1 Bakalenga 2:27 - MUKANDA WA MYIDI MUKULU

²⁷ Nanku Shelomu kukandika Abiyatare midimu ya butuangaji ivuaye wenzela Maweja-Nangila. Ke muvua bionsu bivua Maweja-Nangila mumane kuamba ku Silo, muaba wa tshijila, bua kunyoka bena nzubu wa mutuangaji munene Eli, bikumbana.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Nunku Solomo wakumusha Ebeyatâ mu buakuidi bua Yehowa, bua kushikisheye dî diakamba Yehowa bua nsubu wa Eli mu Shilo.

1 Bakalenga 2:27 ပူးပေါင်းရင်းမြစ်များ

1 Bakalenga 2:35

Mukalenga Shelomu kupingaja Benaya muaba wa Yowabe, bua ikale mfumu mulombodi wa bena mvita. Kupingajaye kabidi Sadoke, muaba wa Abiyatare bua ikale mutuangaji muaba wa tshijila.

1 Bakalenga 4:4

Benaya, muana wa Yoyada, uvua mfumu mulombodi wa bena mvita. Sadoke ne Abiyatare, batuangaji.

Misambu 78:60

Kushiyaye nzubu wende wa Silo, ntenta uvuaye musombe munkatshi mua bantu.

Matayi 26:56

Kadi bionsu abi mbienzeke bua kukumbaja miaku ya bambi idibu bafunde mu Mikanda ya tshijila. Ke balongi bende bonsu kumushiya, kunyema.

Yowanane 12:38

Ke muvua miaku ya muambi Yeshaya ikumbana ne: “Maweja-Nangila, udi muitabe bituvua bambe nnganyi? Uvua Maweja-Nangila muleje bivuaye musue kuenza nnganyi.”

Yowanane 19:24

Basolayi kuambilangana ne: — Katupandi muntumpu ewu to. Kadi tutshinke bua kumanya ne: udi mua kuwangata nnganyi? Ebi bivua bienzeka bua kukumbaja miaku ivuabu bafunde mu Mukanda wa tshijila ne: “Bavua babanyangana bilamba bianyi, batshinka uvua mua kuangata tshilamba tshianyi.” Ke muvua basolayi benza nanku.

Yowanane 19:28

Malu aa mamane kupita, bu muvua Yezu mumanye ne: mpindiewu bionsu mbimane kukumbana, bua kukumbaja miaku ivuabu bafunde mu Mukanda wa tshijila kuambaye ne: — Ndi ne nyota.

Yoshua 18:1

Bena Izrayele bamane kukuata ditunga, kudisangishabu bonsu mu Silo. Kuasabu ntenta wa kusambakena muaba awu.

1 Samuele 22:20

Anu muntu umue Abiyatare, muana wa mutuangaji Akimeleke, kabidi muikulu wa Akitube, kupandukaye. Kunyemaye, kuya kudi Davide.