1 Bakalenga 18:38 - MUKANDA WA MYIDI MUKULU

³⁸ Maweja-Nangila kutuma kapia, kuoshaku mulambu, nkunyi, mabue ne buloba. Kukamishaku mayi onsu avua mu mikidi.

Mukanda wa Nzambi Dihungila Dikulukulu ne Dihungila Dihia-dihia 2003

³⁸ Hashishe kahia ka Yehowa kakahona hanshi, kakosha mulambu ne nkunyi ne mabue ne dinfuenkenya ne kakakamisha mai akadi mu mutuhu.

1 Bakalenga 18:38 ပူးပေါင်းရင်းမြစ်များ

Genese 15:17

Butuku bumane kuila, midima kuenzeka. Tshikutu tshia kapia ne ndimi yaku kupitabi pankatshi pa bitupa bia nyama bivua Abrame mupande abi.

1 Bakalenga 18:24

Bambi ba Baale nebalombe mvidie wabu, meme nendombe Maweja-Nangila. Nanku, Mvidi Mukulu witaba ku malomba, watemesha kapia, asangane Mvidi Mukulu mulelela kuenza anyi? Bantu bonsu ne: — Enzee.

1 Bakalenga 18:35

Mayi kuwula mukidi tente, kupuekawu anyunguluka tshilambuilu.

1 Bakalenga 18:37

Maweja-Nangila, ungitabe. Ungitabe, bua bantu bamanye ne: wewe Maweja-Nangila ke Mvidi Mukulu mulelela. Nanku, bena Izrayele nebakuitabe kabidi, bu muvuabu bakuitabe kale.

2 Bakalenga 1:12

Eliya kuandamuna ne: — Bu mundi muambi wa Mvidi Mukulu, ndi ndomba bua kapia kafume mu diulu kanubutule: wewe ne bantu makumi atanu banudi nabu! Diakamue, Mvidi Mukulu kupuekesha kapia. Kubutulaku mulombodi wa bena mvita ne bantu makumi atanu bavuaye nabu.

1 Kulondolola 21:26

Davide kuashila Maweja-Nangila tshilambuilu muaba awu. Kuambulaye Maweja-Nangila milambu ya kuosha ne ya bobumue. Pashishe kutuadijaye kutendelela Maweja-Nangila. Maweja-Nangila kuteleja Davide, kumutumina kapia. Kuoshaku milambu ivua pa tshilambuilu.

2 Kulondolola 7:1

Shelomu mumane kujikija ditendelela Maweja-Nangila, kapia kufuma mu diulu, kuosha milambu ya kuosha, ne ya bobumue. Butumbi bua Maweja-Nangila kuwula mu nzubu wa Mvidi Mukulu.

Yobe 1:16

Muntu awu utshivua wakula, muena mudimu mukuabu kufika kabidi bua kumanyisha ne: “Nkuba mmushipe mikoku ne bena mudimu bebe, mmubioshe bionsu. Amu meme nkayanyi ke udi munyeme bua kukumanyisha bualu ebu.”

Yeshaya 31:9

Bilobu nebinyeme mvita, bua bowa bukole budibu bakuatshika. Balombodi ba bena mvita nebatekete mu maboku, nebanyeme, bashiya dibendele diabu. Maweja-Nangila ke udi wamba nanku. Ke yeye udibu batendelela pa mukuna wa Siyone. Kapia kende kadi katemena ku Yerushalayime.

Lewitiki 10:1

Nadabe ne Abiku bavua bana ba balume ba Arone. Yonsu wa kudibu kuangata tshiamu tshiende tshia musenga wa kamonya, kuelamu makala a kapia, kabidi ne manananshi bua kulambula Maweja-Nangila. Kadi kapia kakavua ka tshijila, kakavua mushindu uvua Maweja-Nangila mubambile to.

Lewitiki 10:2

Diakamue kapia kufuma kudi Maweja-Nangila, kubosha, kubashidisha muaba awu.

Lewitiki 9:24

Diakamue kapia kufuma kudi Maweja-Nangila, kutema, kuosha milambu ya kuosha yonsu, ne mafuta a ku milambu mikuabu bivua pa tshilambuilu. Bantu bonsu bamone nanku, kuelabu tunkunduluila. Pashishe kudielabu mpala panshi.

Didimanyisha 13:13

Nyama muibidi ewu uvua wenza malu manene a kukema. Uvua upuekesha kapia ka mu diulu pa buloba, bantu bonsu batangile.

Balombodi 6:21

Pashishe mutumibue kuolola tshianza tshivua ne dikombu, kutuaye lusongu lua dikombu pa munyinyi ne mampa. Kapia kulakuka mu lubuebue, kuosha munyinyi ne mampa. Pashishe mutumibue awu kujimina.