1 Bakalenga 18:36 - MUKANDA WA MYIDI MUKULU

³⁶ Dilolu, diba dia kulambula Maweja-Nangila dikumbane, muambi Eliya kusemena pabuipi ne tshilambuilu, kuamba ne: — Maweja-Nangila Mvidi Mukulu wa Abrahame, wa Izake ne wa Yakobe, lelu uleje bantu ne: udi Mvidi Mukulu wabena Izrayele, bajadike kabidi ne: meme ndi muntu webe, bionsu bindi ngenza ebi, ndi mbienza anu ku diyi diebe.

Mukanda wa Nzambi Dihungila Dikulukulu ne Dihungila Dihia-dihia 2003

³⁶ Hakafika diba dia dilolo diakafilabo milambu ya kuosha, Eliya muprofete wakasemena ha buihi, wakamba ne, Yehowa, Nzambi wa Abalahama ne wa Isaka ne wa Isalele, bantu bamanye ne, Wewe udi Nzambi wa mu Isalele, ne meme muntu webe nakuenza malu â onso anu ku dî diebe.

1 Bakalenga 18:36 ပူးပေါင်းရင်းမြစ်များ

Genese 26:24

Butuku abu Maweja-Nangila kumumuenekela, umuambila ne: — Kutshinyi! Ndi Mvidi Mukulu wa tatuebe Abrahame. Ndi nebe. Nenkuele lupemba. Nemvudije ndelanganyi yebe, bualu mvua munange muntu wanyi Abrahame.

Genese 28:13

Kumonaye kabidi Maweja-Nangila muimane kumpala kuende, umuambila ne: — Yakobe, ndi Maweja-Nangila, Mvidi Mukulu wa kakuebe Abrahame, kabidi Mvidi Mukulu wa Izake. Ndi nkulaya ne: “Nenkupeshe, wewe ne ndelanganyi yebe, buloba buudi mulale ebu.”

Genese 31:53

Mvidi Mukulu wa Abrahame ne wa Nahore akose nsambu yetu nebe. Pashishe Yakobe kuditshipa mu dina dia Mvidi Mukulu uvua mukuatshisha tatuende Izake bowa.

Genese 32:9

Kuelaye meji ne: “Pikala Esawu mua kubunda tshisumbu tshimue mvita, tshikuabu netshimunyeme.”

Genese 46:3

Mvidi Mukulu kumuambila ne: — Meme ndi Mvidi Mukulu wa tatuebe Izake. Kutshinyi bua kuya ku Ejipitu to. Nemvudije ndelanganyi yebe mu ditunga dia Ejipitu.

2 Samuele 7:26

Nanku newikale ne lumu kashidi. Bantu nebambe ne: “Mvidi Mukulu wa bena Izrayele, ke Maweja-Nangila wa bukole buonsu!” Ujadike ndelanganyi yanyi mu bukalenga.

1 Bakalenga 18:21

Eliya kusemena kumpala kua bena Izrayele bonsu, ubakonka ne: — Nenulekele kutendelela bakalenga babidi, dikasa mu mayi, dikuabu ku mukuna, diba kaayi? Padi Maweja-Nangila muikale Mvidi Mukulu bulelela, nutendelele Maweja-Nangila! Kadi, padi Baale muikale Mvidi Mukulu bulelela, nutendelele Baale! Muntu nansha umue kena muandamune to.

1 Bakalenga 18:29

Diba dia munda munya dimane kupita, kubikilabu kabidi mvidie Baale bikole, bamutendakena too ne ku dilolu diba didibu balambula. Kadi, mvidie Baale kena mubandamune diyi nansha dimue: kena mubambile bualu, kena mubaleje nansha tshimanyinu to.

1 Bakalenga 18:35

Mayi kuwula mukidi tente, kupuekawu anyunguluka tshilambuilu.

1 Bakalenga 18:37

Maweja-Nangila, ungitabe. Ungitabe, bua bantu bamanye ne: wewe Maweja-Nangila ke Mvidi Mukulu mulelela. Nanku, bena Izrayele nebakuitabe kabidi, bu muvuabu bakuitabe kale.

1 Bakalenga 20:13

Ke muambi kampande kuya kudi Akabe, mukalenga wa bena Izrayele, umuambila ne: — Maweja-Nangila udi wamba ne: “Udi mumone musumba munene wa bena mvita! Ndi mbafila mu bianza biebe anu lelu, bua wewe kumanya ne: meme ndi Maweja-Nangila.”

