1 Bakalenga 20:11 - MUKANDA WA MYIDI MUKULU

¹¹ Akabe, mukalenga wa bena Izrayele, kuandamuna ne: — Nuwluije Benadade lusumuinu ludibu bela ne: “Patshidi muntu uya mu mvita, kena mua kuditambisha bu mumane kutshimuna.”

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mukelenge wa Isalele wakamukudimuna ne, Numuambile ne, Muntu udi uluata bintu bia nvita kadifunyishi bu muntu udi ubivula.

1 Bakalenga 20:11 ပူးပေါင်းရင်းမြစ်များ

2 Bakalenga 3:21

Bena Mowabe kupeta lumu lua difika dia bakalenga basatu bua kubaluisha. Nanku, kusangishabu bantu bonsu batshivua ne bukole bua kuambula bia mvita. Kubatekabu ku mikalu ya ditunga.

Yobe 41:8

Mabamba ende adi malamakane bimpe, nansha lupepele kaluena mua kupitshila pankatshi pawu.

Nsumuinu 27:1

Kuditambishi bua malu adi mua kuenzeka malaba, bualu kuena mumanye tshidi mua kuenzeka lelu.

Muambi 9:11

Ndi mumone kabidi malu a bungi pa buloba. Bena lubilu lukole kabatu bapita bantu bonsu mu diteta dia kunyema lubilu to. Badi batshimuna mu mvita kabena misangu yonsu bilobu nansha. Badi bimpe pa buloba ki mbena meji to. Badi bapeta biuma ki mbena lungenyi misangu yonsu to. Badi bapeta lumu ki mbadi bamanye malu to. Muntu yonsu udi mua kupeta dikasa dibi.

Yirmeya 46:17

Kadi mukalenga wa bena Ejipitu, bamubikile ne: “Muena kabuabua!”

Yirmeya 9:23

Pikala muntu musue kuditambisha, aditambishe anu pikalaye mummanye meme Maweja-Nangila, kabidi mumanye ne: meme Maweja-Nangila ndi ne luse, ndi nkosa nsambu pa yoyi, ndi nkumbaja malaya anyi pa buloba bujima. Bantu ba mushindu ewu, ke badi bansankisha.” Ke mudi Maweja-Nangila wamba nanku.

Matayi 26:75

Petro kuvuluka tshivua Yezu mumuambile ne: “Tshitala katshiyi tshianji kusama, newikale mumane kunwila misangu isatu ne: tshiena mumanye muntu awu to.” Ke Petro kupatuka, wenda udila bikole.

1 Samuele 14:6

Yonatane kuambila nsongalume wende ne: — Luaku tuye too ne ku tshisumbu tshia bena mvita ba bena Peleshete, badibu kabayi bateke panshi. Misangu mikuabu Maweja-Nangila udi mua kutuambuluisha. Bualu kakuena tshidi mua kupumbisha Maweja-Nangila bua atupeteshe ditshimuna, nansha tuetu ba bungi nansha tuetu bakese.