1 Bakalenga 20:1 - MUKANDA WA MYIDI MUKULU

¹ Benadade, mukalenga wa bena Siriya, kusangishaye bena mvita bende bonsu, ne ba bakalenga makumi asatu ne babidi bavua bumvuangana nende. Kusangishaye kabidi ne nyama ya tubalu ne matempu a mvita bua kuya kuluisha tshimenga tshia Samariya, ukeba kutshikuata.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bene-hadada, mukelenge wa Sulia, wakasangisha masalayi andi onso: bakelenge makumi asatu ne babidi bakadi nʼandi, ne tubalu ne makalu. Wakaya, wakatshintshimika musoko wa Samalea bua kûluisha.

1 Bakalenga 20:1 ပူးပေါင်းရင်းမြစ်များ

1 Bakalenga 15:18

Diba adi, Asa kupesha balombodi ba mu bukalenga buende tshiamu tshitoke tshia mushinga mukole, ne tshiamu tshia mapwungi, bivua bishala ne mu nzubu wa Mvidi Mukulu, ne mu nzubu wende wa bukalenga. Uvua mutume, balombodi ba mu bukalenga buende ku Damase ne bintu abi, bua baye kupesha mukalenga wa bena Siriya, Benadade, muana wa Tabrimone, kabidi muikulu wa Eziyone. Uvua mubatume kabidi bua bambila Benadade ne:

1 Bakalenga 15:20

Benadade kuitaba dilomba dia Asa. Kutumaye bamfumu balombodi ba bena mvita bende bua kuluisha bimenga bia bena Izrayele. Bena mvita abu kukuata bimenga ebi: Yone, Dane, Abele-Bete-Maaka, buloba bua Kinerete, ne buloba bua Naftali buvua bushala.

1 Bakalenga 16:24

Pashishe, kuyaye kusumba mukuna wa Samariya kudi Semere. Uvua muusumbe ku nkanu mitoke ya mushinga mukole binunu bisambombu. Omri kuasa tshimenga pa mukuna awu. Kuinyikaye tshimenga atshi dina dia Samariya, bilondeshile dina dia Semere, uvua muena mukuna awu.

1 Bakalenga 20:16

Kutuadijabu mvita munda munya. Kadi, Benadade ne bakalenga makumi asatu ne babidi, balunda bende, bavua anu bakuatshike maluvu mu ntenta.

1 Bakalenga 20:2

Benadade kutuma bantu mu tshimenga atshi, bua kuambila Akabe, mukalenga wa bena Izrayele, ne:

1 Bakalenga 20:24

Mpindiewu enza nunku: Umushe bakalenga bonsu, ne balunda bebe, ku bumfumu. Upingaje balombodi ba maloba mu muaba wabu.

1 Bakalenga 22:31

Kadi, mukalenga wa bena Siriya, uvua mumane kutuma diyi kudi bamfumu makumi asatu ne babidi, bavua ne matempu ende a mvita, bua kuluisha anu Akabe, mukalenga wa bena Izrayele, kabayi baluisha bena mvita bakuabu, nansha balombodi ba bena mvita.

2 Bakalenga 6:8

Tshikondu tshivua mukalenga wa bena Siriya uluisha bena Izrayele, kuyukilaye ne balombodi ba bena mvita bende. Kubambilaye muaba uvuaye musue bua bena mvita bende kuasa mitanda yabu.

2 Bakalenga 8:5

Ngeyazi uvua umulondela muvua muambi Elisha mubishe muana ku lulu. Amu diba adi, mamuende wa muana awu kufika bua kulomba lupangu luende ne nzubu wende kudi mukalenga wa bena Izrayele. Nanku Ngeyazi kukema, wamba ne: — Mukalenga, mona, ke mukaji ewu muena muana uvua muambi Elisha mubishe ku lufu.

Ezela 7:12

“Meme Artashasta, mukalenga wa bakalenga, ndi ntumina mutuangaji Ezra mukanda. Yeye ewu udi mumanye bimpe mikenji ya Mvidi Mukulu wa mu diulu, a.n.

