1 Bakalenga 2:37 - MUKANDA WA MYIDI MUKULU

³⁷ Ndi nkujadikila patoke ne: wewe mupatuke mu tshimenga, musabuke musulu wa Sedrone, neufue dituku adi. Nanku wewe mupatuke, udi mudikebele lufu nkayebe.

Mukanda wa Nzambi Dihungila Dikulukulu ne Dihungila Dihia-dihia 2003

³⁷ Bualu bua dituku diudi uhatuka usabuka kasulu ka Kidelona, umanye biebe ne, Wewe neufue bulelela: mashi ebe neikale ha mutu hebe.

1 Bakalenga 2:37 ပူးပေါင်းရင်းမြစ်များ

2 Samuele 1:16

Davide kuela muena Amaleke awu lusanzu ne: — Wewe nkayebe udi mudikebele lufu. Udi mumane kudienzela bibi, bualu udi ujadika ne: “Meme ke udi mushipe mukalenga uvua Maweja-Nangila musungule.”

2 Samuele 15:23

Bena mvita bavua anu benda kumpala kua mukalenga Davide. Bena ditunga kudila miadi bikole, kuela mbila. Mukalenga Davide ne bantu bende, kusabuka musulu wa Sedrone, balonda njila wa ku tshipela.

1 Bakalenga 15:13

Asa kukandikaye bantu bua kababikidi kakuende Maaka ne: “Mukalenga muadi,” bualu Maaka uvua mupete meji mabi a kuenza lupingu lua mvidie mukaji Ashera. Asa kutuma diyi bua banyangakaje lupingu alu, baloshile ku muelelu wa musulu wa Sedrone.

1 Bakalenga 2:31

Mukalenga kuandamuna ne: — Mbimpe bitambe! Umushipele muaba awu, bu mudiye muambe amu. Pashishe umujike. Nanku bena nzubu wa tatu wanyi Davide ne meme, katuakuikala kabidi ne tshilumbu, bua kusombuela bantu babidi bavua Yowabe mushipe kabayi bualu.

1 Bakalenga 2:33

Eyowa, Yowabe ne ndelanganyi yende nebashale bena tshibawu kashidi bua bualu ebu. Kadi mukalenga Davide ne ndelanganyi yende, bena nzubu wende bonsu badi bamupingana mu bukalenga, Maweja-Nangila neabape disanka dia kashidi.

1 Bakalenga 2:38

Shimeyi kuitaba ne: — Eyowa, mukalenga wanyi, mbimpe bitambe! Nengenze bionsu biudi muambe. Shimeyi kusomba mu Yerushalayime matuku a bungi.

2 Bakalenga 23:6

Yoshiya kutuma bantu bua bajule dikunji dia mvidie mukaji Ashera, divua mu nzubu wa Mvidi Mukulu. Kumukabu nadi mu Yerushalayime, bua kuya kudioshila mu tshibandabanda tshia Sedrone. Kuoshabu dikunji adi, kudibutula. Butu buadi kubutangalajabu muaba uvua nkita ya bantu bonsu.

2 Kulondolola 29:16

Batuangaji kubuela mu nzubu wa Mvidi Mukulu, bua kujikija mikiya yonsuivua munda mua nzubu amu. Bintu bionsu bivua mu tshibambalu tshinene bivua ne mikiya, batuangaji kubumusha, kubiteka mu lubanza lua ku nzubu awu. Bena Levi kuambula bintu abi, kupatuka nabi mu tshimenga, kuya kubimansha mu tshibandabanda tshia Sedrone.

Yirmeya 31:40

“Tshibandabanda tshijima, muaba udibu bajika bitalu, udibu bela butu bua milambu, netshikale tshianyi meme. Mpata yonsu too ne ku Kedrone, musulu wa muenji mukole, too ne ditunga dia ku tshiibi tshia Nyama ya tubalu, luseke ludi diba dipatukila, neyikale yanyi meme. Kabena mua kunyenga, kabena mua kubutula kabidi tshimenga to.

Yezekiyele 18:13

Udi usombeshangana makuta bua kuvudija biuma biende ne kupeta makasa. Muntu wa nanku udi mua kushala ne muoyi anyi? Nansha kakese! Udi muenze malu mabi onsu aa andi mbenga. Nanku neafue. Yeye nkayende mmudikebele lufu luende.

Lewitiki 20:9

“Muntu yonsu udi utshipa tatuende nansha mamuende, badi ne bua kumushipa. Yeye nkayende ke udi mudikebele lufu, bualu udi utshipa baledi bende.

Yowanane 18:1

Yezu mumane kulomba Mvidi Mukulu nanku, kumukaye ne balongi bende, kuyaye dishiya dia musulu wa Kedrone. Muaba awu uvua lupangu, yeye kubuelamu ne balongi bende.

Yoshua 2:19

Padi muntu upatuka mu nzubu muebe, udi udikebela lufu. Tuetu netuikale babinge. Kadi padibu babunda muntu udi mubuele mu nzubu muebe, tshilumbu tshia muntu awu tshidi pambidi petu.