1 Bakalenga 19:9 - MUKANDA WA MYIDI MUKULU

⁹ Eliya mumane kufika ku mukuna wa Sinayi, kubuelaye mu lubuebue, kulalamu. Ke Maweja-Nangila kumukonka ne: — Eliya, muaba ewu udi wenza tshinyi?

Mukanda wa Nzambi Dihungila Dikulukulu ne Dihungila Dihia-dihia 2003

⁹ Wakabuela mu nyongolo, wakalalamu; dî dia Yehowa diakalua kudiye, diakamukonka ne, Eliya, udi wenza tshinyi kunoko?

1 Bakalenga 19:9 ပူးပေါင်းရင်းမြစ်များ

Genese 16:8

Awu kumukonka ne: — Agare, mupika wa Sarayi, udi ufuma penyi? Uyaya kuepi? Agare kuandamuna ne: — Ndi nnyema Sarayi, mfumuanyi wa mudimu.

Genese 3:9

Maweja-Nangila Mvidi Mukulu kubikila mulume, kumukonka ne: — Udi penyi?

1 Bakalenga 19:13

Anu muambi Eliya umvua tshiona atshi, kudibuikilaye tshinkutu tshiende. Kupatukaye mu lubuebue, kuimana mu mbelu. Kumvuaye kabidi diyi dimukonka ne: — Eliya, muaba ewu udi wenza tshinyi?

Yirmeya 2:18

Mpindiewu, nudi nuya kuenza tshinyi mu Ejipitu? Nudi nuya kunua mayi a musulu wa Nile anyi? Nudi nuya kudi bena Ashure bua tshinyi? Bua kunua mayi a mu musulu wa Perate anyi?

Yirmeya 9:2

Maweja-Nangila udi wamba ne: “Ndimi ya bantu aba idi anu minana bu buta, miaku yabu ke mikete ya kudinga nayi bantu. Badi ne bukole mu ditunga edi, ki mbua malu malelela adibu bamba to, kadi anu bua dishima didibu bashima bantu. Badi benza malu mabi misangu ne misangu. Kadi kabena bammanye meme to.

Yona 4:5

Yona kusunuka mu tshimenga, kuya kusomba luseke ludi diba dipatukila luatshi. Kuasaye kazubu kakese ka kuikishila, bua kubandila bionsu bivua mua kuenzeka mu tshimenga.

Ebrewu 11:38

Buloba kabuvua buakanyine bantu abu! Bavua bendakana mu bipeta ne mu mikuna, basomba mu mbuebue ne mu mena mu buloba.