1 Bakalenga 20:14 - MUKANDA WA MYIDI MUKULU

¹⁴ Mukalenga Akabe kukonka ne: — Wafikisha bena mvita aba mu bianza bianyi nnganyi? Muambi kumuambila ne: — Maweja-Nangila udi wamba ne: “Bansongalume badibu bangata ku mudimu wa bena mvita kudi balombodi ba maloba a mu ditunga, nebatshimune bena mvita aba.” Akabe kukonka kabidi ne: — Udi mua kutuadija mvita nnganyi? Muambi kuandamuna ne: — Wewe ke udi utuadija mvita.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Ahaba wakakonka ne, Ku bianza bia nganyi? Yeye wakamuambila ne, Yehowa udi wamba ne, Ku bianza bia bena mudimu ba banfumu ba mu buloba buebe. Wakakonka kabidi ne, Wabanga nvita nganyi? Wakamuambila ne, Wewe.

1 Bakalenga 20:14 ပူးပေါင်းရင်းမြစ်များ

1 Bakalenga 18:44

Kadi, musangu wa muanda mutekete, muena mudimu kumuambila ne: — Divuba dikese didi dibanda pa mayi manene, kadiena dipite tshianza ku bunene to. Ke muambi Eliya kuambila muena mudimu ne: — Uye kuambila Akabe, asuike nyama yende ya tubalu ku matempu apueke, mvula kayi muanji kumupumbisha.

1 Bakalenga 20:13

Ke muambi kampande kuya kudi Akabe, mukalenga wa bena Izrayele, umuambila ne: — Maweja-Nangila udi wamba ne: “Udi mumone musumba munene wa bena mvita! Ndi mbafila mu bianza biebe anu lelu, bua wewe kumanya ne: meme ndi Maweja-Nangila.”

1 Bakalenga 20:15

Akabe kubandila bansongalume nkama ibidi makumi asatu ne babidi, bavuabu bangate ku mudimu wa mvita kudi balombodi ba maloba a mu ditunga. Pashishe, kubandilaye kabidi bena mvita bonsu ba bena Izrayele binunu muanda mutekete.

1 Bakalenga 20:17

Bansongalume kupita kumpala, kutuadija mvita. Benadade kutuma bantu bua bamone muvua bualu. Kupinganabu kudi Benadade, bamuambila ne: bantu mbafume ku tshimenga tshia Samariya.

1 Samuele 17:50

Nanku Davide kutshimuna Ngoliyate, kumushipa anu ne ndundu wa nyunyi ne lusoka, kayi ne muela.