1 Bakalenga 2:4 - MUKANDA WA MYIDI MUKULU

⁴ Maweja-Nangila neakumbaje bionsu bivuaye mumane kundaya, mungambile ne: “Pikala ndelanganyi yebe mingitabe, mienze mundi musue, nendamate mu bulelela, kabidi ne muoyi mujima, nansha wewe mumane kufua, misangu yonsu muntu wa ku ndelanganyi yebe neashale mukalenga wa bena Izrayele.”

Mukanda wa Nzambi Dihungila Dikulukulu ne Dihungila Dihia-dihia 2003

⁴ bua Yehowa kujadikeye di diandi diakangambileye ne, Bikala bana bebe badimuke mu nshila yabo, benda ku mpala kuanyi mu bulelela ne mitshima yabo yonso ne mioyo yabo yonso, hashishe, wewe kuena uhanga muntu wa kushikama mu nkuasa wa bukelenge wa Isalele tshiendelele.

1 Bakalenga 2:4 ပူးပေါင်းရင်းမြစ်များ

Genese 17:1

Abrame mumane kukumbaja bidimu makumi tshitema ne tshitema, Maweja-Nangila kumumuenekela, umuambila ne: — Ndi Mvidi Mukulu wa bukole buonsu. Witabe diyi dianyi, wikale muntu muakane.

Genese 18:19

Ndi mumusungule bua alongeshe bana bende ne ndelanganyi yende mikenji yanyi, bua babikumbaje bikale bantu bakane. Bobu bakumbaje bionsu ebi, meme Maweja-Nangila nengenzele Abrahame bionsu bindi mumulaye.

2 Samuele 7:25

Nanku Maweja-Nangila Mvidi Mukulu wanyi, ukumbaje biuvua muambe. Bionsu biuvua mumane kundaya meme Davide ne ndelanganyi yanyi, ubikumbaje kashidi.

1 Bakalenga 1:48

utendelela wamba ne: “Ndi ngela Maweja-Nangila Mvidi Mukulu wa bena Izrayele tuasakidila. Yeye ke udi mumpeshe lelu muntu udi mua kumpingana mu bukalenga. Kabidi Maweja-Nangila ke udi mungambuluishe bua meme kumona bionsu ebi.”

1 Bakalenga 11:36

Kadi, nenshile muana wa Shelomu tshisamba tshimue, bua muntu wa ku ndelanganyi ya Davide ikale mu bukalenga kashidi, kumpala kuanyi mu Yerushalayime, tshimenga tshimvua mumane kusungula, bua bantu kuntendelelamu muaba wanyi wa tshijila.

1 Bakalenga 3:14

Wewe muenze malu andi musue, mutumikile meyi anyi ne mikenji yanyi, bu muvua tatuebe wenza, neushale ne muoyi matuku a bungi.

1 Bakalenga 3:3

Shelomu kuleja nuwuaye munange Maweja-Nangila, kukumbajaye bionsu bivua tatuende Davide mumuambile. Nansha Shelomu mene, uvua ulambuila milambu ya nyama, ne ya manananshi, miaba ya tshijila mikuabu ayi.

1 Bakalenga 6:12

— Bu muudi ungibakila nzubu ewu, wewe mukumbaje mikenji yanyi, mukumbaje miaku imvua mukuambile, mutumikile meyi anyi onsu, nenku nenkumbaje dilaya dimvua mulaye tatuebe Davide bualu buebe.

1 Bakalenga 8:23

wamba ne: — Maweja-Nangila Mvidi Mukulu wa bena Izrayele, kakuena Mvidi Mukulu mukuabu bu wewe, nansha mu diulu nansha pa buloba. Wewe udi ukumbaja ndondu uuvua mutue ne bena mudimu bebe. Wewe udi anu mubanange ne muoyi umue, padibu bakuitaba ne muoyi wabu mujima.

1 Bakalenga 8:25

Nanku, mpindiewu Maweja-Nangila Mvidi Mukulu wa bena Izrayele, ukumbaje kabidi malaya makuabu, auvua mulaye tatu wanyi Davide, muntu webe. Uvua mumuambile ne: “Pikala ndelanganyi yebe mingitabe ne muoyi umue bu muuvua wewe muenze, ndi nkujadikila ne: muntu wa ku ndelanganyi yebe neakupingane misangu yonsu mu bukalenga, bua kushala mukalenga wa bena Izrayele!”

1 Bakalenga 9:5

umanye ne: nenjadike bukalenga buebe kashidi munkatshi mua bena Izrayele. Ke mumvua mulaye tatuebe Davide, mumuambile misangu yonsu ne: muntu wa ku ndelanganyi yebe neakupingane mu bukalenga, bua kushalaye mfumu wa bena Izrayele.

2 Bakalenga 20:3

— Eyi! Maweja-Nangila, uvuluke bionsu bimvua ngenza. Mvua mukuitabe ne muoyi mujima. Mvua anu ngenza malu mimpe bua kukusankisha! Pashishe, Izkiya kudila bikole.

2 Bakalenga 23:25

Mu tshikosu, Yoshiya kayi muanji kubuela mu bukalenga, kakuvua mukalenga mukuabu bu muvua Yoshiya to, uvua muitabe Maweja-Nangila muende muonsu, ne muoyi mujima, kabidi ne bukole buende bonsu, anu bu muvua mikenji ya Moshe miambe. Kabidi Yoshiya mumane kufua, kakuvua mukalenga mukuabu bu yeye to.

