1 Bakalenga 21:22 - MUKANDA WA MYIDI MUKULU

²² Nembutule bena nzubu webe, bu mumvua mubutule bena nzubu wa Yerobowame, muana wa Nebate, ne bena nzubu wa Basha, muana wa Akiya. Bualu wewe Akabe udi mumfikishe munda bikole. Kabidi udi mufikishe bena Izrayele ku dienza bibi.”

Mukanda wa Nzambi Dihungila Dikulukulu ne Dihungila Dihia-dihia 2003

²² nenvuishe nsubu webe bu nsubu wa Yalobama, muana wa Nebata, ne bu nsubu wa Bâsha, muana wa Ahiya, bua tshiji tshiwakunfuisha ne bua malu mabi awakuenzesha Bena Isalele.

1 Bakalenga 21:22 ပူးပေါင်းရင်းမြစ်များ

1 Bakalenga 12:30

Nanku, Yerobowame kufikisha bena Izrayele ku dienza bibi. Bantu ba bungi kuya kushindikija lupingu luibidi too ne ku Dane.

1 Bakalenga 13:34

Buenzayi bua Yerobowame abu kutampakana kudi bena nzubu wende bonsu. Ke pavua bena nzubu wa Yerobowame bafue, babutuke bonsu pa buloba.

1 Bakalenga 14:16

Maweja-Nangila nealekele bena Izrayele, bualu Yerobowame mmuenze bibi, kabidi mmufikishe bena Izrayele ku dienza bibi.

1 Bakalenga 15:34

Kadi, kuenzaye malu mabi avua Maweja-Nangila kayi musue to. Kuenzaye malu mabi bu muvua Yerobowame muenze, mufikishe ne bena Izrayele ku dienza bibi. Uvua muenze malu mabi avua Yerobowame muenze.

1 Bakalenga 16:11

Amu ubuela mu bukalenga bua bena Izrayele, kushipaye bena nzubu wa Basha bonsu. Kena mushiye nansha muntu umue ne muoyi to. Uvua mushipe bana ne bantu bakulumpe bonsu ba mu nzubu wa Basha, ne bantu bonsu bavua batue ku tshia Basha.

1 Bakalenga 16:26

Uvua muenze buenzavi anu bu Yerobowame, muana wa Nebate, uvua mufikishe bena Izrayele ku dienza bibi. Maweja-Nangila Mvidi Mukulu wa bena Izrayele, uvua mufike munda bua mvidie ivuabu batendelela.

1 Bakalenga 16:3

Ke pandi musue kunubutula ne bena nzubu webe bonsu. Nennubutule bu mumvua mubutule bena nzubu wa Yerobowame, muana wa Nebate.

2 Bakalenga 10:10

Nujadike ne: meyi onsu avua Maweja-Nangila muambe bua bena nzubu wa Akabe, adi anu akumbana! Maweja-Nangila ke udi mukumbaje bionsu bivua muambi Eliya muambe mu dina diende.

2 Bakalenga 9:9

Angenzele bena nzubu wa Akabe anu bu mumvua muenzele bena nzubu wa Yerobowame, muana wa Nebate, ne bena nzubu wa Basha, muana wa Akiya.

Nsumuinu 17:13

Muntu udi upingaja bubi pa buimpe buvuabu bamuenzele, dikenga kadiena diumuka ku nzubu kuende to.