1 Bakalenga 19:12 - MUKANDA WA MYIDI MUKULU

¹² Buloba bumane kuzakala, kapia kumueneka. Kadi, Maweja-Nangila kavua mu kapia aku to. Kapia kamane kujika, tshiona tshia lupepela luteketa kumwikatshi.

Mukanda wa Nzambi Dihungila Dikulukulu ne Dihungila Dihia-dihia 2003

¹² Ku nyima kua kukanka kua buloba, kahia kakadiku; kadi Yehowa mene kakadi mu kahia. Ku nyima kua kahia dî dikese ditekete diakunvuika.

1 Bakalenga 19:12 ပူးပေါင်းရင်းမြစ်များ

Genese 15:17

Butuku bumane kuila, midima kuenzeka. Tshikutu tshia kapia ne ndimi yaku kupitabi pankatshi pa bitupa bia nyama bivua Abrame mupande abi.

1 Bakalenga 18:38

Maweja-Nangila kutuma kapia, kuoshaku mulambu, nkunyi, mabue ne buloba. Kukamishaku mayi onsu avua mu mikidi.

2 Bakalenga 1:10

Eliya kuandamuna ne: — Bu mundi muambi wa Mvidi Mukulu, ndi ndomba bua kapia kafume mu diulu kanubutule: wewe ne bantu makumi atanu banudi nabu! Diakamue, kapia kufuma mu diulu, kubutula mulombodi wa bena mvita, ne bantu makumi atanu bavuaye nabu.

2 Bakalenga 2:11

Patshivuabu benda bayukila, kumonabu ditempu diela ndimi ya kapia. Nyama ya tubalu ivua ikoka ditempu adi, ivua yela kabidi ndimi ya kapia. Nanku, ditempu adi ne nyama ya tubalu, kupita pankatshi pa Eliya ne Elisha bua kubapandulula. Diakamue, tshipepela tshia mvunde kuambula Eliya mulu.

Yobe 33:7

Kuzakadi kumpala kuanyi nansha. Kuedi meji ne: ndi musue kukuzaza to.

Yobe 4:16

Meme kumona tshintu bu muntu, tshimana muaba awu, tshivua mua kutshijingulula bimpe nansha. Meme kumvua diyi ditekete diamba ne:

Ekesode 3:2

Muaba awu, mutumibue wa Mvidi Mukulu kumuenekela Moshe mu ndimi ya kapia munkatshi mua tshipuka. Moshe kumona muvua tshipuka tshitema kapia katshiyi tshipia tshibutuka.

Ekesode 34:6

Pashishe, kupitaye kumpala kua Moshe wamba kabidi ne: “Ndi Maweja-Nangila Mvidi Mukulu wa luse ne dinanga, ndi ne lutulu luvule, ndi nkumbaja bionsu bindi ndaya bantu, tshiena mfika munda lukasa.

Bienzedi 2:2

Bu mpindiewu tshiona tshikole kufuma mu diulu, bu tshipepele tshikole tshituuta. Kumvui-katshi mu nzubu mujima uvuabu basombe.

Dielulula 4:15

Kadi, nutambe kuvuluka bualu ebu: Dituku divua Maweja-Nangila wakula nenu ku mukuna wa Sinayi, munkatshi mua kapia, kanuvua bamumone to.

Dielulula 4:33

Ku bisamba bikuabu bionsu, kudi tshisamba tshidi ne mvidie, wakula natshi munkatshi mua kapia, bu mudi Maweja-Nangila wakula nenu, nuenu kushala ne muoyi anyi?

Ebrewu 12:29

Bualu Mvidi Mukulu wetu udi kapia kadi kubutula.