1 Bakalenga 18:30 - MUKANDA WA MYIDI MUKULU

³⁰ Ke muambi Eliya kubikila bena Izrayele bonsu bua basemene pabuipi nende. Bena Izrayele bamane kusemena, muambi Eliya kutuadija kulongolola tshilambuilu tshia Maweja-Nangila tshivua tshinyanguke.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Eliya wakambila bantu bonso ne, Nusemene ha buihi nʼanyi; bantu bonso bakasemena ha buihi nʼandi. Yeye wakalongolola tshioshelu tshia Yehowa tshiakadi tshitonkodibua hanshi.

1 Bakalenga 18:30 ပူးပေါင်းရင်းမြစ်များ

1 Bakalenga 19:10

Eliya kuandamuna ne: — Maweja-Nangila Mvidi Mukulu wa bukole buonsu, ndi mukunange bikole. Nanku tshitshiena musue kumona bionsu bidi bena Izrayele benza to. Bualu bena Izrayele mbanyangakaje ndondu webe, mbupule bilambuilu biebe, mbashipe bambi bebe. Ndi mushale anu meme nkayanyi. Kadi badi bakeba kunshipa ne meme!

1 Bakalenga 19:14

Kuandamunaye ne: — Maweja-Nangila Mvidi Mukulu wa bukole buonsu, ndi mukunange bikole. Kadi tshiena musue kumona bionsu bidi bena Izrayele benza to. Bualu bena Izrayele mbanyangakaje ndondu webe, mbupule bilambuilu biebe, mbashipe bambi bebe. Ndi mushale anu meme nkayanyi. Kadi, badi bakeba kunshipa ne meme.

2 Kulondolola 33:16

Uvua mulongolole tshilambuilu tshia Maweja-Nangila, mulambule milambu ya bobumue ne ya ditumbisha Maweja-Nangila. Uvua mutumine bena Yuda diyi bua batendelele Maweja-Nangila Mvidi Mukulu wa bena Izrayele.

Rome 11:3

uvua wamba ne: “Maweja-Nangila, bena Izrayele mbashipe bambi bebe, bashimbule kabidi bilambuilu biebe. Meme nkayanyi ndi mushale ne muoyi. Kadi badi bakeba kunshipa.”