1 Bakalenga 18:32 - MUKANDA WA MYIDI MUKULU

³² Nanku, muambi Eliya kuibakulula tshilambuilu tshia Maweja-Nangila ne mabue awu. Kuimbaye mukidi munyungulule tshilambuilu tshionsu. Mukidi awu uvua mukumbane mua kuelamu mayi litre makumi asatu.

Mukanda wa Nzambi Dihungila Dikulukulu ne Dihungila Dihia-dihia 2003

³² Yeye wakenza tshioshelu ne mabue au mu dina dia Yehowa; wakumbula mutuhu munyunguluke tshioshelu, wakamanya mua kûla tente ne bihiminu bihidi bia ntete.

1 Bakalenga 18:32 ပူးပေါင်းရင်းမြစ်များ

Genese 12:7

Maweja-Nangila kumuenekela kabidi Abrame, umuambila ne: “Ditunga edi nendipeshe ndelanganyi yebe.” Abrame kuashila Maweja-Nangila tshilambuilu muaba mene uvua Maweja-Nangila mumumuenekele.

1 Bakalenga 18:33

Muambi Eliya kulongolola nkunyi, kuyiteka pa tshilambuilu. Kusayaye ngombe, kuteka munyinyi pa nkunyi apu.

1 Bakalenga 18:35

Mayi kuwula mukidi tente, kupuekawu anyunguluka tshilambuilu.

1 Korente 10:31

Ke mundi ngamba ne: nansha nudia, nansha nunua, nansha nuenza bualu bukuabu, nuenze bionsu bua kutumbisha Mvidi Mukulu.

Kolose 3:17

Bionsu binudi nuenza, nansha binudi nuamba, nubikumbaje mu dina dia Yezu Kristu. Nuele amu kuela Mvidi Mukulu tuasakidila kudiye.

Balombodi 21:4

Butshia dinda, bena Izrayele kuasa tshilambuilu muaba awu. Kulambulabu milambu ya kuosha, ne ya bobumue.

Balombodi 6:24

Ngideyone kuenzela Maweja-Nangila tshilambuilu muaba awu, kutshinyikaye ne: “Maweja-Nangila udi ufila ditalala.” Mpindiewu tshilambuilu atshi tshitshidi mu Ofra, musoku wa mu diku dia Abiyezere.

Balombodi 6:26

Ku lusongu lua mukuna ewu, washilaku Maweja-Nangila Mvidi Mukulu webe tshilambuilu tshienza bimpe. Wangata ngombe mulume, umulambule bu mulambu wa kuosha. Kadi kapia kaudi osha naku mulambu awu, kikale ka nkunyi ya ku dikunji dia kutendelela mvidie diuvua muupule.

1 Samuele 7:17

Pashishe, Samuwele uvua upingana kuende ku Rama, muaba uvuaye ulumbuluisha bena Izrayele. Muaba awu, uvua muashila Maweja-Nangila tshilambuilu.

1 Samuele 7:9

Samuwele kuangata muana wa mukoku, kuulambula Maweja-Nangila, kuoshaye mujima. Pashishe kulombaye Maweja-Nangila bua afuile bena Izrayele luse. Maweja-Nangila kuitaba dilomba adi.