1 Bakalenga 2:3 - MUKANDA WA MYIDI MUKULU

³ Witabe Maweja-Nangila Mvidi Mukulu webe. Matuku onsu wenze amu tshidiye musue. Utumikile meyi ende ne mikenji yende. Ukumbaje bionsu bidiye wamba, ne bidiye ulongesha. Ukumbaje bionsu bidibu bafunde mu mikenji ya Moshe. Nanku, newikale muena diakalenga mu bionsu biudi wenza.

Mukanda wa Nzambi Dihungila Dikulukulu ne Dihungila Dihia-dihia 2003

³ Utumikile mei a Yehowa, Nzambi webe, bua kuenda mu nshila yandi, ne bua kulamata mikenji yandi ne mei andi onso ne mikandu yandi ne mianda yandi yonso bu mudibi bifunda mu mikanda ya Mose, bua wewe wikale ne diakalengele mu malu onso audi wenza, ne mu nshila yonso ludi wenda;

1 Bakalenga 2:3 ပူးပေါင်းရင်းမြစ်များ

2 Samuele 8:14

Davide kuteka balombodi ba bukalenga buende mu Edome. Bena Edome kushala ku bumfumu bua Davide. Ke mushindu uvua Maweja-Nangila mupeshe Davide bukole bua kutshimuna mvita yonsu nanku.

2 Samuele 8:6

Davide kuteka balombodi ba bukalenga buende mu Siriya. Bena Siriya kushala ku bumfumu bua Davide. Kubalambuishaye bitadi. Ke mushindu uvua Maweja-Nangila mupeshe Davide bukole bua kutshimuna mvita yonsu nanku.

1 Bakalenga 3:3

Shelomu kuleja nuwuaye munange Maweja-Nangila, kukumbajaye bionsu bivua tatuende Davide mumuambile. Nansha Shelomu mene, uvua ulambuila milambu ya nyama, ne ya manananshi, miaba ya tshijila mikuabu ayi.

2 Bakalenga 18:7

Maweja-Nangila uvua wambuluisha Izkiya. Izkiya uvua ne diakalenga mu bionsu bivuaye wenza. Izkiya kutombokela mukalenga wa bena Ashure, kubenga mua kushala ku bumfumu buende.

1 Kulondolola 29:19

Upeshe Shelomu muoyi mukole bua kulama meyi, mikenji ne mikandu biebe, wa kubikumbaja, ne wa kuibaka muaba webe wa tshijila unkadi mumane kulongoluela bintu ebi.

Misambu 119:111

Meyi ebe ke bubanji buanyi bua mushinga mukole bua kashidi, adi asankisha muoyi wanyi.

Misambu 119:138

Paudi muambile bantu meyi ebe, udi uleja buakane buebe ne bulelela buebe bujima.

Misambu 119:2

Bantu badi balonda mikenji yende, bamutumikila ne muoyi wabu mujima, badi ne disanka!

Misambu 19:7

Didi dibanda ku ntuadijilu wa buloba, dibuela ku ndekelu wabu, nkenke yadi itua miaba yonsu.

Muambi 12:13

Kadi nkomenu wa malu onsu atuvua bafunde udi nunku: Muntu yonsu udi ne bua kunemeka Mvidi Mukulu, kutumikila meyi ende.

Lewitiki 8:35

Nushale anu mu mushiku wa ntenta wa kusambakena matuku muanda mutekete a munya ne a butuku, bua kuenza mudimu munufundile kudi Maweja-Nangila, bua kanufu. Ke mikenji ivua Mvidi Mukulu mungambile.

Dielulula 29:8

Nanku nuvuluke ndondu wenu ne Maweja-Nangila, nukumbaje bidi ndondu awu unulomba, bua nuikale bena diakalenga mu bionsu binudi nuenza.

Dielulula 29:9

Nuenu bena Izrayele, lelu nudi bimane bonsu kumpala kua Maweja-Nangila Mvidi Mukulu wenu, pamue ne bamfumu ba midimu mishilangane, bakulu ba ditunga,

Dielulula 4:1

Moshe kuambila kabidi bena Izrayele ne: Nuenu bitabe meyi ne mikenji bindi munulongeshe, nenuikale ne muoyi. Kabidi nenukuate ditunga dia Kenaane, didibu banupesha kudi Maweja-Nangila Mvidi Mukulu wa bankambua benu.

Dielulula 4:45

Kumanyishaye bena Izrayele, bamane kumuka mu Ejipitu, bionsu bivua Maweja-Nangila musue: meyi ne mikandu, kabidi ne mikenji.

Dielulula 4:5

Panuafika mu ditunga dia Kenaane dinukuata, nukumbaje meyi ne mikenji bimvua munulongeshe, bu muvua Maweja-Nangila Mvidi Mukulu wanyi mungambile.

Dielulula 4:8

Ku bisamba bionsu, nansha bidi ne bantu bapite bungi, kakuena tshisamba tshidi ne mikenji mimpe, bu idi mu mukanda wa mikenji undi nnuleja lelu ewu.

Dielulula 5:1

Moshe kubikila bena Izrayele bonsu, kubambila ne: — Bena Izrayele, telejayi meyi ne mikenji, bindi nnuambila lelu. Nubilonge, nubikumbaje.

Yoshua 22:5

Kadi nukumbaje bimpe mikenji yonsu ivua Moshe, muntu wa Maweja-Nangila, munuambile ne: nunange Maweja-Nangila Mvidi Mukulu wenu, nuenze bionsu bidiye musue, nukumbaje mikenji yende. Nuitabe amu Maweja-Nangila, numuenzele mudimu ne muoyi mujima, ne bukole buenu buonsu.

Yoshua 23:6

Kadi mpindiewu, koleshayi muoyi bua kutumikila ne kukumbaja bionsu bidibu bafunde mu mukanda wa mikenji ya Moshe, anu mudibi amu.

1 Samuele 18:14

Nanku, Davide uvua ne diakalenga mu midimu yonsu iwaye wenza, bualu Maweja-Nangila uvua umuambuluisha.

1 Samuele 18:30

Tshikondu atshi, bamfumu ba bena Peleshete kuya mu mvita bua kuluangana ne bena Izrayele. Kadi mu mvita yonsu, Davide uvua upete anu tshipeta tshimpe, tshipite tshia balombodi ba bena mvita ba Shawule bakuabu bonsu. Ke muvuaye mupete lumu lunene kudi bantu.

1 Samuele 18:5

Misangu yonsu, ivua Shawule utuma Davide mu mvita, Davide uvua amu utshimuna. Ke muvua Shawule mumuteke mfumu, mulombodi wa bena mvita bende. Bena mvita bonsu, ne balombodi ba bena mvita ba mukalenga Shawule kusanka bikole bua bualu ebu.