1 Bakalenga 19:2 - MUKANDA WA MYIDI MUKULU

² Ke Yezabele kutuma muntu bua kumanyisha muambi Eliya ne: “Malaba pa diba ditudi edi, meme tshiyi mukushipe, bu muudi mushipe bambi ba Baale, mvidie innyoke ne dinyoka dikole!”

Mukanda wa Nzambi Dihungila Dikulukulu ne Dihungila Dihia-dihia 2003

² Hashishe Izebele wakatuma mukenji kudi Eliya ne, Nzambi yonso bambe kungenzela malu mabi onso binahanga kuvuisha muoyo webe bu muoyo wa umue wabo makelela ha diba edi.

1 Bakalenga 19:2 ပူးပေါင်းရင်းမြစ်များ

2 Samuele 19:13

Nuenu nudi bana babu ne mukalenga Davide menemene. Nanku, kanuikadi ba ndekelu bua kumupingaja to.”

2 Samuele 3:9

Maweja-Nangila annyoke bikole, pangikala tshiyi ngenzela Davide bionsu bivua Maweja-Nangila mumulaye.

1 Bakalenga 2:23

Ke Shelomu kuditshipa kumpala kua Maweja-Nangila, wamba ne: — Maweja-Nangila neannyoke ne dinyoka dikole, pangikala tshiyi mushipeshe Adoniya, bua dikamakama didiye nadi dia kulomba bualu bua mushindu ewu!

1 Bakalenga 2:28

Yowabe mumane kumvua bionsu bivua bienzekela Adoniya ne Abiyatare, kunyemaye. Kuyaye kusokoma mu ntenta wa Maweja-Nangila, pabuipi ne tshilambuilu. Bangabanga, Yowabe kavua muditue ku tshia Absalome nansha. Kadi mpindiewu kumvuanganaye ne Adoniya.

1 Bakalenga 20:10

Ke mukalenga Benadade kutumina mukalenga Akabe diyi musangu muisatu, umuambila ne: “Meme mushiye mu Samariya lupuishi lukumbane ludibu mua kuambula kudi bantu bandi nabu, mvidie yonsu innyoke ne dinyoka dikole.”

2 Bakalenga 19:22

Uuvua upenda nnganyi? Uuvua ujana ne dikamakama nnganyi? Wewe mutshimbakane, uuvua utangila, kuyi ne kanemu, nnganyi? Uvua unsendeka mmeme Mvidi Mukulu, wa tshijila wa Izrayele!

2 Bakalenga 6:31

Mukalenga kuela diyi ne: — Dilolu edi, pangikala tshiyi mukose mutu wa Elisha, muana wa Shafate, Mvidi Mukulu annyoke ne dinyoka dikole.

Ekesode 10:28

Mukalenga awu kuipata Moshe wamba ne: — Umuka! Kuena mua kufika kabidi apa to. Dituku diwafika kabidi apa, udi ufua!

Ekesode 15:9

Bena lukuna betu kuamba ne: “Netubalonde, tubapete. Nebabanyangane bintu biabu, netubidie tuukute. Netutule muele wa mvita, tubabunde bonsu.”

Nsumuinu 27:1

Kuditambishi bua malu adi mua kuenzeka malaba, bualu kuena mumanye tshidi mua kuenzeka lelu.

Yirmeya 20:10

Ndi ngunwua bantu ba bungi bangamba bibi. Badi banginyika dina: “Luzakalu miaba yonsu.” Banga badi bamba ne: “Mufundayi ku tshilumbu.” Bakuabu badi bamba ne: “Eyowa, tumufunde patoke.” Balunda banyi ba pa muoyi mene, badi bantentekela, bua kumanya ne: neatupakane anyi? Badi bamba ne: “Yeye muambe bibi, tudi mua kumukuata, kudisombuela kudiye.”

Yirmeya 26:21

Mukalenga Yoyakime, bena mvita bende bonsu, ne balombodi bende ba mu bukalenga, kumvuabu malu onsu avua Uriya muambe. Nanku, mukalenga kukeba bua kumushipesha. Kadi muambi Uriya kumanya bualu. Bu muvuaye ne bowa kunyemenaye mu Ejipitu.

Danyele 3:15

Nenumvue kabidi mpindiewu bela mpungi, nshiba, nzenze, lunkombe, ne biombelu bikuabu bionsu. Nanku mpindiewu nenuiname panshi, nukukuile lupingu lundi muenzeje anyi? Kadi binuabenga kulukukuila, diakamue badi banuela mu tshikutu tshidi ne kapia kakole. Diba adi, mvidie kaayi udi mua kunusungidila kundi?

Rute 1:17

Kuwafuila nenkufute panyi, nkuanjikabu kabidi. Meme tshiyi muenze nanku, kayanda kanyi, Maweja-Nangila angangate.