1 Bakalenga 20:6 - MUKANDA WA MYIDI MUKULU

⁶ Nanku, umanye ne: malaba pa diba ditudi edi, nentume bena mudimu banyi ku nzubu kuebe. Nebibakulule mu nzubu webe wa bukalenga, ne mu nzubu ya balombodi ba mu bukalenga buebe. Nebangate bintu bionsu bia mushinga mukole biudi nabi, baya nabi.”

Mukanda wa Nzambi Dihungila Dikulukulu ne Dihungila Dihia-dihia 2003

⁶ kadi nentume bantu banyi kûdi makelela ha diba edi mene, bobo nebadikebele mu nsubu webe ne mu nsubu ya bantu bebe, hashishe bintu bionso bidi bimpe ku mesu kuebe bobo nebabiangate mu bianza biabo, nebaye nʼabi.

1 Bakalenga 20:6 ပူးပေါင်းရင်းမြစ်များ

Genese 27:15

Rebeka kuangata kabidi bilamba bia Esawu muanabute bivua mu nzubu, kubivuadika Yakobe, muana muakunyi.

2 Samuele 24:14

Davide kuandamuna ne: — Ndi munkatshi mua dikenga dikole…Kadi, ndi musue kushala anu mu bianza bia Maweja-Nangila pa mutu pa kuikala mu bianza bia bantu. Bualu Maweja-Nangila udi ne luse.

1 Bakalenga 20:5

Kadi bantu kuya kudi mukalenga Akabe musangu muibidi, bamuambila meyi makuabu, avua Benadade mumutumine, ne: “Mwa mukutumine diyi, bua wewe kumpesha biamu biebe bitoke bia mushinga mukole, mpawungi, bakaji bebe ne bana bebe.

1 Bakalenga 20:7

Ke Akabe, mukalenga wa bena Izrayele, kubikila bakulu bonsu ba mu ditunga, ubambila ne: — Nudi badimuene patoke too ne: Benadade mmusue kutuenzela bibi. Bualu uvua untumina bantu bua kundomba bakaji banyi ne bana banyi ne biamu bianyi bitoke bia mushinga mukole, ne mpawungi. Kadi tshivua mubenge mua kumutumina to.

Ezela 8:27

malongu makumi abidi menza ne tshiamu tshia mpawungi, mikale a mushinga wa nkanu tshinunu ya tshiamu tshia mpawungi, ne ngesu ibidi mimpe yengelela ya tshiamu tshifike ya mushinga mukole, anu bu mushinga wa ngesu ya tshiamu tshia mpawungi.

Yeshaya 44:9

Bantu bonsu badi benza mpingu, bayitendelela, mbantu tshianana. Bintu biabu bidibu banange, kabiena bibambuluisha nansha kakese. Wewe muebeje batendeledi ba mvidie, bivua mvidie yabu yenza, nebafue bundu. Bualu ki mbanji kumona, ki mbanji kumvua, bualu buvua mvidie wabu muenze.

Yirmeya 25:34

Asayi muadi, elayi nshiba, nuenu balombodi ba bantu. Nubunguluke panshi mu lupuishi, nuenu balami ba bantu. Bualu matuku akumbanyi a nuenu kuya ku tshishipelu. Nebanushipe mudibu bashipe bimpanga bimpe.

Muadi 1:10

Baluishi mbapawule bubanji buende buonsu. Yerushalayime mmudimuene muvua bantu ba bisamba bikuabu babuele mu nzubu wa Mvidi Mukulu wende. Ke bantu bauvua wewe Maweja-Nangila mukandike bua kababuedi muaba webe wa kutendelela.

Muadi 1:7

Yerushalayime matuku aa udi mu dikenga, uvuluka bintu bia mushinga mukole bivuaye nabi ku kale. Tshikondu tshivua baluishi bakuate bantu bende, kakuyi muntu nansha umue umuambuluisha, bavua bamutshimune kusankabu, bualu uvua mushale tshintu tshia tshianana.

Osheya 13:15

Bena Efrayime nebavulangane munkatshi mua bana babu. Kadi, lupepele ludi lumisha bintu nelujuke, lufumina mu tshipela. Maweja-Nangila ke udi mutume lupepele alu. Nanku mayi a mu mpokolu neakame, mayi a mu mishimi neume, Lupepele neluambule bintu bionsu bia mushinga mukole bidi mu tshibutshilu.

Yowele 3:5

Nanku muntu yonsu udi utela dina dia Maweja-Nangila, nebamusungidile. Bualu bamue nebapanduke ku dikenga mu Yerushalayime ne pa mukuna wa Siyone, bu muvua Maweja-Nangila mumane kulaya. Ke bantu badiye usungidila, bua bapete muoyi.