1 Bakalenga 20:22 - MUKANDA WA MYIDI MUKULU

²² Ke muambi kuya kudi Akabe, mukalenga wa bena Izrayele, umuambila ne: — Kolesha muoyi, wela meji bimpe ku tshiudi mua kuenza. Bualu, tshidimu tshidi kumpala etshi, anu tshikondu tshitudi etshi, mukalenga wa bena Siriya neafike kabidi bua kukuluisha.

Mukanda wa Nzambi Dihungila Dikulukulu ne Dihungila Dihia-dihia 2003

²² Muprofete wakalua hehi ne mukelenge wa Isalele, wakamuambila ne, Ya biebe, udikoleshe, udimuke kabidi bua malu audi wenza; bualu bua halua tshidimu tshikuabo, mukelenge wa Sulia neahingane bua kuluangana nʼebe.

1 Bakalenga 20:22 ပူးပေါင်းရင်းမြစ်များ

2 Samuele 11:1

Ku ntuadijilu wa tshidimu bakalenga bavua ne tshibidilu tshia kuya mu mvita. Nanku mukalenga Davide, uvua mutume pende Yowabe, mfumu wa bena mvita ba bena Izrayele, ne balombodi babu, bua baye kuluisha bena Amone. Bena Izrayele kunyangakaja ditunga dia bena Amone, kuluisha bena tshimenga tshia Raba. Davide uvua mushale mu Yerushalayime.

1 Bakalenga 19:10

Eliya kuandamuna ne: — Maweja-Nangila Mvidi Mukulu wa bukole buonsu, ndi mukunange bikole. Nanku tshitshiena musue kumona bionsu bidi bena Izrayele benza to. Bualu bena Izrayele mbanyangakaje ndondu webe, mbupule bilambuilu biebe, mbashipe bambi bebe. Ndi mushale anu meme nkayanyi. Kadi badi bakeba kunshipa ne meme!

1 Bakalenga 20:13

Ke muambi kampande kuya kudi Akabe, mukalenga wa bena Izrayele, umuambila ne: — Maweja-Nangila udi wamba ne: “Udi mumone musumba munene wa bena mvita! Ndi mbafila mu bianza biebe anu lelu, bua wewe kumanya ne: meme ndi Maweja-Nangila.”

1 Bakalenga 20:21

Ke muvua mukalenga wa bena Izrayele muluishe Benadade. Uvua mubutule nyama ya tubalu yonsu, munyangakaje matempu a mvita onsu, mushipe bena mvita ba bena Siriya bapite bungi.

1 Bakalenga 20:26

Nanku, tshidimu tshikuabu, anu tshikondu tshivuabu baluangana kabidi atshi, Benadade kubandila bena mvita ba bena Siriya. Pashishe, kuyaye nabu mu tshimenga tshia Afeke bua kuluisha bena Izrayele.

1 Bakalenga 20:38

Nanku, muambi awu, kudisokoka, kuvuala bilamba bia muntu mukuabu, kuasaye tshifulu tshibuikila mu mpala. Kuyaye kuimana ku mpenga kua njila, muaba uvua mukalenga Akabe upitshila.

1 Bakalenga 22:8

Akabe, mukalenga wa bena Izrayele, kuandamuna ne: — Muambi mukuabu umue udi munemu. Dina diende Mika, muana wa Imla. Kadi tshiena mumunange to. Bualu misangu yonsu udi ummanyisha amu malu mabi. Katshia, kena muanji kungambilaku bualu buimpe to. Mukalenga Yosafate kukema ne: — Kuangatshi muambi bibi nanku to!

2 Bakalenga 6:12

Mulombodi mukuabu wa bena mvita kumuandamuna ne: — Mukalenga, munkatshi muetu kamuena muntu udi uya kuamba malu to! Kadi muambi Elisha udi mu Izrayele, udi umanyisha mukalenga wende wa bena Izrayele malu onsu, too ne audi wakula mu tshibambalu tshiebe tshia bulalu.

1 Kulondolola 20:1

Ku ntuadijilu wa tshidimu, — tshikondu tshitu bakalenga baya ku mvita, — Yowabe mfumu wa bena mvita, kuya ne tshiluilu tshia bena Izrayele, bua kunyanga buloba bua bena Amone, ne bua kuela tshimenga tshinene tshia Raba munkatshi. Kadi Davide uvua amu mushale mu Yerushalayime. Tshikondu atshi, Yowabe mfumu wa bena mvita, kukuata tshimenga tshia Raba, kutshibutula.

2 Kulondolola 25:11

Amashiya kukolesha muoyi, kupita kumpala kua mulongu wa bena mvita bende, kuya mu tshibandabanda tshia Luepu. Kushipayemu bena mvita ba bena Edome binunu dikumi.

2 Kulondolola 25:8

Wewe muye nabu, nansha wewe muluangane mvita muebe muonsu, Maweja-Nangila neakunyemeshe kumpala kua baluishi bebe. Bualu, anu Mvidi Mukulu nkayende ke udi mua kunuambuluisha bua nutshimune, nansha kuambuluisha badi mua kunutshimuna nuenu.

Misambu 27:14

— Tekemena Maweja-Nangila, kola muoyi, kutekeshi mu maboku, eyowa, tekemena Maweja-Nangila!

Nsumuinu 18:10

Maweja-Nangila udi bu nzubu udibu bakolesha ne bimana. Muntu muakane udi unyemena kudiye, udi upanduka.

Nsumuinu 20:18

Bidi bantu bajadika bidi bikumbana padibu bafila meji malenga. Pawikala musue kuluangana mvita, anji kudilongolola bimpe.

Yeshaya 26:11

Maweja-Nangila, wewe udi olola tshianza bua kubanyoka, kadi kabena bamona biudi musue kuenza to. Udi ubaluisha bundu, ubanyoka, bua bamone muudi unanga bantu bebe bikole! Kapia kaudi mufundile bena lukuna bebe, kababutule bonsu bungi buabu!

Yeshaya 42:8

Ndi Maweja-Nangila, ke dina dianyi meme. Tshiena mpesha bakuabu butumbi budi bunkumbanyine. Lumu ludi lungakanyine, tshiena ndupesha mvidie to.

Yeshaya 8:9

Bena bisamba bia bende, nansha nuenu batua ndondu, nenutshine amu kutshina. Nuenu bena matunga adi kule, telejayi: nansha nuenu ne bia mvita, bowa nebunukuate.

Efeze 6:10

Nanku, kebayi bukole pa kudisanga ne Mfumu, bualu buende mbupite!