1 Bakalenga 21:27 - MUKANDA WA MYIDI MUKULU

²⁷ Mukalenga Akabe umvua malu onsu avua Maweja-Nangila mumuambile mukana mua muambi, kunyingalalaye bikole. Kupandaye bilamba biende. Kuvualaye anu tshilamba tshikayabale nkayatshi pambidi. Kujilaye biakudia. Uvua anu ne tshilamba atshi tshikayabale too ne pa kulala. Uvua wenda anu bitekete.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Hakunvua Ahaba mei au, wakadihanda bilulu biandi, wakaluata bilulu bikayabala hamʼbidi nʼandi, wakajila bia kudia, wakalala mu bilulu bikayabala, wakenda bitulu bitalu.

1 Bakalenga 21:27 ပူးပေါင်းရင်းမြစ်များ

Genese 37:34

Yakobe kudipanda bilamba, kuvuala bilamba bikayabale, kuenza madilu a muanende matuku mavule.

2 Samuele 3:31

Davide kutumina Yowabe ne bantu bende bonsu diyi ne: — Pandayi bilamba bienu, vualayi bilamba bikayabala, nuikale ne madilu a Abnere. Bantu bonsu bavua balonda tshitalu tshia Abnere, ne mukalenga Davide kabidi.

1 Bakalenga 21:28

Nanku, Maweja-Nangila kuambila Eliya, muena Tishebe ne:

2 Bakalenga 18:37

Pashishe, Elyakime, muana wa Ilkiya, uvua mulombodi wa nzubu wa bukalenga, Shebna mufundi, ne Yowa, muana wa Ashafe, mufikishi wa malu a mu bukalenga kudi bantu, kupanda bilamba biabu, kupingana kudi mukalenga Izkiya. Kumuambilabu bionsu bivuabu bambe kudi mulombodi wa beledi ba mukalenga wa bena Ashure maluvu.

2 Bakalenga 19:1

Mukalenga Izkiya umvua bionsu bivuabu bambe, kupanda bilamba biende, kuvuala bilamba bia madilu. Kuyaye mu nzubu wa Maweja-Nangila.

2 Bakalenga 6:30

Mukalenga wa bena Izrayele umvua anu mukaji umulondela bualu abu, kudipanda bilamba. Mukalenga utshivua pa tshimana tshia tshimenga. Nanku bantu bonsu ba mu tshimenga atshi kumonabu ne: mukalenga udi muvuale anu tshilamba tshia munda tshikayabale nkayatshi, tshimulamate pambidi.

1 Kulondolola 21:16

Davide uvua umona mutumibue, uvua ubutula bantu, muimane pankatshi pa diulu ne buloba, mutume muele wende luseke lua Yerushalayime. Davide ne bakulu ba ditunga bavua bavuale bilamba bia madilu, batue mpala panshi.

Yobe 16:15

Tshilamba tshia lufuila tshidi pambidi panyi diba dionsu. Ndi nsomba mu lupuishi, tshiyi kabidi ne bukole.

Ekesode 33:4

Bena Izrayele bumvua miaku eyi mikole ya matandu, kudilabu bikole. Kuvualabu bilamba bia dibungama.

Yeshaya 22:12

Dituku adi, Maweja-Nangila, Mvidi Mukulu muena bukole buonsu, uvua munubele bua nudile muadi, bua nunyingalale, nubeye nsuki, nuvuale bilamba bia mu madilu.

Yeshaya 38:15

Kadi tshingambila Maweja-Nangila ntshinyi? Udi muenze bionsu ebi ki nYeye anyi? Ndi ngendakana panu, mpitshisha matuku, amu ne kanyinganyinga kakole munda.

Yirmeya 36:24

Mukalenga ne balombodi bende bonsu ba bena mvita bavua bajingulula bimpe malu avuabu bafunde pa muvungu wa tshiseba. Kadi kabavua ne bowa nansha ne dibungama.

Yowele 1:13

Nuenu batuangaji, vualayi bilamba bia mu madilu! Nuenu badi benza mudimu ku tshilambuilu, dilayi! Nuenu bantu ba Mvidi Mukulu wetu, luayi, bungamayi butuku bujima! Bualu milambu ya ntete, nansha ya maluvu, kabatshiena bafika nayi mu nzubu wa Mvidi Mukulu.

Yona 3:10

Maweja-Nangila kumona muvua bena Ninive balekela buenzayi buabu. Nanku, kutuyishaye tshiji tshivuaye natshi. Kulekelaye mua kubanyoka nuwuaye mubakanyine.

Yona 3:6

Lumu alu kufika kudi mukalenga wa tshimenga tshia Ninive. Yeye kujuka mu nkuasa wende wa bumfumu, kuvula bilamba bia bukalenga, kuluata bilamba bikayapale, kusomba panshi mu butu.

Didimanyisha 11:3

Meme nentume bajadiki banyi babidi, bavuale bilamba bikayapale. Matuku tshinunu nkama ibidi ne makumi asambombu aa, nebamanyishe bantu bidi Mvidi Mukulu mubambile.