1 Bakalenga 20:21 - MUKANDA WA MYIDI MUKULU

²¹ Ke muvua mukalenga wa bena Izrayele muluishe Benadade. Uvua mubutule nyama ya tubalu yonsu, munyangakaje matempu a mvita onsu, mushipe bena mvita ba bena Siriya bapite bungi.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Mukelenge wa Isalele wakaluhuka, wakashiha tubalu ne makalu ne Bena Sulia ne kushiha kukole.

1 Bakalenga 20:21 ပူးပေါင်းရင်းမြစ်များ

1 Bakalenga 20:20

Muena mvita yonsu wa kudibu, kushipa muluishi uvuabu baluangana nende. Ke bena Siriya kunyema. Bena Izrayele kutuadija kubalondakaja. Benadade kunyema, mubande pa nyama wa kabalu, pamue ne bantu bakuabu bavua babande pa nyama ya tubalu.

1 Bakalenga 20:22

Ke muambi kuya kudi Akabe, mukalenga wa bena Izrayele, umuambila ne: — Kolesha muoyi, wela meji bimpe ku tshiudi mua kuenza. Bualu, tshidimu tshidi kumpala etshi, anu tshikondu tshitudi etshi, mukalenga wa bena Siriya neafike kabidi bua kukuluisha.

2 Bakalenga 3:18

Kadi, bualu ebu mbualu bukese kudi Maweja-Nangila. Yeye neafile kabidi ditunga dia bena Mowabe mu bianza bienu.

2 Bakalenga 3:24

Kadi, bena Mowabe bamane kufika pabuipi ne mitanda ya bena Izrayele, ke bena Izrayele kujuka, kubaluisha. Nanku, bena Mowabe kunyema. Bena Izrayele kubalondakaja, kubuela mu buloba bua bena Mowabe. Kubutulabu bena Mowabe bapite bungi.

Yoshua 10:20

Yoshuwa ne bena Izrayele kutshimuna bena Amore menemene, kubabutula bonsu. Amu bantu bakese bavua banyema mvita ke bavua bapande, bapingana mu bimenga biabu, bivuabu bakolesha ne bimana.

Balombodi 11:33

Yefete kubatshimuna anu musangu umue. Kukuataye misoku makumi abidi ivua pankatshi pa Aroyere, Minite ne Abele-Keramine. Ke bena Amone kushala ku bumfumu bua bena Izrayele.

Balombodi 3:28

— Ndondayi panyima, bualu Maweja-Nangila mmumane kufila baluishi benu bena Mowabe mu bianza bienu. Bena Izrayele kulonda Ekude mu nyima, kunyenga bena Mowabe bisabu bia ku Yardene. Muntu nansha umue kavua mua kusabuka kabidi to.

1 Samuele 17:52

Bena mvita ba bena Izrayele ne ba bena Yuda kuela mbila ya mvita, kulondakaja bena Peleshete too ne mu mushiku wa tshimenga tshia Ngate, ne tshia Ekrone. Bitalu bia bena Peleshete bivua bitangalake panshi mu njila wa ku Sharayime, too ne ku tshimenga tshia Ngate ne tshia Ekrone.

1 Samuele 19:8

Mvita kutuadija kabidi. Davide kuya kuluangana ne bena Peleshete, kubatshimunaye. Kunyemabu Davide.