1 Bakalenga 18:4 - MUKANDA WA MYIDI MUKULU

⁴ Pavua mukalenga mukaji Yezabele mushipeshe bambi ba Maweja-Nangila, Obadya uvua mupandishe bambi lukama, mubasokoke mu mbuebue: emu makumi atanu, emu makumi atanu. Mu mbuebue amu, Obadya uvua ubabadila biakudia ne mayi a kunua.

Mukanda wa Nzambi Dihungila Dikulukulu ne Dihungila Dihia-dihia 2003

⁴ bualu bua hakakeba Izebele kushiha baprofete ba Yehowa, Obadaya wakangata lukama lua baprofete, wakasokoka makumi atanu mu nyongolo makumi atanu mu nyongolo, wakabadisha bidia, wakabanuisha mai.

1 Bakalenga 18:4 ပူးပေါင်းရင်းမြစ်များ

1 Bakalenga 13:16

Awu kubenga, wamba ne: — Tshiena mua kupingana nebe mu njila ewu kabidi to. Mu tshimenga atshi, tshiena mua kudia, tshiena mua kunua nebe.

1 Bakalenga 17:11

Mukaji kuya bua kumuangatshila mayi. Kadi, muambi Eliya kumubikila kabidi, umuambila ne: — Untuadileku ne tshipese tshia diampa.

1 Bakalenga 18:13

Mukalenga wanyi Eliya, kabena bakuambila tshimvua muenze pavua mukalenga mukaji Yezabele ushipesha bambi ba Maweja-Nangila anyi? Kabena bakuambila mumvua musokoke bambi lukama mu mbuebue: emu makumi atanu, emu makumi atanu, mbapesha biakudia ne mayi a kunua anyi?

1 Bakalenga 18:5

Mukalenga Akabe kuambila Obadya ne: — Ufike, tuye mu ditunga dijima, bendakane ku mpokolu ya mayi yonsu ne ku misulu yonsu, ne tudi mua kupeta bisosa bia kudisha nyama ya tubalu ne mpunde. Nanku, katuakuikala ne tshilumbu tshia kushipa nyama yetu to.

2 Bakalenga 6:32

Diba adi, muambi Elisha uvua wenza tshisangilu ku nzubu kuende ne bakulu ba mu tshimenga. Nanku mukalenga Yorame wa bena Izrayele kutuma muntu kudi Elisha. Kadi muntu awu kayi muanji kufika, Elisha kuambila bakulu abu ne: — Monayi bualu bua dikema! Mukalenga Yorame, mushipianganyi ewu, udi utuma muntu bua kunkosa mutu. Nudimuke, muntu awu yeye mufike, nuinjile tshiibi bua kabuedi to. Tukadi tunwua mene mukalenga Yorame pende ulonda muntu awu panyima.

2 Bakalenga 9:7

Wewe neushipe ndelanganyi ya Akabe, mfumuebe wa kale. Ndi ngenza nanku bua kusombuela bua bena mudimu banyi bonsu, bambi ne bantu bakuabu, bavua Yezabele mushipeshe.

Nehemya 9:26

Kadi bavua ne tshishiku. Nanku bobu kukutombokela, kubenga diyi diebe, kushipa bambi bebe, bavua bababela bua bapingane kuudi. Ke muvuabu bakuenzela bibi, bakupenda misangu ne misangu.

Yeshaya 16:3

Bena Mowabe nebambe bena Yerushalayime ne: “Shindikayi diyi, nutuleje tshia kuenza. Nutulame munda munya, bu mudi butuku busokoka bintu mu miidima. Sokokayi bantu badibu bipata, kababamonyi kudi muntu.

Yirmeya 26:24

Kadi Ayikame, muana wa Shafane, ke uvua mulame muambi Yirmeya bimpe. Nanku bualu bua Ayikame, bantu kabavua mua kukuata Yirmeya kumushipa to.

Yirmeya 36:19

Ke balombodi ba mu bukalenga kuambila Baruke ne: — Nuenu bonsu babidi, Yirmeya ne wewe Baruke, nuye kusokoma. Muntu nansha umue kamanyi muaba unudi.

Matayi 21:35

Kadi bantu abu kukuata bena mudimu bende abu, kukuma umue, kushipa mukuabu, muisatu kumuasabu mabue.

Matayi 25:35

Bualu mvua ne nzala, nuenu kumpesha tshiakudia. Mvua ne nyota, nuenu kumpesha tshiakunua. Mvua muenyi, nuenu kumbueja mu nzubu muenu.

Matayi 25:40

Mukalenga neabandamune ne: “Ndi nnujadikila bulelela ne: bilenga bionsu binuvua benzele umue wa ku bana betu bakese aba, ke meme unuvua babienzele.”

Ebrewu 11:38

Buloba kabuvua buakanyine bantu abu! Bavua bendakana mu bipeta ne mu mikuna, basomba mu mbuebue ne mu mena mu buloba.