1 Bakalenga 19:20 - MUKANDA WA MYIDI MUKULU

²⁰ Ke Elisha kushiya ngombe ivuaye nayi, kuya lubilu kudi muambi Eliya, umuambila ne: — Ndi nkulomba ne: nye kulayangana ne tatu wanyi ne mamu wanyi, pashishe nenkulonde. Muambi Eliya kuambila Elisha ne: — Udi mua kupingana ku mudimu webe. Ndi mukuebeje bualu anyi?

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Yeye wakalekela ngombe yandi, wakalonda Eliya lubilu, wakamba ne, Ndi nkusengelela ne, Witabushe bua meme kuya kusangana ne tatu wanyi ne mamu wanyi mishiku, hashishe nenkulonde. Yeye wakamuambila ne, Hingana kabidi, nakukuenzela tshinyi?

1 Bakalenga 19:20 ပူးပေါင်းရင်းမြစ်များ

Genese 31:28

Kuvua nansha musue bua meme kulayangana ne bana banyi ba bakaji, kabidi ne bikulu banyi? Udi muenze anu bu muntu mutatakane.

Matayi 19:27

Ke Petro kuebeja Yezu ne: — Mona, tuetu tudi bashiye bionsu bua kukulonda. Kadi tshituapeta ntshinyi?

Matayi 4:20

Diakamue kushiyabu makondu abu, kuyabu nende.

Matayi 4:22

Diakamue kushiyabu buatu, kabidi ne tatuabu, kuyabu ne Yezu.

Matayi 9:9

Yezu kumuka muaba awu, kumona muntu musombe ku nzubu kuvuabu balambuila bitadi. Dina dia muntu awu mMatayi. Yezu kumuambila ne: — Undonde! Nanku Matayi kujuka, kumulonda.

Bienzedi 20:37

Bonsu kudila miadi, kupukila Polu, bamutua mishiku bua kulayangana nende.