1 Bakalenga 20:23 - MUKANDA WA MYIDI MUKULU

²³ Balombodi ba mu bukalenga bua bena Siriya, kuambilabu mukalenga wabu ne: — Mvidi Mukulu wa bena Izrayele udi Mvidi Mukulu wa ku mikuna, ke padi bena Izrayele batupite bukole. Kadi, tuye kuluangana nabu mu mpata, netubapite bukole bulelela.

Mukanda wa Nzambi Dihungila Dikulukulu ne Dihungila Dihia-dihia 2003

²³ Bantu ba mukelenge wa Sulia bakamuambila ne, Nzambi wabo udi nzambi wa ku mukuna, nunku bakatuhita bukole; kadi bitualuangana nʼabo mu mpata, tuetu netubahite bukole.

1 Bakalenga 20:23 ပူးပေါင်းရင်းမြစ်များ

1 Bakalenga 14:23

Bena Yuda kabidi bavua bibake miaba ya kutendelela mvidie, bibake bibumba bia mabue, bibake kabidi makunji a kutendelela mvidie ku nsongu ya mikuna yonsu, ne muinshi mua mitshi ivua ne dileji dia bungi.

1 Bakalenga 20:24

Mpindiewu enza nunku: Umushe bakalenga bonsu, ne balunda bebe, ku bumfumu. Upingaje balombodi ba maloba mu muaba wabu.

1 Bakalenga 20:28

Muambi wa Mvidi Mukulu kuya kabidi kudi Akabe, mukalenga wabena Izrayele, umuambila ne: — Maweja-Nangila udi wamba ne: “Bu mudi bena Siriya bamba ne: meme Maweja-Nangila ndi anu Mvidi Mukulu wa ku mikuna, tshiena wa mu mpata, ndi mfila bena mvita babu bonsu mu bianza biebe, bua wewe kumanya ne: meme ndi Maweja-Nangila.”

1 Bakalenga 20:31

Balombodi ba mu bukalenga bua Benadade, kumuambila ne: — Teleja, tudi bumvue ne: bakalenga ba bena Izrayele badi ne luse lua bungi. Nanku, tudi basue kuvuala bilamba bikayabale, kudisuika mionji mu nshingu, bua tuye kumonangana ne Akabe, mukalenga wabena Izrayele. Misangu mikuabu kena mua kukushipa to.

2 Bakalenga 19:12

Bakalenga bavua mu bukalenga kumpala kuanyi, bavua babutula bimenga ebi: Ngozane, Arane, Reshefe, ne Telashare tshimenga tshinene tshia bena Edene. Mvidie ya mu bisamba ebi, kayena unsungidile bimenga ebi to.

Yeshaya 36:20

Ku mvidie yonsu eyi, nansha umue kavua munkandike, bua meme kukuata ditunga diende. Kadi Maweja-Nangila udi mua kunkandika, bua meme kukuata Yerushalayime munyi?”

Yeshaya 42:8

Ndi Maweja-Nangila, ke dina dianyi meme. Tshiena mpesha bakuabu butumbi budi bunkumbanyine. Lumu ludi lungakanyine, tshiena ndupesha mvidie to.

Yirmeya 16:19

— Maweja-Nangila, wewe udi umpesha bukole. Wewe udi undama. Mu tshikondu tshia dikenga, ndi mua kunyemena kuudi. Bantu ba bisamba bikuabu nebafike kuudi wewe, bafuma ku nshikidilu wa buloba. Diba adi nebambe ne: “Bankambua betu bavua anu ne mvidie ya dishima. Mvidie yabu ivua anu lupepele, kayivua mua kuambuluisha muntu nansha umue.

1 Samuele 4:8

Eyowa tudi bena diakabi! Nganyi udi mua kutusungidila kudi Mvidi Mukulu ewu wa bukole, uvua mukengeshe bena Ejipitu ne bipupu bia mishindu ne mishindu mu tshipela?