1 Bakalenga 2:5 - MUKANDA WA MYIDI MUKULU

⁵ “Pashishe, uvuluke malu mabi onsu avua Yowabe, muana wa Seruya, mungenzele. Uvua mushipe Abnere, muana wa Nere, mushipe kabidi Amasha, muana wa Yetere, bamfumu babidi balombodi ba bena mvita ba bena Izrayele. Bu muvua Yowabe mushipe bantu aba mu tshikondu tshia ditalala, kabiyi mu matuku a mvita, udi muena tshibawu menemene. Udi ne mashi a bantu aba pambidi, bualu mmushipe dilaya diabu dia bena mvita.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bukuabo kabidi, udi mumanye buakangenzela Yoaba, muana wa Seluya, ne bu muakenzeleye tupitene tubidi tua masalayi a Isalele, Abinê, muana wa Nê, ne Amasa, muana wa Yetê, bakashiheye: nunku wakamatshisha mashi a nvita hatuakadi ne ditalala, wakalaba mashi a nvita ku mukaba wakadi mu tshifuka tshiandi ne ku bisabata biakadi ku makasa andi.

1 Bakalenga 2:5 ပူးပေါင်းရင်းမြစ်များ

2 Samuele 17:25

Absalome uvua mumane kusungula Amasha bua kuikalaye mfumu wa bena mvita, mupingana muaba wa Yowabe. Amasha uvua muana wa Yetere, muena Izrayele. Yetere uvua musele Abigale, muana wa Nakashe, kabidi muanabu wa Seruya, mamuende wa Yowabe.

2 Samuele 18:12

Muena mvita awu, kuandamuna Yowabe ne: — Nansha wewe mumpeshe nkanu mitoke ya mushinga mukole tshinunu, tshiena mua kuenzela muana wa mukalenga bibi to. Tuetu bonsu tuvua bumvua mukalenga Davide ukuambila wewe, Abishayi ne kayi ne: “Ndi nnusengelela, kanuenzedi muananyi Absalome bibi to.”

2 Samuele 18:14

Yowabe kuamba ne: — Tshiena mua kuelangana nebe mpata. Ndi njimija diba dianyi. Yowabe kuambula misongolu mitue isatu, kuya kuyasa Absalome mu tshiadi pa muoyi. Bualu katshia Absalome ukalama mu matamba a mutshi, kavua muanji kufua to, utshivua ne muoyi.

2 Samuele 18:5

Mukalenga Davide kuambila kabidi Yowabe, Abishayi ne Itayi, ne: — Ndi nnusengelela, kanuenzedi muananyi Absalome bibi to. Bena mvita bonsu bavua bumvue pavua Davide welela balombodi mukenji awu.

2 Samuele 2:13

Yowabe, muana wa Seruya, ne bena mvita bavua balame Davide, kutuadijabu kabidi luendu. Bisumbu ebi bibidi bia bena mvita, kusambakena pabuipi ne dijiba dia Ngibone. Kuelabu mualu wa mvita, aba ku luseke, bakuabu ku luseke lua dijiba adi.

2 Samuele 2:18

Bana ba Seruya basatu bavua mu mvita amu, Yowabe, Abishayi ne Ashayele. Ashayele uvua mupepele, unyema lubilu bu nyama wa kabuluku.

2 Samuele 20:10

Amasha kavua mudimuke bua muela uvua Yowabe muangule, mukuate ku tshianza tshia bakaji. Yowabe kutua Amasha muela mu difu. Mala a Amasha kupatuka, kupongoloka panshi, kufuaye. Yowabe kavua ne bua kumutua muela tshiakabidi to. Pashishe, Yowabe ne muanabu Abishayi kutungunuka, kulondakaja Sheba.

2 Samuele 3:27

Bamane kufika ne Abnere ku tshiibi tshia tshimenga, Yowabe kubuela nende mu tshimenga, kuya nende pa nkayende, bu udi musue kumuambila bualu bua musokoku. Muaba awu, Yowabe kutua Abnere muela mu difu. Kumushipaye bua kusombuela lufu lua muanabu Ashayele.

2 Samuele 3:39

Bulelela, meme Davide ndi mukalenga. Kadi lelu ndi ngunwua butekete bua bungi. Bana aba ba Seruya, mbana babi, badi bampite bukole. Nanku Maweja-Nangila nkayende anyoke bantu badi benza bualu ebu.

1 Bakalenga 1:7

Adoniya kutuadija kumyuangana ne Yowabe, muana wa Seruya, mfumu wa bena mvita. Kumvuanganaye kabidi ne mutuangaji Abiyatare. Bonsu babidi kuditua ku tshiende.

1 Bakalenga 2:32

Bualu Abnere, muana wa Nere, mfumu wa bena mvita ba bena Izrayele, ne Amasha, muana wa Yetere, mfumu wa bena mvita ba bena Yuda, bavua bantu ba nsongu bapite Yowabe. Kadi Yowabe uvua mubashipe, tatu wanyi Davide kayi mumanye. Nanku Maweja-Nangila nkayende neasombuele Yowabe bua bantu aba bavuaye mushipe!

Yirmeya 2:34

Badi basangana mashi a bakengi, badi kabayi ne bualu too ne ku nzemba ya bilamba bienu. Nuvua babashipe bua tshinyi? Kanuvua babajikidile batula biibi bia nzubu yenu bua kuiba to. Kadi nansha nuenu benze bionsu abi,

Yirmeya 6:15

Bantu aba kabena banyingalala to. Kabena ne bundu nansha bukese bua buenzavi buabu, kabena nansha bamanye kutonda bubi buabu. Nebabutuke pamue ne bantu bakuabu bonsu. Nebajimine musangu umue ne bonsu bandi nnyoka.

Matayi 3:4

Yowanane uvua uvuala bilamba bia miosa ya nyama wa kamelu, usuika mukaba wa tshiseba mu tshimonu. Uvua udia mpasu ne buitshi bua muitu.

Dielulula 27:24

“Muntu yonsu udi ushipangana mu musokoku, asangane muena tshibawu kuenza anyi?” Bonsu ne: “Enze!”