1 Bakalenga 2:7 - MUKANDA WA MYIDI MUKULU

⁷ Uvuluke bana ba Barzilayi, wa mu ditunga dia Ngilaade. Bavua bangambuluisha dituku dimvua nnyema muanenu Absalome. Ubalame bimpe, bikale badia ku mesa ebe matuku onsu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Kadi uleshe bana balume ba Bâzilai, Muena Gilada, luse: bobo bikale munkatshi mua badi badia ku mesa ebe; bualu bua bobo bakankuatshisha hanakanyema ku mpala kua muanʼenu Abashaloma.

1 Bakalenga 2:7 ပူးပေါင်းရင်းမြစ်များ

Genese 40:14

Pawapingana ku mudimu webe, umvuluke, ungakuile kudi mukalenga wa bena Ejipitu, bua ampatule mu nzubu wa lukanu emu.

2 Samuele 19:28

Kadi malu onsu adi muena mudimu wanyi mukuambile, mmunshiminyine. Nanku, mukalenga, wewe udi bu mutumibue wa Mvidi Mukulu, udi mua kuenza muudi musue.

2 Samuele 9:10

Wewe Siba, bana bebe ne bena mudimu bebe, nudimine Mefibaale madimi, bua kupetaye biakudia. Kadi netuikale tudia ne Mefibaale ku mesa anyi matuku onsu. Siba uvua ne bana ba balume dikumi ne batanu. Uvua ne bena mudimu makumi abidi.

2 Samuele 9:7

Davide kumuambila ne: — Kutshinyi to. Ndi nkuenzela bimpe mu dina dia tatuebe Yonatane. Ndi kupingajila maloba onsu avua a kakuebe Shawule. Newikale udia nanyi ku mesa matuku onsu.

2 Bakalenga 25:29

Kukandikabu Yowakine bua kavuadi kabidi bilamba bia bena lukanu to. Nanku, Yowakine kutuadija kudia ku mesa ne mukalenga wa bena Babilone.

2 Bakalenga 25:30

Dituku dionsu too ne mudi Yowakine ufua, mukalenga wa bena Babilone uvua anu umupesha biakudia bikumbane.

Ezela 2:61

Batuangaji bakuabu kabidi, ndelangananyi ya Obaya, Akose ne Barzilayi, kabawa mua kujadika bimpe muvua bankambua babu to. (Barzilayi uvua ne dina edi, bualu uvua musele muana wa Barzilayi muena Ngilaade).

Nsumuinu 27:10

Kulekedi balunda bebe nansha ba tatuebe. Paudi mu lutatu kuyi kudi muanenu, bualu misangu mikuabu muena mutumba mmupite muanenu udi kule.

Yirmeya 52:33

Uvua mukandike bua Yoyakine kavuadi bilamba bia bena lukanu. Yoyakine uvua udiila mpindiewu anu ku mesa a mukalenga wa bena Babilone.

Luke 12:37

Bena mudimu aba badi ne diakalenga, padi mfumu ubasangana batabale. Ndi nnujadikila bulelela ne: Mfumu neavuale tshilamba tshia mudimu. Neabasombeshe ku mesa, bua kubabanyina biakudia ku muntu ku muntu.