1 Bakalenga 18:40 - MUKANDA WA MYIDI MUKULU

⁴⁰ Muambi Eliya kubambila ne: — Kuatayi bambi ba Baale. Muntu nansha umue wa kudibu kanyemi to. Kukuatabu bambi ba Baale bonsu. Muambi Eliya kupueka nabu ku muelelu wa musulu wa Kishone, kubakosaye mitu.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁰ Eliya wakabambila ne, Kuatai baprofete ba Bâla, nansha umue wabo kanyemi. Bakabakuata; Eliya wakaya nʼabo ku kasulu ha Kishona, wakabashihelaku.

1 Bakalenga 18:40 ပူးပေါင်းရင်းမြစ်များ

1 Bakalenga 18:41

Ke muambi Eliya kuambila Akabe ne: — Uye, udie, unue, bualu ndi mumvue mvula ukungula.

1 Bakalenga 19:1

Mukalenga Akabe kuambila mukajende Yezabele bionsu bivua muambi Eliya muenze, ne muvuaye mushipe bambi ba Baale buonsu.

2 Bakalenga 11:18

Diba adi, bantu bonsu kuya mu nzubu wa Baale. Kupulabu nzubu awu, kunyangakaja bilambuilu ne mpingu ivuamu. Kushipabu Matane, mutuangaji wa Baale, kumpala kua bilambuilu. Pashishe, mutuangaji Yoyada kuteka bantu bua kulama bimpe nzubu wa Maweja-Nangila.

2 Kulondolola 23:15

Kuyabu ne Atalya luseke lua ku nzubu wa bukalenga. Bafike nende ku tshiibi tshia nyama ya Tubalu, kumushipabu.

2 Kulondolola 23:17

Nanku, kuyabu mu nzubu wa Baale. Kupulabu nzubu awu. Kunyangakajabu bilambuilu ne mpingu bivuamu. Kushipabu Matane, mutuangaji wa mvidie Baale, kumpala kua tshilambuilu.

Ekesode 22:20

“Kanutatshishi muenyi, kanumukengeshi. Bualu nuenu nuvua benyi mu ditunga dia Ejipitu.

Yirmeya 48:10

Maweja-Nangila atshipe bantu, badi benza mudimu wende ne lulengu, babenga bua muele wende kaushipi bantu.

Dielulula 13:5

Nutendelele amu Maweja-Nangila Mvidi Mukulu wenu. Numunemeke, nutumikile mikenji yende, numulamate, numuenzele mudimu.

Dielulula 13:6

Muambi yonsu, nansha muntu udi Mvidi Mukulu uleja malu, padiye unumusha kudi Maweja-Nangila Mvidi Mukulu wenu, uvua munupatule ku bupika mu Ejipitu, numushipe. Bualu uvua musue kunumusha mu njila uvua Maweja-Nangila Mvidi Mukulu wenu munuambile bua kulonda. Nanku numushe bubi buonsu munkatshi muenu.

Dielulula 18:20

Kadi pikala muambi wakula ne dikamakama mu dina dianyi meme Maweja-Nangila, wamba malu andi tshiyi mumuambile, nansha pikalaye wamba malu mu dina dia mvidie mikuabu, muambi awu neafue.”

Didimanyisha 19:20

Kukuatabu nyama, pamue ne muambi wa dishima uvua muenze malu a dikema, nyama mutangile. (Uvua mudinge ne malu a dikema awu bavuabu batue tshitampi tshia nyama, bakukuile tshimfuanyi tshiende.) Bavua bela nyama ne muambi wa dishima, batshikale ne muoyi, mu mayi manene avua atema kapia ka mvuanda.

Didimanyisha 20:10

Diba adi, nebele diabolu uvua mubadinge mu mayi manene avua atema kapia ka mvuanda. mukavuabu bamane kuela nyama ne muambi wa dishima. Nebabakengeshe muaba awu munya ne butuku kashidi.

Balombodi 4:13

Kusangishaye matempu ende a mvita a biamu nkama tshitema, ne bantu bende bonsu ku Aroshete-Ngoyime. Kumukabu muaba awu, bua kuya ku musulu wa Kishone.

Balombodi 4:7

Nensonsole Sisra, mfumu wa tshiluilu tshia Yabine, bua kuyaye ku musulu wa Kishone. Muaba awu neakuluishe ne matempu a mvita, kabidi ne bena mvita bende mene. Kadi nemmufile mu bianza biebe.”

Balombodi 5:21

Musulu udi upueka bidimu ne bidimu, musulu wa Kishone, kubutula baluishi. Tuyayi mu mvita ne dikima!