1 Bakalenga 2:24 - MUKANDA WA MYIDI MUKULU

²⁴ Maweja-Nangila uvua munjadike mu nkuasa wa bukalenga wa tatu wanyi Davide, mmundaye bukalenga meme ne ndelanganyi yanyi. Bu mudiye ne muoyi, ndi nditshipa ne: Adoniya udi ufua anu lelu!

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Nunku bu mudi Yehowa ne muoyo, wakunjadika, wakunshikika mu nkuasa wa bukelenge wa tatu wanyi Davidi, wakungenzela nsubu wanyi bu muakandayeye, bulelela, Adoniya neafue biandi lelu.

1 Bakalenga 2:24 ပူးပေါင်းရင်းမြစ်များ

2 Samuele 12:10

Nanku biangatshile mpindiewu, kashidi dishipangana kadiena dijika mu nzubu muebe to. Bualu paudi musele mukaji wa Uriya, udi mundembakaje meme.

2 Samuele 7:27

Bualu wewe Maweja-Nangila, muena bukole buonsu, ne Mvidi Mukulu wa bena Izrayele, ke udi mummanyishe meji ebe, a kumpesha ndelanganyi idi mua kumpingana mu bukalenga. Ke pandi mupete dikima dia kukulomba mushindu ewu.

1 Bakalenga 1:29

mukalenga kumuambila uditshipa ne: — Bu mudi Maweja-Nangila ne muoyi, uvua mungambuluishe misangu yonsu imvua munkatshi mua makenga makole,

1 Bakalenga 1:46

Shelomu mmumane kusomba mu nkuasa wa bukalenga.

1 Bakalenga 1:52

Shelomu kuandamuna ne: — Pikala Adoniya wenza malu mimpe, tshiena mua kumuenzela bibi to. Kadi pikalaye ne meji mabi, neafue!

1 Bakalenga 10:9

Maweja-Nangila Mvidi Mukulu webe atumbe. Uvua mukusungule bua wikale mukalenga wa bena Izrayele! Bualu Maweja-Nangila mmunange bena Izrayele kashidi. Ke padiye mukuteke mukalenga wabu bua kubaludika mu njila wa malu mimpe.

1 Kulondolola 17:10

tshikondu tshi-mvua muteke balombodi bua kulama bantu banyi bena Izrayele. Nemfuishe baluishi bebe bonsu bundu. Nanku, ndi nkumanyisha ne: meme Maweja-Nangila, nenkuashile nzubu.

1 Kulondolola 17:17

Kadi wewe, udi mumone ne: bionsu biudi mutuenzele kabiena bianji kukumbana. Nanku, utshidi ulaya malu adi atangila diku dianyi, ndelanganyi yanyi itshivuavua. Udi untangila bu muntu wa mushinga, pabi kabiyi nanku. Maweja-Nangila Mvidi Mukulu wanyi,

1 Kulondolola 17:23

Kadi mpindiewu, Maweja-Nangila, ukumbaje bionsu biuvua muambe. Bionsu biuvua mundaye, meme ne ndelanganyi yanyi, bikumbane diba dionsu.

1 Kulondolola 22:10

Yeye ke wangashila nzubu. Yeye neikale muananyi wa balume, meme nengikale Tatuende. Meme ne-nshindike bukalenga buende mu ditunga dia bena Izrayele.”

1 Kulondolola 29:23

Shelomu kusomba mu nkuasa wa bukalenga wa Maweja-Nangila, kupingana tatuende Davide mu bukalenga. Bena Izrayele bamone ngikadilu yende milenga, bonsu kumuitaba.

Misambu 127:1

Musambu wa bena ngendu udi mu mukanda wa misambu ya Shelomu. Padi Maweja-Nangila kayi muibake nzubu, bibaki badi batata tshianana. Yeye kayi mulame tshimenga, balami badi batshisha tshianana.

Ekesode 1:21

kubapesha bana ba bungi, bualu bavua bamutshina.

Nsumuinu 20:2

Mudibu batshina nyama wa ntambue udi ukungula, ke mudibu ne bua kutshina mukalenga udi mufike munda. Muntu udi ujula tshiji tshia mukalenga udi udikebela njiwu.

1 Samuele 25:28

Bu wewe musue, umfuileku luse. Bualu meme Abiyayile ndi nkujadikila ne: Maweja-Nangila neafile bukalenga mu nzubu muebe kashidi. Bualu wewe udi uluangana mvita mu dina dia Maweja-Nangila. Kabidi kabena mua kukubanda ne bualu bubi nansha bumue, matuku onsu audi ne muoyi.