1 Bakalenga 20:28

Muambi wa Mvidi Mukulu kuya kabidi kudi Akabe, mukalenga wabena Izrayele, umuambila ne: — Maweja-Nangila udi wamba ne: “Bu mudi bena Siriya bamba ne: meme Maweja-Nangila ndi anu Mvidi Mukulu wa ku mikuna, tshiena wa mu mpata, ndi mfila bena mvita babu bonsu mu bianza biebe, bua wewe kumanya ne: meme ndi Maweja-Nangila.”

1 Bakalenga 22:28

Mika kuandamuna ne: — Wewe mupingane katakata, nanku Maweja-Nangila kena muambe bualu mukana muanyi to.

1 Bakalenga 8:43

wewe Maweja-Nangila, mu diulu muudi usomba, wikale muteleje. Umupeshe tshintu tshidiye ukulomba. Nanku, bantu ba bisamba bionsu bia pa buloba nebakumanye, nebalonge mua kukunemeka, bu mudi bantu bebe bena Izrayele bakunemeka. Kabidi nebajadike ne: nzubu ewu undi muibake, nguebe wewe bulelela.

2 Bakalenga 1:10

Eliya kuandamuna ne: — Bu mundi muambi wa Mvidi Mukulu, ndi ndomba bua kapia kafume mu diulu kanubutule: wewe ne bantu makumi atanu banudi nabu! Diakamue, kapia kufuma mu diulu, kubutula mulombodi wa bena mvita, ne bantu makumi atanu bavuaye nabu.

2 Bakalenga 1:3

Kadi, mutumibue wa Maweja-Nangila kuya kuambila muambi Eliya, muena Tishebe, ne: — Juka uye kusambakena ne bantu badi mukalenga Akaziya wa mu Samariya mutume, ubakonke ne: “Mu ditunga dia bena Izrayele kamuena Mvidi Mukulu anyi? Nudi nuya kukonka anu mvidie Baale Zebube, udi mu Ekrone bua tshinyi?”

2 Bakalenga 1:6

Kuandamunabu ne: — Tudi basambakene ne muntu mukuabu, mutupingaje bua tuetu kukuambila ne: “Maweja-Nangila udi wamba ne: Mu ditunga dia Izrayele, kamuena Mvidi Mukulu anyi? Udi utuma bantu bua kukonka anu mvidie Baale Zebube udi mu Ekrone bua tshinyi? Bu muudi muenze nanku, kuena ujuka mu bulalu buudi mulale ebu to! Neufue!”

2 Bakalenga 19:19

Kadi wewe, Maweja-Nangila Mvidi Mukulu wetu, mpindiewu, utusungidile mu bianza bia Senakeribe. Nanku, mu makalenga onsu a pa buloba, nebamanye ne: anu wewe Maweja-Nangila ke Mvidi Mukulu.”

2 Bakalenga 20:11

Muambi Yeshaya kutendelela Maweja-Nangila. Maweja-Nangila kupingaja mundidimbi panyima pa bidiatshilu dikumi, bia tshibandilu tshivua mukalenga Akaze muase.

2 Bakalenga 5:15

Diakamue, Namane ne bonsu bavuaye nabu kupingana ku nzubu kua muambi Elisha. Namane kuimana kumpala kua muambi, kumuambila ne: — Mpindiewu ndi mumanye ne: pa buloba bujima kakuena Mvidi Mukulu mukuabu to, anu wa bena Izrayele. Nanku ndi nkusengelela: wangate mulambu undi nkupesha ewu.

2 Bakalenga 5:8

Muambi Elisha umvua ne: mukalenga wa bena Izrayele mmudipande bilamba, kumutuminaye muntu bua kumukonka ne: — Udi upampakana, udipanda bilamba bua tshinyi? Muntu awu afike ku nzubu kuanyi, bua ujaddike ne: mu ditunga dia bena Izrayele mudi muambi bulelela.

1 Kulondolola 29:18

Maweja-Nangila, Mvidi Mukulu wa bankambua betu, Abrahame, Izake ne Yakobe, anyisha bua bantu bebe balame muoyi wa mushindu ewu munda muabu matuku onsu, batume meji abu kuudi kashidi.

2 Kulondolola 30:6

Bantu bava Izkiya mutume abu, kuendakanabu mu buloba bua bena Izrayele ne bua bena Yuda. Mikanda ivuabu nayi ayi, bavua bayitua tshiala kudi mukalenga Izkiya ne bakulu ba mu ditunga diende. Bilondeshile bulongolodi bua mukalenga Izkiya, bantu abu bavua bamba ne: — Nuenu bena Izrayele bavua bapanduke ku mvita ya bena Ashure, pinganayi kudi Maweja-Nangila Mvidi Mukulu wa Abrahame, wa Izake ne wa Yakobe. Diba adi, Yeye neapingane kunudi.

