1 Bakalenga 20:15 - MUKANDA WA MYIDI MUKULU

¹⁵ Akabe kubandila bansongalume nkama ibidi makumi asatu ne babidi, bavuabu bangate ku mudimu wa mvita kudi balombodi ba maloba a mu ditunga. Pashishe, kubandilaye kabidi bena mvita bonsu ba bena Izrayele binunu muanda mutekete.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Hashishe wakasangisha bena mudimu ba banfumu ba mu buloba, bakadi nkama ibidi ne makumi asatu ne babidi; hashishe wakabikila Bena Isalele bonso bu binunu muanda mutekete.

1 Bakalenga 20:15 ပူးပေါင်းရင်းမြစ်များ

1 Bakalenga 19:18

Kadi munkatshi mua bena Izrayele, nenshiye bantu bakuabu binunu muanda mutekete ne muoyi, mmumue ne: bonsu badikabayi banji kukukuila mvidie Baale, kabayi banji kutua mpingu ayi mishiku.

1 Bakalenga 20:14

Mukalenga Akabe kukonka ne: — Wafikisha bena mvita aba mu bianza bianyi nnganyi? Muambi kumuambila ne: — Maweja-Nangila udi wamba ne: “Bansongalume badibu bangata ku mudimu wa bena mvita kudi balombodi ba maloba a mu ditunga, nebatshimune bena mvita aba.” Akabe kukonka kabidi ne: — Udi mua kutuadija mvita nnganyi? Muambi kuandamuna ne: — Wewe ke udi utuadija mvita.

1 Bakalenga 20:16

Kutuadijabu mvita munda munya. Kadi, Benadade ne bakalenga makumi asatu ne babidi, balunda bende, bavua anu bakuatshike maluvu mu ntenta.

2 Bakalenga 13:7

Ku ndekelu, bena mvita ba mukalenga Yowakaze bavua babande pa nyama ya tubalu, bavua bashale anu makumi atanu, matempu a mvita anu dikumi. Bena mvita bavua benda ku makasa bavua bashale anu binunu dikumi. Bualu mukalenga wa bena Siriya uvua mushipe bena mvita ba mukalenga Yowakaze bapite bungi. Uvua mubabutule bonsu, bu mudibu badiata lupuishi mu njila.

2 Kulondolola 14:11

Nanku, Maweja-Nangila kunyemesha bena Kushe, Asa ne bantu bende batangile.

Misambu 33:16

Mukalenga kena upandila mu mvita bua bungi bua basalayi bende. Tshilobu kena utshimuna bua dikanda diende nansha.

Balombodi 7:16

Ngideyone kutapulula bena mvita nkama isatu ayi mu bisumbu bisatu. Kupeshaye muntu yonsu mpungi, mulondu wa munda mutupu, ne tshimunyi tshia kuteka munda mua mulondu amu.

Balombodi 7:7

Maweja-Nangila kuambila Ngideyone ne: — Uye ne bantu aba nkama isatu badi balaka mayi. Kadi bantu bakuabu bonsu bapingane kuabu.

1 Samuele 14:2

Tatuende uvua pabuipi ne Ngibeya, musombe muinshi mua mutshi wa grenadier mu Migrone. Uvua ne bena mvita bu nkama isambombu.

1 Samuele 14:6

Yonatane kuambila nsongalume wende ne: — Luaku tuye too ne ku tshisumbu tshia bena mvita ba bena Peleshete, badibu kabayi bateke panshi. Misangu mikuabu Maweja-Nangila udi mua kutuambuluisha. Bualu kakuena tshidi mua kupumbisha Maweja-Nangila bua atupeteshe ditshimuna, nansha tuetu ba bungi nansha tuetu bakese.