1 Bakalenga 21:2 - MUKANDA WA MYIDI MUKULU

² Dituku dikuabu, mukalenga Akabe kuambila Nabote ne: — Umpe budimi buebe bua mvinyo ebu, bua meme kuenzamu budimi bua biseki. Bualu budimi ebu budi pabuipi ne nzubu wanyi wa bukalenga. Nenkupe budimi bukuabu bua mvinyo buimpe bupite buebe ebu. Anyi ndi mua kukusumba budimi ebu, pawikala musue.

Mukanda wa Nzambi Dihungila Dikulukulu ne Dihungila Dihia-dihia 2003

² Ahaba wakambila Nabota ne, Umpe budimi buebe bua tumuma tukese bua meme kushala nʼabu bu tshibundu tshia matshitshi, bualu bua budi ha buihi ne nsubu, ne meme nenkuhe budimi bukuabo budi buhita buebe buakane, anyi biwamona ne mbimpe, nenkuhe argent bu mushinga wa budimi.

1 Bakalenga 21:2 ပူးပေါင်းရင်းမြစ်များ

Genese 16:6

Abrame kuandamuna Sarayi ne: — Angata mupika webe, wenze nende muudi musue. Sarayi kukengesha Agare bikole too ne padinyemenaye kuya mu tshipela.

Genese 3:6

Mukaji umona ne: mutshi uvua muimpe kumona, bimuma biawu bimpe bua kudia, bifuana kupa muntu lungenyi, kupolaye tshimuma, kudia. Tshikuabu kupeshaye bayende, awu pende kudia.

1 Bakalenga 21:3

Kadi, Nabote kuandamuna ne: — Maweja-Nangila kena mua kuanyisha bua meme kukupa budimi bua mvinyo bundi mupiane kudi bankambua banyi to.

1 Bakalenga 21:6

Mukalenga Akabe kuandamuna ne: — Mvua mumonangane ne Nabote, muena mu tshimenga tshia Yizreyele. Meme kumulomba ne: “Umpe budimi buebe bua mvinyo. Ndi musue kubusumba. Anyi pawikala musue, tudi mua kushintakaja, meme kukupa budimi bukuabu.” Kadi, Nabote mmungandamune ne: “Tshiena mua kukupa budimi buanyi bua mvinyo to.”

2 Bakalenga 9:27

Akaziya, mukalenga wa bena Yuda, umona bionsu abi, kunyemaye kuya luseke lua ku Bete-Gane. Kadi, Yehu kumulondakaja. Kutuminaye bantu bende diyi bua bashipe kabidi Akaziya. Nanku, kuasabu Akaziya patshivuaye wendesha ditempu diende mu njila wa ku musoku wa Ngure, pabuipi ne tshimenga tshia Ibleyame. Kadi, Akaziya kunyema, kuya kufuila mu tshimenga tshia Megido.

Ekesode 20:17

“Kualakanyi tshintu nansha tshimue tshia mukuenu: nansha nzubu wende, mukajende, mupika wende, ngombe wende, mpunde wende.”

Muambi 2:5

Meme kudienzela mpangu, kukunamu mitshi ya bimuma ya mishindu yonsu.

Musambu wa Solomo 4:15

Munda mua lupangu mudi mpokolu wa mayi mimpe matambe adi afuma ku mikuna ya Lebanone.

Yirmeya 22:17

Kadi wewe udi musue anu tshidi tshikulengelela wewe nkayebe. Udi ukeba anu kushipesha bantu badi kabayi ne bualu, ne kukengesha bantu ne tshikisu.

Luke 12:15

Pashishe Yezu kuambila bantu bonsu ne: — Nudimuke. Kanuteki muoyi ku biuma. Bualu muntu kena ne muoyi bualu bua biuma, nansha yeye nabi bivule!

Dielulula 11:10

Ditunga dinudi nukuata mpindiewu, kadiena bu ditunga dia Ejipitu dinudi bumuke to. Bualu mu Ejipitu, panuvua nukuna ntete, nuvua numbula mikidi bua kufikishisha mayi mu budimi amu, bu mudibu benza mu lupangu lua biseki.

Dielulula 5:21

“Kanualakanyi tshintu tshia mukuenu: nansha mukajende, nzubu wende, ngombe wende, madimi ende, mupika wende mulume nansha mukaji, mpunde wende, nansha tshintu tshionsu tshia mu lubanza luende.”

1 Timote 6:9

Kadi bantu badi basue kunema amu kunema, nebabuele mu matetshibua. Nkuka yabu mibi mivule neyibakuatshishe mu buteyi, neyibabutule, neyibajimije kashidi.

1 Samuele 29:6

Nanku mukalenga Akishe, kubikila Davide umuambila ne: — Bu mudi Maweja-Nangila ne muoyi, ndi mukunange bikole. Mvua mumone ne: udi ukumbana bua tuetu kuya nebe mu mvita. Bualu biangatshile dituku diuvua mufike kuanyi too ne mpindiewu, tshiena muanji kumona wewe muenze bualu bubi to. Kadi, bamfumu bakuabu ba bena Peleshete kabena bakunange to.

1 Samuele 8:14

Neanunyenge madimi mimpe, mionji mimpe ya mvinyo, ne mitshi ya olive mimpe inudi nukuna. Bionsu ebi, neabipeshe balombodi ba bena mvita bende.

1 Samuele 8:6

Samuwele kubungama bikole, bua pavua bantu bamulomba mukalenga. Ke kukonkaye Maweja-Nangila bualu ebu.