1 Bakalenga 19:17 - MUKANDA WA MYIDI MUKULU

¹⁷ Bantu bikale bapanduka mu mvita ya Azayele, Yehu neabashipe. Bantu bikale bapanduka mu mvita ya Yehu, Elisha neabashipe.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Hashishe muntu udi uhanduka ku muele wa nvita wa Hazaele, Yehu neamushihe; muntu udi uhanduka ku muele wa nvita wa Yehu, Elisha neamushihe.

1 Bakalenga 19:17 ပူးပေါင်းရင်းမြစ်များ

2 Bakalenga 10:32

Tshikondu atshi, Maweja-Nangila kutuadija kukepesha buloba bua bena Izrayele. Kuanyishaye bua Azayele, mukalenga wa bena Siriya, atshimune bena Izrayele mu ditunga diabu dijima.

2 Bakalenga 12:17

Makuta avua bantu bakuabu bafila bua mulambu wa kukobolola, kabavua baela mu mushete to. Bavua baangata kudi batuangaji.

2 Bakalenga 13:22

Azayele, mukalenga wa bena Siriya, uvua mukengeshe bena Izrayele bikole, matuku onsu avua Yowakaze mu bukalenga.

2 Bakalenga 13:3

Nanku, Maweja-Nangila kufikila bena Izrayele munda. Kubafilaye mu bianza bia Azayele, mukalenga wa bena Siriya, ne mu bianza bia Benadade, muana wa Azayele, matuku onsu avua bantu abu mu bukalenga.

2 Bakalenga 8:12

Azayele kumukonka ne: — Muambi udi udila bua tshinyi? Muambi Elisha kuandamuna ne: — Ndi ndila bualu nkadi mumanye ne: neukengeshe bena Izrayele bikole. Newoshe bimenga biabu bidi bibaka ne bimana bikole. Neukose nsongalume yonsu muminu, uzaza bana bakese, upanda mafu a bakaji badi bimite.

2 Bakalenga 8:8

kuambilaye Azayele ne: — Angata tshintu tshia disanka, uye kupesha muambi Elisha. Pashishe umuambile bua akonke Maweja-Nangila bua disama dindi nadi edi ne didi mua kujika.

2 Bakalenga 9:14

Tshikondu atshi, bena mvita bonsu ba bena Izrayele bavua balame tshimenga tshia Ramote tshivua mu ditunga dia Ngilaade, bua Azayele, mukalenga wa bena Siriya, kabuedimu to. Kadi, pavua mukalenga Yorame uluisha Azayele, bena Siriya kumutapa mputa. Nanku, mukalenga Yorame kuya kudiondapisha mputa ayi, mu tshimenga tshia Yizreyele. Kushalaye mu bulalu muaba awu. Kadi muikulu wa Nimshi, dina diende Yehu, muana wa Yosafate, kuelela Yorame tshifufu. Yehu kuambila bena mvita bakuabu ne: — Panuikala ku luseke luanyi, nudimuke. Muntu kena mua kumuka mu tshimenga bua kuya kuambila bena mu Yizreyele bidi bienzeka muaba ewu to.

2 Bakalenga 9:2

Pawafika, umonangane ne muikulu wa Nimshi, dina diende Yehu, muana wa Yosafate. Umubikile, umuke nende munkatshi mua bana babu, uye nende mu tshibambalu tshikuabu.

2 Bakalenga 9:20

Mutentekedi kuambila mukalenga Yorame ne: — Muntu muibidi uudi mutume, mmumane kufika kudi bantu abu. Kadi kena upingana kuneku to. Kadi ndi mumone ne: udi uvua awu ke Yehu muikulu wa Nimshi. Ndi mumumanye bualu udi wendesha ditempu bu muntu mupale.

2 Bakalenga 9:24

Yehu kuambula buta buende bua miketa, kuasa Yorame muketa pankatshi pa makaya, kubuelawu ne ku muoyi wa munda, kusompoka. Yorame kudishadila mu ditempu diende, kufua.

2 Bakalenga 9:25

Ke Yehu kuambila Bidkare, muambuluishe wende wa mu mvita ne: — Ambula tshitalu tshia Yorame, utshimanshe mu budimi bua Nabote, muena Yizreyele. Bualu dituku dituvua nende babidi, tuya ne mukalenga Akabe ne bantu bakuabu benda bendesha matempu, uvuluke muvua Maweja-Nangila mulaye mukalenga Akabe, tatuende wa Yorame ne:

Yeshaya 11:4

Nealumbuluile bantu badibu bapetula. Neakose tshilumbu tshia bapele ba mu ditunga amu pa tshiotshi. Meji ende adi bu mutshi wa kutekesha nawu bantu ba mu ditunga. Udi ukosa nsambu, ushipesha muena tshibawu.

Yirmeya 1:10

Tangila, lelu ndi nkupa mudimu wa kuenza munkatshi mua bisamba ne makalenga, wa kujuula ne miji, ne wa kushimbula, wa kubutula, ne wa kunyangakaja, kadi kabidi wa kuasulula ne kukuna.

Yirmeya 48:44

Muntu udi unyema mvita, bua bowa, neadishinde mu dijimba. Udi upatuka mu dijimba, nebamukuate mu bukondu. Ke dikenga dindi mulongoluele ditunga dia Mowabe, pangafika bua kudinyoka.

Yezekiyele 15:7

Nembakengeshe. Bavua bela meji ne: tukadi bamane kupanduka ku kamue kapia. Kadi kapia kakuabu nekababutule. Nanku nenumanye ne: meme ndi Maweja-Nangila, bualu nembanyoke.

Osheya 6:5

Ke pandi nnuluisha, nnutumina bambi bua banubele. Ndi nnumanyisha ne: nenubutuke. Tshindi njinga bualu buenu, tshidi patoke too bu munya.

Amosa 2:14

Nansha muntu ne lubilu lukole, muaba wa kunyemena, kakuufika. Nansha tshilobu mene katshiakupeta bukole. Bena mvita ba bukitu kabakudisungidila ku lufu.

Amosa 5:19

Nebikale bu muntu udi unyema nyama wa ntambue, usangila ne nyama mukuabu wa lonji lukole. Udi ubuela mu nzubu, weyamina ku tshimana ne tshianza, ke nyoka kumusuma!

Didimanyisha 19:21

Kushipabu biluilu biabu ku muele uvua upatuka mukana mua uvua mubande pa kabalu. Nyunyi yonsu kudiayi minyinyi yabi.