1 Bakalenga 18:3 - MUKANDA WA MYIDI MUKULU

³ Akabe uvua mubikile Obadya, mulombodi wa nzubu wa bukalenga. Obadya uvua muitabe Maweja-Nangila muende muonsu.

Mukanda wa Nzambi Dihungila Dikulukulu ne Dihungila Dihia-dihia 2003

³ Ahaba wakabikila Obadaya, wakadi ku mutu kua nsubu wandi. Obadaya wakatamba kutshina Yehowa bikole,

1 Bakalenga 18:3 ပူးပေါင်းရင်းမြစ်များ

Genese 22:12

Maweja-Nangila kumukandika ne: — Kulengi muana, kumuenzedi bibi. Mpindiewu ngajadiki ne: udi untshina meme Mvidi Mukulu, bualu kuena mumpale muanebe umuepele umvua mukupeshe.

Genese 24:10

Muena mudimu awu kuangata tumelu dikumi tua mfumuende ne bionsu bivuaye mumone ne mbilenga. Bavua benda batangile mu tshimenga muvua Nahore musombe mu tshitupa tshia ku mutu kua misulu mu ditunga dia Mezopotamiya.

Genese 24:2

Dituku dikuabu Abrahame kuambila muena mudimu mukulumpe wa ku bena mudimu bende ne: — Kuata muinshi mua tshibelu tshianyi,

Genese 39:9

Mu nzubu emu katshiena utangila tshintu nansha tshimue. Tudi nende ne bumfumu bua mushindu umue ku bintu bionsu, pa kukumusha wewe, bualu udi mukajende. Nanku tshiena mua kuenzela Mvidi Mukulu bibi, kubunda tshibawu bunene nunku!

Genese 41:40

Wewe ne wikale mulombodi munene wa mu bukalenga buanyi. Bantu banyi bonsu nebitabe mikenji yebe. Meme nenkupite amu ku bumfumu buanyi.

Genese 42:18

Dituku disatu, Yozefe kubambila ne: — Meme ndi nnemeka Mvidi Mukulu. Nanku bua nuenu kuikala ne muoyi, nuitabe tshindi nnuambila.

1 Bakalenga 16:9

Zimri, mulombodi wa bena mvita ba Ela, uvua ulombola tshia bibidi tshimue tshia bena mvita bavua ne matempu a mvita, kuelelaye Ela tshifufu tshibi. Pavua mukalenga Ela mu tshimenga tshia Tirsa, unua maluvu, kukuatshikaye mu nzubu mua Arsa, mulombodi wa nzubu wa bukalenga,

1 Bakalenga 18:12

Kadi, patuikala bashiyangana nebe, Mueyelu wa Maweja-Nangila neuye nebe muaba mukuabu undi tshiyi mumanye. Pangikala mumane kuambila Akabe ne: muambi Eliya wafiki, pikalabu kabayi bakumona, nebanshipe! Meme Obadya ndi ngitaba Maweja-Nangila muanyi muonsu, biangatshile ku buana buanyi.

1 Bakalenga 18:2

Muambi Eliya kuya kumonangana ne mukalenga Akabe. Mu tshimenga tshia Samariya tshiyole tshia nzala tshivua tshipite bukole.

2 Bakalenga 4:1

Mukaji mukuabu uvua mufuishe bayende. Bayende awu uvua wa mu tshisumbu tshia bambi. Mukaji awu kuya kudi Elisha, umusengelela bua kumuambuluisha, wamba ne: — Elisha, udi mumanye ne: bayanyi mmumane kufua. Kadi, muntu uvua mutusombeshe makuta, mmufike bua kuangata bana banyi babidi, bua bashale bapika bende.

Nehemya 5:15

Kadi bamfumu bavua balombodi kumpala kuanyi, bavua batatshisha bantu, balomba biakudia ku bukole, maluvua mvinyo, ne nkanu mitoke ya mushinga mukole mipite pa makumi anayi. Nansha bambuluishi ba balombodi ba buloba, bavua anu batatshisha bantu. Kadi meme kubenga kashidi bua kuenza nanku, bualu mvua ntshina Mvidi Mukulu.

Nehemya 7:2

Ku mudimu wa kulongolola tshimenga tshia Yerushalayime, meme kuteka muanetu Anani, kabidi Ananiya, uvua mulombodi wa nzubu wa bena mvita. Ananiya uvua muntu muimpe, mulamatshi wa Mvidi Mukulu, mupite bantu bakuabu ba bungi.

Yobe 28:28

Pashishe uvua wambila bantu ne: “Meji nkunemeka Maweja-Nangila. Lungenyi nkumuka ku malu mabi.”

Misambu 112:1

Tumbishayi Maweja-Nangila, aleluya! Muntu udi unemeka Maweja-Nangila, umvua disanka bua kulonda mikenji yende, udi ne disanka.

Nsumuinu 14:26

Kutshina Maweja-Nangila ke kusomba ku matshi talalaa, bualu yeye udi ulama bana bende.

Malaki 3:16

Pashishe bantu bonsu bavua banemeka Maweja-Nangila, kuelanganabu pabu meji. Maweja-Nangila uvua mubateleje, mumvue bivuabu bamba. Kufundabu mena a bonsu bavua bamutshina, bamunemeka mu mukanda, yeye mutangile.

Matayi 10:28

Nenku kanutshinyi bantu badi bashipa mubidi, kadi kabayi mua kushipa muoyi. Nutshine nangananga Mvidi Mukulu, udi mua kujimija diakamue mubidi ne muoyi mu kandondu.

Matayi 25:17

Uvua mupete nkanu nkama ibidi, kuenza kabidi momumue. Kupetaye minga nkama ibidi.

Bienzedi 10:2

Uvua muntu wa Mvidi Mukulu, umutendelela pamue ne nzubu wende mujima. Uvua wambuluisha bakengi ba bena Yuda ne bintu bivule, utendelela Mvidi Mukulu misangu ne misangu.

Bienzedi 10:35

Muntu nansha wa mu tshisamba kaayi, udi umutshina, wenza tshidiye musue, Mvidi Mukulu udi mumuanyishe.