1 Bakalenga 2:10 - MUKANDA WA MYIDI MUKULU

¹⁰ Mukalenga Davide kufua. Kumujiikabu mu tshimenga tshiende, mu Yerushalayime.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Davidi wakalala tulu ne bankambua bandi, bakamujika mu musoko wa Davidi.

1 Bakalenga 2:10 ပူးပေါင်းရင်းမြစ်များ

2 Samuele 5:7

Kadi Davide kukuata mukuna wa Siyone uvuabu bakolesha ne bimana. Ke pavuabu binyika mukuna wa Siyone awu ne: Tshimenga tshia Davide.

2 Samuele 5:9

Davide kuya kusomba muaba uvuabu bakolesha ne bimana. Kuinyikaye muaba awu ne: “Tshimenga tshia Davide” Pashishe Davide kuibakaye bimana bikuabu, pankatshi pa nzubu wende, ne tshibumba tshia Milo.

2 Samuele 7:12

Pakumbana diba dia lufu luebe, nensungule umue wa ku bana bebe menemene, bua kukupinganaye mu bukalenga. Nemmuambuluishe bua kushindamaye mu bukalenga.

1 Bakalenga 1:21

Wewe kuyi muenze nanku, pawikala mumane kufua, meme Batsheba ne muananyi Shelomu nebatukengeshe bu bena tshibawu.

1 Bakalenga 11:21

Patshivua Adade mu Ejipitu, kumvuaye lumu ne: Davide ne Yowabe, mfumu wa bena mvita bende, mbamane kufua. Adade kuambila mukalenga wa bena Ejipitu ne: — Witabe, mpingane mu ditunga dianyi!

1 Bakalenga 11:43

Shelomu mumane kufua, kumujikabu pabuipi ne muaba uvuabu bajika tatuende, mu Tshimenga tshia Davide. Muanende wa balume Robowame kumupingana mu bukalenga.

1 Bakalenga 14:31

Robowame mumane kufua, kumujiikabu mu lukita lua bena diku diende, luvua mu Tshimenga tshia Davide. Mamuende wa Robowame uvua muena Amone, dina diende Naama. Abiyame, muana wa balume wa Robowame, kumupingana mu bukalenga.

1 Bakalenga 15:24

Yeye mumane kufua, kumujiikabu mu lukita lua bena diku diende, luvua mu Tshimenga tshia Davide. Muanende wa balume Yosafate kumupingana mu bukalenga.

1 Bakalenga 15:8

Yeye mumane kufua, kumujiikabu mu Tshimenga tshia Davide. Muanende wa balume Asa, kumupingana mu bukalenga.

1 Bakalenga 22:51

Yosafate mumane kufua, kumujiikabu mu Tshimenga tshia Davide, mu lukita lua bankambua babu. Muanende wa balume Yorame kumupingana mu bukalenga.

1 Bakalenga 3:1

Mukalenga Shelomu kusela muana wa mukalenga wa bena Ejipitu. Nanku, Shelomu ne mukalenga wa bena Ejipitu kutua ndondu bua mukaji uvua Shelomu musele awu. Shelomu kuya ne mukajende awu mu Yerushalayime mu Tshimenga tshia Davide. Uvua muindile bua bajikije nzubu wende wa bukalenga, nzubu wa Maweja-Nangila, ne bimana bidi binyungulula Yerushalayime.

1 Bakalenga 8:1

Diba adi, mukalenga Shelomu kubikila bakulu ba bena Izrayele bonsu, bamfumu bavua ku mutu kua bisamba, ne bavua ku mutu kua meku a kale onsu. Kufikabu mu Yerushalayime, muaba uvua mukalenga Shelomu, bua kuambula mushete wa ndondu wa Maweja-Nangila uvua mu Tshimenga tshia Davide, tshivuabu kabidi babikila ne: Siyone, ne bua kuya kuuteka mu nzubu wa Mvidi Mukulu.

2 Bakalenga 14:20

Pashishe, kutekabu tshitalu tshiende mu ditempu, kupingana natshi mu Yerushalayime. Ditempu adi, bavua badikoka kudi nyama ya tubalu. Kujikabu Amashiya mu lukita lua bankambua bende, luvua mu Tshimenga tshia Davide.

2 Bakalenga 15:38

Yotame mumane kufua, kumujiikabu mu lukita lua bena diku diabu, luvua mu Tshimenga tshia Davide. Muanende wa balume Akaze kumupingana mu bukalenga.

2 Bakalenga 16:20

Akaze mumane kufua, kumujiikabu mu lukita lua bena diku diabu luvua mu Tshimenga tshia Davide. Pashishe, muanende wa balume Izkiya kumupingana mu bukalenga.

2 Bakalenga 8:24

Yorame mumane kufua, kumujikabu mu lukita lua bena diku diabu luvua mu Tshimenga tshia Davide. Muanende wa balume Akaziya kumupingana mu bukalenga.

2 Bakalenga 9:28

Bena mudimu ba Akaziya kuambula tshitalu tshiende mu ditempu diende kuya natshi mu Yerushalayime. Kutshijiikabu mu lukita lua bena diku diabu, luvua mu Tshimenga tshia Davide.

1 Kulondolola 11:7

Davide kuya kusomba mu tshimenga tshibaka ne bimana bikolesha. Ke padibu batshinyika ne: “Tshimenga tshia Davide.”

1 Kulondolola 29:28

Davide kufua mumane kukulakaja bikole. Uvua ne biuma kabidi ne lumu lupite. Muanende Shelomu kumupingana mu bukalenga.

2 Kulondolola 24:16

Kumujikabu mu nkita ya bena diku dia bukalenga, mu Tshimenga tshia Davide. Bualu uvua muenzele bena Izrayele malu mimpe. Uvua munemeke kabidi Mvidi Mukulu ne nzubu wende.

2 Kulondolola 9:31

Shelomu mumane kufua, kumujikabu pabuipi ne muaba uvuabu bajike tatuende mu Tshimenga tshia Davide. Nanku muanende wa balume Robowame kumupingana ku bukalenga.

Bienzedi 13:36

Mu tshikondu tshiende, Davide mmukumbaje bivua Mvidi Mukulu musue. Pashishe kufuaye. Kumujikabu pabuipi ne bankambua bende, kubolaye.

Bienzedi 2:29

Bana betu, ndi mua kunuambila bualu bua nkambua wetu Davide patoke too: ukadi mufue. Bakamujika. Lukita luende ludi munkatshi muetu emu ne lelu.