1 Bakalenga 20:38 - MUKANDA WA MYIDI MUKULU

³⁸ Nanku, muambi awu, kudisokoka, kuvuala bilamba bia muntu mukuabu, kuasaye tshifulu tshibuikila mu mpala. Kuyaye kuimana ku mpenga kua njila, muaba uvua mukalenga Akabe upitshila.

Mukanda wa Nzambi Dihungila Dikulukulu ne Dihungila Dihia-dihia 2003

³⁸ Nunku muprofete au wakumuka, wakalamina mukelenge mu nshila, wakasuika tshilulu ku mesu andi, wakadifuanyikisha bu muntu mukuabo.

1 Bakalenga 20:38 ပူးပေါင်းရင်းမြစ်များ

2 Samuele 14:2

Nanku kubikidishaye mukaji mutalame uvua ku Tekowa, umuambila ne: — Wenze bu muntu udi mu madilu. Uwale bilamba bia madilu. Kulabi manananshi to. Wikale bu mudi mukaji mushale mu madilu matuku a bungi.

1 Bakalenga 14:2

Ke Yerobowame kuambila mukajende ne: — Udisokoke, uvuale bilamba bia mukaji mukuabu, bua bantu kabamanyi ne: udi mukajanyi to. Pashishe uya ku Silo, kudi muambi Akiya. Bualu muambi Akiya uvua mungambile ne: wewe Yerobowame neushale mukalenga wa bena Izrayele.

1 Bakalenga 20:37

Muntu wa kumpala awu, kuyaye kudi muntu mukuabu, umuambila ne: — Ntuuta! Muntu awu kumutuuta, kumutapa mputa.

1 Bakalenga 20:41

Diakamue, muntu awu kumusha tshifulu tshivuaye muase, tshivua tshibuikila mu mpala. Akabe mukalenga wa bena Izrayele kumanya ne: muntu ewu ngua ku tshisumbu tshia bambi.

1 Bakalenga 22:30

Akabe, mukalenga wa bena Izrayele, kuambila Yosafate ne: — Ndi musue kudisokoka, kuvuala bilamba bia muntu mukuabu, bua meme kuya mu mvita. Kadi wewe Yosafate uvuale bilamba bia bukalenga. Nenku, Akabe mukalenga wa bena Izrayele, kudisokoka bu muntu mukuabu, bua kuya mu mvita.

Matayi 6:16

— Panudi nujila biakudia, kanushadi babungame bu mudi bena mpala ibidi benza. Badi banyenga mpala, bua bantu bonsu babamone ne: mbajile biakudia. Ndi nnujadikila bulelela ne: mbamane kupeta difutu diabu.