bia panu bionsu mbifue bualu buanyi. Meme kabidi ndi mufue bua bia panu.

Yoshua 22:29

Nanku, katuena basue kutombokela Maweja-Nangila, nansha kumubenga. Katuena base tshilambuilu etshi bua kulambuilapu milambu ya kuosha, ya bintu bia mu madimi, nansha milambu mikuabu. Katuena basue kulambula milambu muaba mukuabu, kadi amu pa tshilambuilu tshia Maweja-Nangila Mvidi Mukulu wetu, tshidi kumpala kua muaba wende wa tshijila.

Yoshua 24:16

Bena Izrayele kuandamuna ne: — Katuena mua kubenga Maweja-Nangila bua kuenzela mvidie mikuabu mudimu!

1 Samuele 12:23

Meme Samuwele, tshiena musue kuenzela Maweja-Nangila bibi to. Misangu yonsu nengikale ndomba Maweja-Nangila bualu buenu. Ndi anu nnuleja njila muimpe, mululame.

1 Samuele 24:6

Kadi Davide mumane kukosa tshipesa atshi, kuzakalaye bikole.