1 Bakalenga 20:26 - MUKANDA WA MYIDI MUKULU

²⁶ Nanku, tshidimu tshikuabu, anu tshikondu tshivuabu baluangana kabidi atshi, Benadade kubandila bena mvita ba bena Siriya. Pashishe, kuyaye nabu mu tshimenga tshia Afeke bua kuluisha bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Hakahita tshidimu tshikuabo, Bene-hadada wakasangisha Bena Sulia, bakaya ku Afeke bua kuluanganabo ne Bena Isalele.

1 Bakalenga 20:26 ပူးပေါင်းရင်းမြစ်များ

2 Samuele 11:1

Ku ntuadijilu wa tshidimu bakalenga bavua ne tshibidilu tshia kuya mu mvita. Nanku mukalenga Davide, uvua mutume pende Yowabe, mfumu wa bena mvita ba bena Izrayele, ne balombodi babu, bua baye kuluisha bena Amone. Bena Izrayele kunyangakaja ditunga dia bena Amone, kuluisha bena tshimenga tshia Raba. Davide uvua mushale mu Yerushalayime.

1 Bakalenga 20:22

Ke muambi kuya kudi Akabe, mukalenga wa bena Izrayele, umuambila ne: — Kolesha muoyi, wela meji bimpe ku tshiudi mua kuenza. Bualu, tshidimu tshidi kumpala etshi, anu tshikondu tshitudi etshi, mukalenga wa bena Siriya neafike kabidi bua kukuluisha.

1 Bakalenga 20:25

Wewe, wangata bena mvita bungi bua bavua bafue. Wangate kabidi nyama ya tubalu ne matempu a mvita, anu bungi bumue ne bia kumpala. Pashishe, tuye kuluisha bena mvita ba bena Izrayele mu mpata, netubapite bukole bulelela. Benadade kuitaba lungenyi alu.

1 Bakalenga 20:30

Bantu bavua bashale binunu makumi abidi ne muanda mutekete, kunyema, kuya mu tshimenga tshia Afeke. Kadi, bimana bia tshimenga atshi kubupukila. Benadade kabidi uvua mua kunyema mu tshimenga atshi, musokome mu tshibambalu tshikuabu tshia munda mua nzubu menemene.

Yoshua 13:4

didi kuinshi. Nenukuate kabidi ditunga dia bena Kenaane, biangatshile ku Ara, buloba bua bena Sidone, too ne ku Afeke ku mikalu ya bena Amore.

Yoshua 19:30

Uma, Afeke, Rekobe, bua kushikidila ku Mayi manene a pankatshi pa matunga. Mu buloba ebu muvua bimenga makumi abidi ne bibidi. Muvua kabidi ne misoku ivua nabi pabuipi.

Balombodi 1:31

Bena Ashere kupangila mua kuipata bena bimenga ebi: Ako, Sidone, Alabe, Akzibe, Elba, Afike ne Rekobe.

1 Samuele 29:1

Bena Peleshete kusangisha bena mvita babu bonsu ku Afeke. Bena Izrayele bavua basa mitanda yabu ku mpokolu wa mayi pabuipi ne tshimenga tshia Yizreyele.

1 Samuele 4:1

Ke muvua Samuwele mufikishe meyi a Maweja-Nangila kudi bena Izrayele bonsu nanku. Dituku dikuabu, bena Izrayele kuya kuluangana ne bena Peleshete. Kuasabu mitanda yabu muaba uvuabu babikila ne: Dibue-dia-diambuluisha. Bena Peleshete kuasa yabu mitanda mu Afeke.