1 Bakalenga 19:4 - MUKANDA WA MYIDI MUKULU

⁴ Pashishe, kuendaye mu tshipela dituku dijima. Kuyaye kusomba muinshi mua mutshi wa ngenete, ujinga mua kufua, wamba ne: — Maweja-Nangila, mpindiewu biantondi! Unshipe, bualu meme tshiena mupite bankambua banyi to.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Kadi yeye nkayandi wakaya luendu lua dituku dimue mu tshihela, wakashikama hanshi muinshi mua mutshi wa genêt; wakalomba Nzambi bua kufueye, wamba ne, Kuakushika mpindiu, Yehowa angate muoyo wanyi, bualu bua meme tshiena muhite batatu banyi buakane.

1 Bakalenga 19:4 ပူးပေါင်းရင်းမြစ်များ

1 Bakalenga 13:14

Kulondaye njila uvua muambi mukuabu muyile. Kupetaye muambi awu, bualu uvua muikishe muinshi mua mutshi munene. Kumukonkaye ne: — Wewe ke muambi uvua mufume ku ditunga dia bena Yuda anyi? Muambi kuitaba ne: — Eyowa! Mmeme.

1 Bakalenga 19:3

Muambi Eliya kumvua bowa, kunyema ne muena mudimu wende bua kushala ne muoyi. Kuyaye ku Bersheba mu ditunga dia bena Yuda. Kushiyaye muena mudimu wende mu ditunga adi.

1 Bakalenga 19:5

Ke muambi Eliya kulala tulu panshi, muinshi mua mutshi wa ngenete awu. Kadi, mutumibue wa Mvidi Mukulu kufika, kumubisha, umuambila ne: — Juka, udie!

2 Bakalenga 2:11

Patshivuabu benda bayukila, kumonabu ditempu diela ndimi ya kapia. Nyama ya tubalu ivua ikoka ditempu adi, ivua yela kabidi ndimi ya kapia. Nanku, ditempu adi ne nyama ya tubalu, kupita pankatshi pa Eliya ne Elisha bua kubapandulula. Diakamue, tshipepela tshia mvunde kuambula Eliya mulu.

Yobe 6:8

Mvidi Mukulu kena umpesha, tshindi ndomba bua tshinyi? Ankumbajile tshindi njinga.

Yobe 6:9

Mbimpe Mvidi Mukulu anzaze, alekele kundama, ambutule.

Yirmeya 20:9

Pandi ngamba ne: “Tshiena musue kuvuluka kabidi Mvidi Mukulu to. Tshiena musue kuakula kabidi mu dina diende”, diba adi munda muanyi, muaku webe udi bu kapia kadi katema. Ndi ngenza muanyi muonsu bua kukajima munda muanyi, kadi tshiena ne mushindu to.

Amosa 6:2

Nuanji kuya ku Kalne, numone bivua bienzekaku. Pashishe nupitshile ku tshimenga tshinene tshia Amate. Nutungunuke too ne ku Ngate, tshimenga tshia bena Peleshete. Nenujadike ne: kanuena nupita makalenga aa nansha, nansha buloba buawu buikale bushadile ku buenu.

Yona 4:3

Maweja-Nangila, mpindiewu ndi nkusengelela ne: ungumushe panu. Bualu mbimpe meme kufua pamutu pa kushala ne muoyi.

Yona 4:8

Diba dimane kubanda, Mvidi Mukulu kutuma lupepele lua luya, lufumine ku luseke ludi diba dipatukila. Kupulalu mutshi awu. Munya mukole kuosha Yona mu mutu. Kusuaye kufua tshipuka. Nanku Yona kujinga lufu, wamba ne: “Mbimpe meme kufua pa mutu pa kushala ne muoyi.”

Nahume 3:8

Ninive udi mupite tshimenga tshia Tebe ku mushinga anyi? Bavua batshiase ku muelelu wa musulu wa Nile, mayi matshiele munkatshi, atshilama bimpe, bu mudi tshimana tshilama tshimenga.

Dibadika 11:15

Paudi musue kunkengesha nanku, mbimpe unshipe. Ke muudi mua kumfuila luse, tshiyi mmona kabidi dikenga dindi nadi edi to!

Matayi 6:26

Tangilayi nyunyi idi ibuka mulu. Kayena ikuna biakudia, kayena inowa, kayena nansha iteka biakudia mu mayeba. Kadi Tatu wenu udi mu diulu udi uyidisha! Nuenu bantu, kanuena bapite nyunyi anyi?

Yowanane 4:6

Mu musoku awu muvua tshiina tshia mayi tshia Yakobe. Yezu uvua mupungile ne luendu. Kusombaye ku muelelu wa tshiina etshi. Diba dikavua bu pa dikumi ne ibidi ya munda munya.

Rome 3:9

Kadi bualu ebu budi bishi? Tuetu bena Yuda tudi bapite bantu bakuabu anyi? Nansha kakese! Nkadi mumane kumvuija ne: bantu bonsu, ne bena Yuda, ne bantu ba bisamba bikuabu, badi ku bumfumu bua bubi.