1 Bakalenga 18:43 - MUKANDA WA MYIDI MUKULU

⁴³ Pashishe, kuambilaye muena mudimu wende ne: — Uye kutangila luseke lua ku mayi manene. Muena mudimu kuya kutangila. Upingana, kuambilaye muambi Eliya ne: — Kakuena tshintu to. Muambi Eliya, kumutuma misangu muanda mutekete bua kutangila.

Mukanda wa Nzambi Dihungila Dikulukulu ne Dihungila Dihia-dihia 2003

⁴³ Wakambila muntu wandi ne, Ya, utangile ku luseke lua ku mai manene. Wakaya, wakatangila, wakamba ne, Kakuena tshintu. Yeye wakamba ne, Ya kabidi misangu muanda mutekete.

1 Bakalenga 18:43 ပူးပေါင်းရင်းမြစ်များ

Genese 32:26

Muluishi awu umo na ne: Yakobe mmumpite bukole, kutuutaye Yakobe ku tshikundukundu, kutshikoyobola.

1 Bakalenga 18:42

Akabe kuya, kudia, kunua. Muambi Eliya kuya ku lusongu lua mukuna wa Karmele. Kuinamayemu panshi bikole, mutue mpala pankatshi pa binu biende.

1 Bakalenga 18:44

Kadi, musangu wa muanda mutekete, muena mudimu kumuambila ne: — Divuba dikese didi dibanda pa mayi manene, kadiena dipite tshianza ku bunene to. Ke muambi Eliya kuambila muena mudimu ne: — Uye kuambila Akabe, asuike nyama yende ya tubalu ku matempu apueke, mvula kayi muanji kumupumbisha.

2 Bakalenga 4:35

Elisha kujuka, kuenda mu nzubu awu, utua eku ne eku. Pashishe kulalaye kabidi pambidi pa muana. Muana kuela nyashi misangu muanda mutekete, kutabalaye.

Misambu 5:3

Mukalenga wanyi, Mvidi Mukulu wanyi, teleja ne ntema pandi nkubikila. Wewe ke undi ndomba.

Abakuke 2:3

Bindi nkuleja, kabiena bienzeka mpindiewu. Kadi nebikumbane pa tshikondu tshiabi. Nansha kabiyi bienzeka lukasa, indila ne lutulu, mutekemene. Bindi nkumanyisha nebienzeke, kamuyi mpata, kabiyi nansha binenga.

Luke 18:1

Pashishe bua kulongesha balongi bende mudibu ne bua kutendelela diba dionsu, kabayi batekesha mu maboku, Yezu kubelela lusumuinu ne:

Luke 18:7

Kadi Mvidi Mukulu kakukosa nsambu ya bena diende badi bamubila munya ne butuku pa yoyi anyi? Kakubambuluisha pa lukasa anyi?

Efeze 6:18

Kanupu muoyi bua kutendelela Mvidi Mukulu. Nulombe bua anuambuluishe. Tendelelayi diba dionsu mudi Mueyelu wa Tshijila unusaka. Tabalayi, lombelayi bantu bonsu ba Mvidi Mukulu, kanuyi nulekela.

Yoshua 6:4

Batuangaji muanda mutekete nebadianjidile kumpala kua mushete wa tshijila. Mutuangaji yonsu neikale ne mpungi. Kadi dituku dia muanda mutekete, nenunyungulule tshimenga misangu muanda mutekete. Batuangaji nebikale benda bela mpungi.