Misambu 141:2

Dilomba dianyi dibande kuudi, bu muinshi wa kamonya, dilomba dianyi dikale bu mulambu wa dilolu.

Misambu 83:18

Bundu ne bowa bibakuate tshiendelele, ditekemena diabu dijimine, bafue menemene.

Ekesode 3:6

Meme ndi Mvidi Mukulu wa bankambua bebe: wa Abrahame, wa Izake ne wa Yakobe. Moshe kubuikila mpala, bualu uvua utshina bua kutangila Mvidi Mukulu.

Ekesode 4:5

Maweja-Nangila kuambila Moshe ne: — Enza tshishima etshi bua bena Izrayele bitabe, bajadike ne: meme Mvidi Mukulu wa bankambua babu, wa Abrahame, wa Izake ne wa Yakobe, ndi mukumuenekele.

Yeshaya 37:20

Kadi wewe, Maweja-Nangila Mvidi Mukulu wetu, utusungidile mpindiewu mu bianza bia Senakeribe. Nankumu makalenga onsu a pa buloba, nebamanye ne: amu wewe Maweja-Nangila nkayebe ke udi Mvidi Mukulu.”

Yezekiyele 36:23

Nansha nuenu bamane kumpepeja kumpala kuabu, nembaleje mundi Maweja-Nangila Mvidi Mukulu munene ne wa tshijila. Nebamanye ne: ndi wa tshijila padibu bamona bindi nnuenzela. Meme Maweja-Nangila Mvidi Mukulu, ndi njadika nanku.

Yezekiyele 39:7

Nenkuate mudimu bua bantu banyi bena Izrayele bamanye mundi wa tshijila. Tshiena musue buabampeje kabidi to. Bisamba bikuabu nebimanye kabidi ne: meme ndi Maweja-Nangila Mvidi Mukulu wa tshijila wa bena Izrayele.

Danyele 12:11

Kubangila ku diba didibu bumbusha mulambu wa buatshia buatshia wa kuoshela Mvidi Mukulu, ne ku diba didibu bateka “Bualu bubi butambe” pa tshioshelu, matuku neapite tshinunu ne nkama ibidi ne makumi tshitema.

Danyele 8:13

“Pashishe meme kumona mutumibue wa Mvidi Mukulu wakula. Mutumibue mukuabu kumukonka ne: ‘Malu adibu baleja aa neanenge matuku bungi munyi? Mulambu wa kuosha wa buatshia buatshia nebaubenge matuku bungi munyi? Bubi budi bubutula bintu bionsu nebushale kashidi anyi? Muaba wa tshijila ne bia mu diulu, nebabidiatakaje ku makasa too ne ku diba kaayi?’

Danyele 9:21

Pantshiwa ntendelela nanku, Ngabriyele, mutumibue wa Mvidi Mukulu, umvua mumone kumpala, diba diwa Mvidi Mukulu mundeje malu, kusemena pabuipi nanyi ne lukasa luonsu, diba didibu balambula mulambu wa dilolu.

Matayi 22:32

“Meme ndi Mvidi Mukulu wa Abrahame, Mvidi Mukulu wa Izake, ne Mvidi Mukulu wa Yakobe.” Nanku Mvidi Mukulu udi Mvidi Mukulu wa bantu badi ne muoyi, ki ngwa bafue to.

Yowanane 11:42

Ndi mumanye ne: udi unteleja misangu yonsu. Kadi ndi ngamba nanku, bua bantu badi bannyungulukila bitabe ne: wewe ke uvua muntume.

Bienzedi 10:30

Korneliyuse kuandamuna ne: — Kukadi matuku asatu, mvua ntendelela ku nzubu kuanyi, pa diba edi dia isatu wa dilolu. Meme kumona muntu umueneka diakamue kumpala kuanyi, muvuale tshilamba tshibalakana.

Bienzedi 3:1

Dituku dikuabu Petro ne Yowanane bavua babuela mu nzubu wa Mvidi Mukulu diba dia kutendelela dia isatu wa dilolu.

Efeze 1:17

Ndi ndomba kudi Mvidi Mukulu wa Mfumu wetu Yezu Kristu, Tatu wa butumbi, bua anupe Mueyelu wende. Wowu neunuenze bantu ba meji, unumanyishe Mvidi Mukulu, bua numujingulule bimpe.

Efeze 3:14

Ke pandi ntuila Mvidi Mukulu Tatu binu.