1 Bakalenga 21:20 - MUKANDA WA MYIDI MUKULU

²⁰ Eliya kuya kuambila Akabe bionsu abi. Akabe kumuambila ne: — Wewe muluishi wanyi, wapinganyi kabidi kundi! Eliya kuitaba ne: — Eyowa, ngapinganyi kabidi kuudi, bualu wewe udi usanka bua kuenza bidi Maweja-Nangila ubenga.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Ahaba wakakonka Eliya ne, Wewe, muena lukuna wanyi, wakusangana, anyi? Yeye wakamukudimuna ne, Nakukusangana bualu bua wewe wakadihanyisha bua kuenza malu mabi ku mesu kua Yehowa.

1 Bakalenga 21:20 ပူးပေါင်းရင်းမြစ်များ

2 Samuele 11:27

Kadi batangalaja madilu, Davide kubikidisha Batsheba ku nzubu kuende, kumusela. Mukaji kulela muana wa balume.

1 Bakalenga 16:30

Kadi, uvua wenza bidi Maweja-Nangila ubenga. Uvua muenze bibi mupite bakalenga bonsu bavua bamudianjidile mu bukalenga.

1 Bakalenga 18:17

Anu Akabe umona muambi Eliya, kumuambilaye ne: — Wewe ke udi ukengesha bena Izrayele!

1 Bakalenga 21:25

Bulelela, katshia kabena banji kumona muntu usanka bua kuenza bidi Maweja-Nangila ubenga, bu mudi mukalenga Akabe usanka bua kuenza nanku. Kadi badi bamuenzeja bionsu ebi kudi mukajende Yezabele.

1 Bakalenga 22:8

Akabe, mukalenga wa bena Izrayele, kuandamuna ne: — Muambi mukuabu umue udi munemu. Dina diende Mika, muana wa Imla. Kadi tshiena mumunange to. Bualu misangu yonsu udi ummanyisha amu malu mabi. Katshia, kena muanji kungambilaku bualu buimpe to. Mukalenga Yosafate kukema ne: — Kuangatshi muambi bibi nanku to!

2 Bakalenga 17:17

Bavua balambula bana babu ba balume ne ba bakaji bu mulambu wa kuosha. Bavua benza majimbu a mishindu yonsu. Nanku, bavua bafikisha Maweja-Nangila munda bualu bavua benza malu adiye mubenge.

2 Bakalenga 21:2

Menashe kuenza malu avua Maweja-Nangila mubenge, kuenza ne malu mabi onsu a bantu ba bisamba bikuabu, bavua Maweja-Nangila muipate bua kushilabu bena Izrayele ditunga.

2 Kulondolola 18:17

Akabe mukalenga wa Izrayele kuambila Yosafate ne: — Mvua mumane kukuambila ne: muambi Mika udi ungambila anu malu mabi misangu yonsu. Katshia katu muanji kungambila bualu buimpe to!

2 Kulondolola 18:7

Akabe, mukalenga wa bena Izrayele, kuandamuna ne: — Munemu mudi anu muambi mukuabu umuepele. Dina diende mMika, muana wa Imla. Kadi tshiena mumunange to. Bualu misangu yonsu udi ummanyisha amu malu mabi. Katshia katu muanji kungambila bualu buimpe to. Yosafate kuandamuna ne: — Lekela kuamba muambi nanku.

2 Kulondolola 33:6

Uvua mulambule ne bana bende ba balume bu mulambu mu tshibandabanda tshia Inome. Uvua wenza majimbu a mishindu mishilangane, ubuka lubuku lua muzangu. Nanku, Menashe uvua wenza amu kuenza malu adi Maweja-Nangila mubenge, umufikisha munda.

Yeshaya 50:1

Maweja-Nangila udi unuebeja ne: Nudi nuamba ne: ndi mubenge Yerushalayime, mamuenu, kadi mukanda udi ujadika mundi munubenge wepi? Meme munusumbishe, munutume ku bupika, bua meme kufuta mabanza, kadi ndi munutume kudi nganyi? Eyowa, bavua banusumbishe bua malu enu mabi, bavua babenge mamuenu bua buntomboji buende, bua buntomboji buenu.

Yeshaya 52:3

Maweja-Nangila udi wamba bantu bende ne: “Bavua banufile mu bupika tshianana, kabayi nansha banusumbe. Nanku nebanupikule tshianana, kabayi bafila nansha dikuta.”

Yirmeya 38:4

Balombodi ba bena mvita aba mbamane kumvua muvua Yirmeya muambe, kuambilabu mukalenga Sedekiya ne: — Tudi tulomba bua kushipa Yirmeya ewu. Bionsu bidiye wamba, bidi bitekesha bikole bena mvita ne bantu badi bashale mu tshimenga. Muntu ewu udi utukebela amu diakabi. Kena bualu ne diakalenga dietu to.

Yezekiyele 14:4

Ubambile bindi meme Maweja-Nangila Mvidi Mukulu mbamanyisha ne: “Padi muena Izrayele udi mutekemene amu kudi mvidie yende idi imufikisha ku bubi, ufika bua kumonangana ne muambi, kumukonka malu, meme Maweja-Nangila nemmuandamune, bilondeshile bungi bua mvidie idi muena Izrayele awu utendelela.

Amosa 5:10

Ku tshilumbuluilu nudi nukina muntu udi unuvuluija munudi mua kukosa nsambu pa yoyi; nudi nutshina bikole udi ujadika malu amu muvuawu menzeke.

Marke 12:12

Bamfumu ba bena Yuda bavua bakeba mushindu udibu mua kukuata Yezu. Bualu bavua bamanye muvuaye wela lusumuinu elu bualu buabu. Kadi bavua batshina bantu, nenku bobu kumulekela kuyabu.

Rome 7:14

Tudi bamanye ne: mikenji mmifume kudi Mueyelu wa Mvidi Mukulu. Kadi meme ndi muena butekete, udi bubi busumba bu mupika wabu.

Ngalate 4:16

Lelu nkadi muena lukuna wenu, bualu ndi muambila malu amu mudiwu anyi?

Efeze 4:19

Bu mudibu kabayi bumvua bundu, badi badifila ku malu mabi a mishindu yonsu. Badi bakeba kunema nansha ku buenzavi buabu mene.

Didimanyisha 11:10

Bantu ba pa buloba nebasanke, batue tshianga, basankishangane ne bintu, bua lufu luabu, bualu bambi babidi aba bavua batatshishe bikole bantu ba pa buloba.