2 Bakalenga 23:3

Pashishe, mukalenga kuimana pabuipi ne dikunji dia ku nzubu wa Mvidi Mukulu, kutuaye ndondu ne Maweja-Nangila tshiakabidi. Muntu yonsu kuitaba bua kulamata Maweja-Nangila, ne kukumbaja ne muoyi mujima, meyi ende, mikenji yende, ne mikandu yende, ne kuitaba kabidi, bua kukumbaja bionsu bivua mu mukanda wa ndondu. Bantu bonsu kuitaba mua kuenza nanku.

1 Kulondolola 28:9

“Wewe, muananyi, Shelomu, ukebe mua kumanya bimpe Mvidi Mukulu, undi muenzele mudimu. Umutendelele ne muoyi webe mujima, kuyi wabakana, kabidi ne lungenyi luebe luonsu. Bualu Maweja-Nangila udi umona mu mioyi ya bantu, udi kabidi usunguluja meji adibu bela. Paudi umukeba, udi udileja kuudi. Kadi paudi umubenga, udi ukulekela kashidi.

2 Kulondolola 17:3

Maweja-Nangila uvua nende, bualu Yosafate uvua muitabe Maweja-Nangila bu muvua nkambua wende Davide muenze ku ntuadijilu wa bukalenga buende. Kavua uya kudi mvidie Baale bua kumukonka malu to.

2 Kulondolola 6:16

Nanku, Maweja-Nangila Mvidi Mukulu wa bena Izrayele, ukumbaje kabidi malaya makuabu, auvua mulaye tatu wanyi Davide, muntu webe. Uvua mumuambile ne: “Pikala ndelanganyi yebe mingitabe, mienze tshindi musue, bu muuvua wewe muenze, ndi nkujadikila ne: misangu yonsu, muntu wa ku ndelanganyi yebe neakupingane mu bukalenga, bua kushala mukalenga wa bena Izrayele.”

2 Kulondolola 7:18

umanye ne: nenjadike bumfumu buebe kashidi, bilondeshile ndondu umvua mutue ne tatuebe Davide, mumuambile ne: misangu yonsu muntu wa ku ndelanganyi yebe neakupingane mu bukalenga bua bena Izrayele.

Misambu 119:9

Patshidi muntu muana, mmunyi mudiye mua kuikala ne nsombelu muimpe? — Amu padiye ulama tshiudi muambe wewe Maweja-Nangila.

Misambu 37:22

Badi Mvidi Mukulu wela lupemba, nebapete ditunga. Badiye utshipa, nebabutuke.

Misambu 37:9

Benji ba bibi nebabutuke. Kadi badi batekemena kudi Maweja-Nangila, nebapete ditunga.

Misambu 39:1

Musambu wa mu mukanda wa mulombodi wa bena misambu ne wa mu mukanda wa Yedutune. Wa mu mukanda wa misambu ya Davide.

Yirmeya 33:17

Telejayi bualu bukuabu budi Maweja-Nangila utumanyisha: Muntu wa ku ndelanganyi ya mukalenga Davide neashale kashidi mu bukalenga bua Izrayele.

Lewitiki 26:3

“Panudi nuitaba meyi anyi, nutumikila mikenji yanyi, nuyilonda,

Zekâya 14:2

Bualu Maweja-Nangila neasangishe bisamba bionsu bua kuluisha Yerushalayime: nebakuate tshimenga, nebapawule bia mu nzubu yonsu, nebakuate bakaji, bababuelele mu nzubu ku bukole. Tshia bibidi tshia bantu netshiye mu bupika, kadi bakuabu nebashale mu tshimenga.

Matayi 22:37

Yezu kumuandamuna ne: — “Unange Maweja-Nangila Mvidi Mukulu webe ne muoyi webe mujima, ne bukole buebe buonsu, ne lungenyi luebe lujima.”

Luke 1:6

Bonsu babidi bavua bakumbaja bivua Mvidi Mukulu musue, batumikila bimpe menemene mikenji yonsu ne meyi onsu bia Maweja-Nangila.

Dielulula 10:12

Bena Izrayele, tshidi Maweja-Nangila Mvidi Mukulu wenu utekemena kunudi ntshinyi? Mbua numunemeke, numutumikile, mununange, numuenzele mudimu ne muoyi wenu mujima, kabidi ne bukole buenu buonsu.

Dielulula 11:13

Nuenu bakumbaje bimpe mikenji ya Maweja-Nangila Mvidi Mukulu, indi nnuambila lelu eyi, nuenu bamunange, bamuenzele mudimu ne muoyi wenu mujima ne bukole buenu buonsu,

Dielulula 6:5

Nunange Maweja-Nangila Mvidi Mukulu wenu, ne muoyi wenu mujima, ne mutshima wenu onsu, ne bukole buenu buonsu.

Dielulula 7:12

Nuenu bateleje mikenji eyi, bayikumbaje, Maweja-Nangila Mvidi Mukulu wenu, nealame ndondu uvuaye mutue ne bankambua benu, bua nuenu kuikala bena diakalenga.

Yuda 1:24

Mvidi Mukulu udi mua kunulama bimpe, bua kanuponyi mu bubi. Udi mua kunufikisha kabidi, kanuyi kalema, muoyi muwule tente ne musangelu, muaba unudi mua kumona butumbi buende.