Ekesode 14:7

Kuangataye matempu onsu a mu Ejipitu, kadi nangananga matempu mimpe nkama isambombu. Ditempu dionsu divua ne muendeshi ne bena mvita kabidi.

Yeshaya 10:8

Bualu udi wamba ne: “Balombodi ba bena mvita banyi, badi ne bukole bu bua bakalenga ba matunga!

Yeshaya 37:24

Wewe uvua mutume bantu bebe, bua bampende meme Maweja-Nangila. “Uvua wamba ne: ‘Meme Senakeribe, ndi ne matempu a mvita mapite bungi. Ndi mubande ku nsongu ya mikuna. Ndi muye ne munkatshi mua ditunga dia Lebanone, bua kukosa mitshi ya sedre, idi mipite mikuabu yonsu ku buimpe, ne mitshi ya siprese, idi mipite mikuabu yonsu ku bule. Nemfike ku nsongu ya mikuna, ku ndekelu kuayi, ne munkatshi mua ditu.

Yirmeya 49:27

Nengoshe tshimenga tshia Damase. Kapia nekoshe nzubu wa bukalenga wa Benadade.

Yezekiyele 26:7

“Meme Maweja-Nangila Mvidi Mukulu ndi ngamba kabidi ne: Wewe tshimenga tshia Tire, ndi nkutumina mukalenga Nebukadnesare wa bena Babilone udi mupite bakalenga bonsu ku bukole. Neafume ku mutu kua ditunga. Nealue kukuluisha ne nyama ya tubalu, matempu, babandi ba pa tubalu, kabidi ne bena mvita bakuabu ba bungi.

Danyele 2:37

Wewe udi mukalenga mupite bakalenga bonsu. Mvidi Mukulu wa mu diulu udi mukupeshe bukalenga, dikanda, bukole ne lumu.

Lewitiki 26:25

Nennutumine bena mvita bua baluishe ditunga dienu. Nennunyoke bua ndondu wanyi unudi nunyanga. Nansha nuenu baye kusokoma mu bimenga, nennutumine disama dia kishi. Baluishi benu nebanutshimbakaje.

Amosa 1:4

Nengoshe nzubu wa mukalenga Azayele, kabidi ne nzubu munene wa mukalenga Benadade.

Dielulula 20:1

Nuenu baye kuluangana mvita ne bantu badi ne tubalu, kabidi ne matempu a mvita, nansha ne baluishi bapite bena mvita benu ku bungi, kanubatshinyi to. Bualu Maweja-Nangila Mvidi Mukulu wenu, uvua munupatule mu Ejipitu, udi munkathi muenu.

Dielulula 28:52

Baluishi abu, nebanutshintshimike mu bimenga bionsu, bidi mu ditunga didi Maweja-Nangila Mvidi Mukulu wenu munupe. Nebanuluishe too ne pupuka bimana bile bia bimenga bienu, miaba inudi nuela meji ne: tudi basokome bimpe.

Balombodi 1:7

Ke mukalenga Adoni-Bezeke kuela mbila ne: — Akia! Bakalenga makumi muanda mutekete, bavuabu bakose biala ne bana ba nkasa banene, bavua bangula, muinshi mua mesa anyi, biakudia bivua bimata panshi! Bushiwa, Maweja-Nangila wansombuedi ku bibi bionsu bimvua muenze. Kuyabu ne mukalenga Adoni-Bezeke ku Yerushalayime. Kuyaye kufuilaku.

Balombodi 4:3

Yabine uvua ne matempu a mvita a biamu nkama tshitema. Uvua mukengeshe bena Izrayele bikole bidimu makumi abidi. Nanku bena Izrayele kubikila Maweja-Nangila bua abambuluishe.

1 Samuele 13:5

Bena Peleshete kusangila bua kuluisha bena Izrayele. Bavua ne matempu a mvita binunu makumi asatu, bantu bavua babanda pa tubalu binunu bisambombu, bena mvita bungi bu lusenga ludi ku muelelu wa mayi manene. Nanku kuasabu mitanda ku Mikmase, luseke ludi diba dipatukila lua Bete-Avene.